ରାଜଧାନୀରେ କଲେଜଗାର୍ଲଙ୍କ ଚଣ୍ଡିରୂପ ! ରାସ୍ତା ଉପରେ ପୋଲିସ କନେଷ୍ଟବଳଙ୍କୁ ମନଇଚ୍ଛା ମାଡ, ଲୋକଙ୍କ ବିରୋଧ ପରେ ଥାନାରେ ଭୁଲ ମାଗିଲେ ଯୁବତୀ
କନକ ବ୍ୟୁରୋ: କଲେଜଗାର୍ଲଙ୍କ ଚଣ୍ଡିରୂପ । ଆଉ ଏଭଳି ରୂପ ଅନ୍ୟ କେଉଁଠି ନୁହେଁ ବରଂ ଦେଖିବାକୁ ମିଳିଛି ରାଜଧାନୀ ଭୁବନେଶ୍ୱରର ଜନଗହଳିପୂର୍ଣ୍ଣ ରମାଦେବୀ କଲେଜ ସାମ୍ନାରେ । ଯେଉଁଥିରେ ଜଣେ କଲେଜ ଝିଅ ଜଣେ କାର୍ଯ୍ୟରତ ପୋଲିସ କନଷ୍ଟେବଳକୁ ବାଡଉଥିବାର ଏକ ଭିଡିଓ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ, ଗତକାଲି ରାତି ପ୍ରାୟ ସାଢେ ୯ଟା ବେଳେ ଏହି ରାସ୍ତାରେ ଗାଡି କାଗଜପତ୍ର ଯାଂଚ କରାଯାଉଥିଲା । ଠିକ୍ ଏହି ସମୟରେ ଏକ ବାଇକରେ ଜଣେ ଯୁବକ ଓ ଯୁବତୀ ସେହି ବାଟ ଦେଇ ଯାଉଥିବା ବେଳେ ପୁଲିସ ତାଙ୍କୁ ଅଟଳାଇବାକୁ ଚେଷ୍ଟା କରିଥିଲା । କିନ୍ତୁ ସେମାନେ ପୁଲିସ ସହ ଯୁକ୍ତିତର୍କ କରିଥିଲେ । ସଂପୃକ୍ତ ଝିଅ ଟ୍ରାଫିକ ନିୟମ ଉଲ୍ଲଙ୍ଘନ ନେଇ କନେଷ୍ଟବଳଙ୍କ ସହ ବଚସା କରିଥିଲେ । ଯୁବତୀଜଣକ ଟ୍ରାଫିକ ନିୟମ ଉଲ୍ଲଙ୍ଘନ କରିବା ନେଇ କନେଷ୍ଟବଳ ତାଙ୍କୁ ତାଗିଦ କରିଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା । ଏପରିକି ଯୁବତୀ ଜଣକ ପୁଲିସକୁ ଗାଳିଗୁଲଜ କରିବା ସହିତ ଜଣେ ପୁଲିସ କର୍ମୀଚାରୀଙ୍କ କଲର ଧରି ଟଣାଓଟରା କରିଥିଲେ ।
ଖାଲି ଏତିକି ନୁହେଁ ଆଇଡେଣ୍ଟି ପ୍ରୁଫ୍ ନଥିଲେ ତୁମେମାନେ ଧରପଗଡ଼ କରିପାରିବ ନାହିଁ ବୋଲି ଧମକାଇଥିଲେ। ଏନେଇ ସେଠାରେ କିଛି ସମୟ ଧରି ଉତ୍ତେଜନା ପ୍ରକାଶ ପାଇଥିଲା।