ଗୁଜରାଟ ନିର୍ବାଚନ ଫଳାଫଳକୁ ନେଇ ମୁଖ୍ୟମନ୍ତ୍ରୀଙ୍କ ପ୍ରତିକ୍ରିୟା ! ନବୀନ କହିଲେ, କାମ କରିବନି ସରକାର ବିରୋଧୀ ହାୱା
କନକ ବ୍ୟୁରୋ: ଗୁଜୁରାଟ ନିର୍ବାଚନ ଫଳାଫଳ ନେଇ ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସରକାର ବିରୋଧୀ ହାୱା ଓଡିଶାରେ କାମ କରିବନି । ଗୁଜରାଟ ଫଳାଫଳର ପ୍ରଭାବ ଓଡିଶାରେ ପଡିବନି ବୋଲି କହିଛନ୍ତି ନବୀନ ପଟ୍ଟନାୟକ । ଯେକୌଣସି ସମୟରେ ନିର୍ବାଚନ ପାଇଁ ପ୍ରସ୍ତୁତ ଥିବା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ ଯେ, ଗୁଜରାଟ ଓ ହିମାଚଳ ଫଳାଫଳ ନେଇ ଆଜି ପ୍ରତିକ୍ରିୟା ପ୍ରକାଶ କରିଛି ବିଜେଡି । ବିଜେଡି ନେତା ଅମର ଶତପଥୀ କହିଛନ୍ତି, ଲୋକେ ଠିକ ସମୟରେ ନିଷ୍ପତି ନେଲେ । ସାରା ଦେଶ ଓ ଓଡିଶାରେ ଏହାର ପ୍ରଭାବ ପଡିବ । ସବୁ ଉଦ୍ୟମ ସତ୍ୱେ ମୋଦିଙ୍କ ନିଜ ନିର୍ବାଚନ ମଣ୍ଡଳୀରେ ବିଜେପି ହାରିଲା । ଫଳାଫଳରୁ ବିଜେପିର ଚୈତନ୍ୟ ଉଦୟ ହୋଇଛି । ଭୋଟର ନିଷ୍ପତିରେ ବିଜ୍ଞତା ଦେଖାଇଛନ୍ତି । ଯେଉଁ ଅମିତ ଶାହ ନିଜ ରାଜ୍ୟରେ ଆକଳନ କରିପାରିଲେନି ସେ ଓଡିଶା କଥା କଣ କହିବେ ବୋଲି କହିଛି ବିଜେଡି ।
ସେପଟେ ବିଜେଡି ପ୍ରତିକ୍ରିୟାର ଜବାବ ଦେଇଛି ବିଜେପି । ଦଳ କହିଛି ଗୁଜରାଟରେ ସିନା ସିଟ୍ ସଂଖ୍ୟା କମିଛି, ହେଲେ ଭୋଟ ପ୍ରତିଶତ ବଢିଛି । ଲୋକେ ମୋଦିଙ୍କ ବିକାଶଧାରାଙ୍କୁ ସମର୍ଥନ କରିଛନ୍ତି । ରାଜ୍ୟରେ ବିଜେଡି ଅହଙ୍କାରରେ ମାତିଛି । ତେଣୁ ଆମ ରାଜ୍ୟରେ ବିକାଶ ହୋଇନି । ଆଉ ଏହି ଅହଙ୍କାରର ପରିଣତି ୨୦୧୯ରେ ଭୋଗିବେ । ସରକାରର ପତନ ହୋଇ ନୂଆ ସରକାର ଆସିବ ।