ୟୁରୋପ ଓ ଦକ୍ଷିଣ ଆଫ୍ରିକାରେ କରୋନା ବଢିଲା, ଭାରତୀୟ ସେୟାର ବଜାରରେ ଚଡ଼କ ପଡିଲା । ଦିନକରେ ନିବେଶକ ହରାଇଲେ ପ୍ରାୟ ସାଢେ ୭ ଲକ୍ଷ କୋଟି ।
କନକ ବ୍ୟୁରୋ : ସେୟାର ବଜାର ପାଇଁ କଳାଦିନ । ଦକ୍ଷିଣ ଆଫ୍ରିକାରେ କରୋନା ଭାଇରସର ନୂଆ ପ୍ରଜାତି ଚିହ୍ନଟ ହେବା ପରେ ଏହାର ପ୍ରଭାବ ବିଶ୍ୱ ବଜାରରେ ପଡ଼ିଛି । ଦୁଇ ସପ୍ତାହ ହେବ ତଳକୁ ତଳ ଖସୁଛି ସେୟାର ବଜାର । ଗତ ସାତ ମାସ ପରେ ଆଜି ସବୁଠୁ ଅଧିକ କ୍ଷତି ହୋଇଛି । ଗୋଟିଏ ଦିନରେ ପ୍ରାୟ ସାଢ଼େ ୭ ଲକ୍ଷ କୋଟି ଟଙ୍କା ହରାଇଛନ୍ତି ନିବେଶକ ।
Kanak News is now on WhatsApp
Join and get latest news updates delivered to you via WhatsApp
ବଢିଲା କରୋନା, ଖସିଲା ବଜାର!
ସାତ ମାସ ପରେ ସବୁଠୁ ଅଧିକ କ୍ଷତି ସହିଲେ ନିବେଶକ
ଚଳିତ ସପ୍ତାହର ଶେଷ ଦିନରେ ଭାରତୀୟ ସେୟାର ବଜାର ଏମିତି ଝଟକା ଦେଇଛି, ଗୋଟିଏ ଦିନରେ ପ୍ରାୟ ସାଢ଼େ ୭ ଲକ୍ଷ କୋଟି ହରାଇଛନ୍ତି ନିବେଶକ । ସାତ ମାସ ପରେ ସେୟାର ବଜାରରେ ଏପରି ହ୍ରାସ ଘଟିଛି । ସେନସେକ୍ସ ୨.୮୭ ପ୍ରତିଶତ ଖସି ୫୭,୧୦୭.୧୫ରେ ବନ୍ଦ ହୋଇଛି । ସେହିପରି ନିଫଟି ୨.୯୧ ପ୍ରତିଶତ ଖସି ୧୭,୦୨୬.୪୫ରେ ବଜାର ବନ୍ଦ ହୋଇଛି । ହଠାତ୍ ଏପରି ସ୍ଥିତି ପାଇଁ ବିଦେଶରେ ବଢୁଥିବା କରୋନା ସଂକ୍ରମଣ ବୋଲି କୁହାଯାଉଛି । ଦକ୍ଷିଣ ଆଫ୍ରିକାରେ କରୋନା ଭାଇରସର ନୂଆ ଭ୍ୟାରିଆଣ୍ଟ ଚିହ୍ନଟ ହେବା ପରେ ବିଶ୍ୱ ବଜାରରେ ଏହାର ପ୍ରଭାବ ପଡ଼ିଛି । ନଜର ପକାନ୍ତୁ,
କାହିଁକି ଖସୁଛି ସେୟାର ବଜାର?
– ଦକ୍ଷିଣ ଆଫ୍ରିକାରେ କରୋନା ଭାଇରସର ନୂଆ ପ୍ରଜାତି ଚିହ୍ନଟ
– ୟୁରୋପରେ କରୋନା ସଂକ୍ରମଣ ବୃଦ୍ଧି
– ବିଶ୍ୱର ବିଭିନ୍ନ ଦେଶରେ କଟକଣା କଡାକଡି
– ପୁଣି ସୃଷ୍ଟି ହୋଇଛି ଲକଡାଉନ ଭଳି ସ୍ଥିତି
– ବିଦେଶୀ ନିବେଶକଙ୍କ ସେୟାର ବିକ୍ରି
ଭାରତୀୟ ସେୟାର ବଜାରରେ ଦୁଇ ସପ୍ତାହ ହେବ ସେୟାର ବଜାର ଖସୁଥିବାର ଦେଖିବାକୁ ମିଳୁଥିଲା । ହେଲେ ନୂଆ ଭ୍ୟାରିଆଣ୍ଟ ଚିହ୍ନଟ ହେବା ପରେ ଭୟ ବଢିବାରେ ଲାଗିଛି । ଅନେକ ୟୁରୋପୀୟ ଦେଶରେ କରୋନା ମାମଲା ବଢୁଥିବାରୁ ଲକଡାଉନ୍ ଘୋଷଣା କରିଛନ୍ତି । ଆଗକୁ ଅଧିକ କ୍ଷତି ହୋଇପାରେ ଆଶଙ୍କା କରି ନିବେଶକ ମାନେ ସେୟାର ବିକ୍ରି କରି ଦେଉଥିବା ଜଣାପଡିଛି । ଆଗକୁ ମଧ୍ୟ ସେୟାର ବଜାରରେ ଏପରି ସ୍ଥିତି ରହିପାରେ ବୋଲି ଆଶଙ୍କା କରୁଛନ୍ତି ବିଶେଷଜ୍ଞ । ଏପରି ସ୍ଥିତିରେ ଆଇଟି କମ୍ପାନୀରେ ନିବେଶ ଭଲ ରିଟର୍ନ ଦେଇପାରେ ବୋଲି କୁହାଯାଉଛି ।