କନକ ବ୍ୟୁରୋ: ଦିଲ୍ଲୀରେ ଚାଲିଛି ମାନସ ମନ୍ଥନ । ବିଜେପି ଜାତୀୟ କାର୍ଯ୍ୟକାରିଣୀ ବୈଠକର ଆଜି ଦ୍ୱିତୀୟ ଦିନ । ବିଜେପିର ପରିବର୍ଦ୍ଧିତ ଜାତୀୟ କାର୍ଯ୍ୟକାରିଣୀ ବୈଠକ ଦିଲ୍ଲୀ ତାଲକୋଟରା ଷ୍ଟାଡିଅମରେ ଅନୁଷ୍ଠିତ ହେବ । କାର୍ଯ୍ୟକାରିଣୀ ବୈଠକରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ଏହି ବୈଠକରେ ବିଜେପିର ୧୪୦୦ ବିଧାୟକ, ୫୦ରୁ ଅଧିକ କେନ୍ଦ୍ର ମନ୍ତ୍ରୀ, ୧୩ ଜଣ ମୁଖ୍ୟମନ୍ତ୍ରୀ, ୫ ଜଣ ଉପମୁଖ୍ୟମନ୍ତ୍ରୀ ଯୋଗ ଦେବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ବିଜେପି ଶାସିତ ରାଜ୍ୟମାନଙ୍କରୁ ୨୫୦ ଜଣ ମନ୍ତ୍ରୀ, ୮୫ ବିଧାନ ପରିଷଦ ସଦସ୍ୟ ଏବଂ ୩୩୬ ସାଂସଦ ଯୋଗଦେବେ ବୋଲି ବିଜେପି ପକ୍ଷରୁ ସୂଚନା ମିଳିଛି । ଏହି ବୈଠକରେ ଓଡିଶାରୁ ପ୍ରାୟ ଶହେ ଜଣେ ପ୍ରତିନିଧି ଯୋଗ ଦେଉଥିବା ଜଣାପଡିଛି । ଗତକାଲି ଆରମ୍ଭ ହୋଇଥିବା କାର୍ଯ୍ୟକାରିଣୀରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା, ଦଳର ତୁଙ୍ଗ ନେତା, ସାଂସଦ, ବିଧାୟକ ଓ ରାଜ୍ୟ ସଭାପତିଙ୍କ ବିଜେପି କାର୍ଯ୍ୟକାରିଣୀରେ ୨୦୧୯ ନିର୍ବାଚନ ପାଇଁ ରଣନୀତି ନିର୍ଦ୍ଧାରଣ ହେବା ଆଶା କରାଯାଉଛି । ସାଧାରଣ ନିର୍ବାଚନକୁ ଆହୁରି ଦେଢ ବର୍ଷ ସମୟ ଥିବା ବେଳେ ଏବେଠୁ ପ୍ରସ୍ତୁତି ଆରମ୍ଭ କରିଦେଇଛି ବିଜେପି ।
ସୂଚନା ମୁତାବକ, ଗତକାଲିଠାରୁ ନୂଆଦିଲ୍ଲୀରେ ବିଜେପିର ଜାତୀୟ କାର୍ଯ୍ୟକାରିଣୀ ବୈଠକ ଆରମ୍ଭ ହୋଇଛି । ବୈଠକରେ ପ୍ରଧାନମନ୍ତ୍ରୀ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା, ଦଳର ତୁଙ୍ଗ ନେତା, ସାଂସଦ, ବିଧାୟକ ଓ ରାଜ୍ୟ ସଭାପତିଙ୍କ ସହ ପ୍ରାୟ ୨ଶହ ନେତା ସାମିଲ ହୋଇଛନ୍ତି । ଏହି ବୈଠକରେ ୨୦୧୯ ନିର୍ବାଚନ ପାଇଁ ହେବ ମହାମନ୍ଥନ । ସାଧାରଣ ନିର୍ବାଚନକୁ ଆହୁରି ଦେଢ ବର୍ଷ ସମୟ ଥିବା ବେଳେ ଏବେଠୁ ପ୍ରସ୍ତୁତି ଆରମ୍ଭ କରିଛି ବିଜେପି । ଆଜି ପ୍ରଧାନମନ୍ତ୍ରୀ କାର୍ଯ୍ୟକାରିଣୀ ବୈଠକକୁ ସମ୍ବୋଧିତ କରିବେ । ଯାହା ଉପରେ ସମସ୍ତଙ୍କ ନଜର ରହିଛି । କାରଣ ମୋଦିଙ୍କ ଅଭିଭାଷଣ ଆଗାମୀ ବିଧାନସଭା ଓ ୨୦୧୯ ଲୋକସଭା ନିର୍ବାଚନ ପାଇଁ ଦଳର ରଣକୌଶଳ ନିର୍ଦ୍ଧାରଣରେ ସହାୟକ ହେବ ।
ଏହି କାର୍ଯ୍ୟକାରିଣୀ ବୈଠକ ବିଭିନ୍ନ ଦୃଷ୍ଟିରୁ ଦଳ ପାଇଁ ଗୁରୁତ୍ୱପୂର୍ଣ୍ଣ । ଏପରିକି ବିଭିନ୍ନ ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ନୂଆ ଷ୍ଟ୍ରାଟେଜି ବିଷୟରେ ଏହି ବୈଠକରେ ବିସ୍ତୃତ ଭାବେ ଆଲୋଚନା କରାଯିବ । ତାହା ସହ ରୋହିଙ୍ଗ୍ୟା ମୁସଲମାନଙ୍କୁ ନେଇ ମଧ୍ୟ ଆଲୋଚନା କରାଯିବାର ସମ୍ଭାବନା ରହିଛି । ପୂର୍ବରୁ ରୋହିଙ୍ଗ୍ୟା ମୁସଲମାନଙ୍କ ଭାରତରେ ରହିବାକୁ ବିରୋଧ କରୁଛି ବିଜେପି । ତେଣୁ ଏହା ଉପରେ କୌଣସି ନିଷ୍କର୍ସ ବାହାରିବାର ସମ୍ଭାବନା ରହିଛି ।