ବାବରୀ ମସଜିଦ ଥିଲା, ଅଛି ଓ ରହିବ: ଅଯୋଧ୍ୟା ରାମ ମନ୍ଦିର ନିର୍ମାଣ ମାମଲାରେ ଏଆଇଏମ ଆଇଏମ ମୂଖ୍ୟଙ୍କ ବିବାଦୀୟ ବୟାନ
ଏଆଇଏମ୍ଆଇଏମର ମୁଖ୍ୟ ତଥା ହାଇଦ୍ରାବାଦ ସାଂସଦ ଅସାଉଦ୍ଦିନ୍ ଓେଓ୍ଵସିଙ୍କର ସଦ୍ୟତମ ବକ୍ତବ୍ୟ ପୁଣି ବିବାଦ ସୃଷ୍ଟି କରିଛି। ଅଯୋଧ୍ୟା ମାମଲାରେ ସେ କହିଛନ୍ତି “ ଆମେ ବିବାଦୀୟ ଜମିରେ ବାବରୀ ମସଜିଦ କରିବାର ଦାବିକୁ କେବେ ପ୍ରତ୍ୟାହାର କରିବୁନି”ା ଶନିବାର ଦିନ ନୂଆଦିଲ୍ଲୀ ଠାରେ ସୋସାଇଟି ଫର୍ ଇଣ୍ଟେଗ୍ରେଟିଭ୍ ଆଙ୍କୋଲୋଜିର ଏକ କାର୍ୟ୍ୟକ୍ରମରେ ସେ କହିଛନ୍ତି “ ଆମର ମସଜିଦ ସେଠି ଥିଲା, ଅଛି , ରହିବ ଓ ସୁପ୍ରିମକୋର୍ଟର ନିର୍ଣ୍ଣୟ ଆମ ପକ୍ଷରେ ଯିବା ପରେ ପୁଣି ଥରେ ସେହି ସ୍ଥାନରେ ବାବରୀ ମସଜିଦ ହେବ । ମତେ ପୂର୍ଣ୍ଣ ବିଶ୍ୱାସ ଅଛି ଯେ ସୁପ୍ରିମକୋର୍ଟର ଫଇସଲା ଆସ୍ଥା ଆଧାରରେ ନହୋଇ ବରଂ ପ୍ରମାଣ ଆଧାରରେ ହେବ ।
Kanak News is now on WhatsApp
Join and get latest news updates delivered to you via WhatsApp
ପଂଜାବ ନ୍ୟାସନାଲ ବ୍ୟାଙ୍କ ଠକେଇ ବିଷୟରେ ପିଏମ ମୋଦୀଙ୍କ ଉପରେ ଟାରଗେଟ କରି ସେ କହିଛନ୍ତି ଯେ ଗୀତାଞ୍ଜଳି ଜେମ୍ସର ମାଲିକ ମେହୁଲ ଚୋକସି ଙ୍କ ସହ ତାଙ୍କର ସଂପକଁ କଣ ? ଯେଉଁ ଲୋକମାନେ ଆମକୁ ପାକିସ୍ତାନୀ କହୁଛନ୍ତି, ମୁଁ ତାଙ୍କୁ ପଚାରିବାକୁ ଚାହେଁ ଯେ ହର୍ଷଦ ମେହେତା, କେତନ ପାରେଖ, ନିରବ ମୋଦି କ’ଣ ମୁସଲମାନ? ପ୍ରଧାନମନ୍ତ୍ରୀ ଭାଇ ଡାକୁଥିବା ଲୋକମାନେ ଦେଶକୁ ଲୁଣ୍ଠନ କରିଛନ୍ତି। ହିନ୍ଦୁ-ମୁସଲମାନ ଭାଇ ଭାଇ ସିଦ୍ଧାନ୍ତରେ ବିଶ୍ୱାସ କରୁଛନ୍ତି ଯଦି ଆମର ସହାୟତା କାହିଁକି କରୁନାହାଁନ୍ତି । ଦେଶ ଏବେ ହିନ୍ଦୁତ୍ୱ ଦେଶ ହେବାକୁ ଯାଉଛି। ଆମ ସହିତ ଦ୍ୱିତୀୟ ଶ୍ରେଣୀ ନାଗରିକ ଭଳି ବ୍ୟବହାର କରାଯାଉଛି ।