ଷ୍ଟାଫନର୍ସ ନିଯୁକ୍ତିରେ ଲାଂଚ କାରବାର ! ଲାଂଚ ନେଇ କର୍ତ୍ତୃପକ୍ଷ ବାହାର ଜିଲ୍ଲାର ପ୍ରାର୍ଥୀଙ୍କୁ ଅଗ୍ରାଧିକାର ଦେଉଥିବା ଅଭିଯୋଗ ଆଣିଲେ ବୌଦ୍ଧ ଜିଲ୍ଲା ଆଶାୟୀ ପ୍ରାର୍ଥୀ
କନକ ବ୍ୟୁରୋ : ଷ୍ଟାଫନର୍ସ ପରୀକ୍ଷାରେ ଲକ୍ଷ ଲକ୍ଷ ଟଙ୍କାର ଲାଂଚ କାରବାର ଅଭିଯୋଗ । ଲାଂଚ ନେଇ କର୍ତ୍ତୃପକ୍ଷ ବାହାର ଜିଲ୍ଲାର ପ୍ରାର୍ଥୀଙ୍କୁ ଅଗ୍ରାଧିକାର ଦେଇଥିବା ଅଭିଯୋଗ ଆଣିଛନ୍ତି ବୌଦ୍ଧ ଜିଲ୍ଲାର ଆଶାରୀ ପ୍ରାର୍ଥୀ । ପ୍ରତିବାଦରେ ଅନିଦ୍ଦିଷ୍ଟ କାଳ ପର୍ଯ୍ୟନ୍ତ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ଦେଇଛନ୍ତି । ଜିଲ୍ଲାରେ ୨୮ଟି ପଦବୀ ନିମନ୍ତେ ଗତ ଡିସେମ୍ବର ୨୪ ତାରିଖରେ ବିଜ୍ଞପ୍ତି ଜାରି ହୋଇଥିଲା । ଆଉ ଜିଲ୍ଲାରେ ଯୋଗ୍ୟ ପ୍ରାର୍ଥୀ ନମିଳିଲେ ବାହାର ଜିଲ୍ଲାର ପ୍ରାର୍ଥୀଙ୍କୁ ନିଯୁକ୍ତି ଦିଆଯିବ ବୋଲି ବିଜ୍ଞାପନରେ ପ୍ରକାଶ ପାଇଥିଲା । ଏଥିପାଇଁ ବୌଦ୍ଧ ଜିଲ୍ଲାର ୫୩ ଜଣ ପ୍ରାର୍ଥୀ ଆବେଦନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଲାଂଚ ନେଇ ବିଭାଗୀୟ କର୍ତ୍ତୃପକ୍ଷ ଜିଲ୍ଲାର ପ୍ରାର୍ଥୀଙ୍କୁ ବାଦ୍ ଦେଇ ବାହାର ଜିଲ୍ଲାର ପ୍ରାର୍ଥୀଙ୍କୁ ଅଗ୍ରାଧିକାର ଦେଇଥିବା ଅଭିଯୋଗ କରି ଧାରଣା ଦେଇଛନ୍ତି ଜିଲ୍ଲାର ଆଶାୟୀ ପ୍ରାର୍ଥୀ । ଆଉ ଏହାକୁ ସମର୍ଥନ କରିଛନ୍ତି ଜିଲ୍ଲାର ବିଭିନ୍ନ ରାଜନୈତିକ ଦଳ । ସେପଟେ ଏହାର ତଦନ୍ତ ପାଇଁ ଆସିଥିବା ଅତିରିକ୍ତ ଜିଲ୍ଲାପାଳଙ୍କୁ ପ୍ରାର୍ଥୀମାନେ ଘେରାଉ କରିବା ସହ ନ୍ୟାୟ ପାଇଁ ଦାବି କରିଥିଲେ । ତେବେ ଦାବି ପୂରଣ ନହେବା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ । ଆଗାମୀ ଦିନରେ ଆନ୍ଦୋଳନ ତିବ୍ରତର କରାଯିବ ବୋଲି ଆନ୍ଦୋଳନ କାରୀ ଚେତାବନୀ ଦେଇଛନ୍ତି ।