ପଶ୍ଚିମବଙ୍ଗକୁ ଚୋରା ଗୋ ଚାଲାଣ ବେଳେ ସେରଗଡରୁ ଗୋରୁ ବୋଝେଇ କଂଟେନରକୁ ଧରିଲେ ଲୋକେ । କଂଟେନରରେ ବୋଝେଇ ଥିଲା ପ୍ରାୟ ୨୫୦ ଗୋରୁ
କନକ ବ୍ୟୁରୋ: ବାଲେଶ୍ୱରରେ ଧରାପଡିଲା ଗୋରୁ ବୋଝେଇ କଂଟେନର । ଚୋରା ଗୋ ଚାଲାଣ ବେଳେ ଗୋରୁ ବୋଝେଇ କଂଟେନରକୁ ଧରିଲେ ସ୍ଥାନୀୟ ଲୋକେ । ଆଜି ଭୋରରେ ପଶ୍ଚିମବଙ୍ଗକୁ ଚୋରା ଗୋ ଚାଲାଣ ବେଳେ ସେରଗଡ ବିସିଇଟି କଲେଜ ନିକଟରେ ଲୋକେ ଏହି ଗୋରୁ ବୋଝେଇ କଂଟେନରକୁ ଧରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଲୋକଙ୍କ ହାତରେ ୨ଟି କଂଟେନର ଧରାପଡିଥିବା ବେଳେ ଟୋଲ ଗେଟ୍ ପାର ହୋଇ ଖସି ଯାଇଥିଲା ଆଉ ୩ଟି କଂଟେନର । ଡାକ ପାର୍ସଲ ଲେଖା ରହିଥିଲା କଂଟେନରରେ । ହେଲେ ଭିତରେ ଚାଲାଣ ହେଉଥିଲା ଗୋରୁ । ଧରାପଡି କଂଟେନରରେ ପ୍ରାୟ ୨୦୦ରୁ ୨୫୦ ଗୋରୁଙ୍କୁ ଅତି ଦୟନୀୟ ଭାବେ ଚାଲାଣ କରାଯାଉଥିଲା ପଶ୍ଚିମବଂଗ । ତିନୋଟି ଥାକରେ ଅତି ଦୟନୀୟ ଭାବେ କଂଟେନର ଭିତରେ ଭର୍ତ୍ତି ହୋଇଥିଲେ ଗୋରୁ ।
ସେପଟେ ଢେଙ୍କାନାଳ ଜିଲ୍ଲାରୁ ମଧ୍ୟ ଆସିଛି ସମାନ ଚିତ୍ର । ଢେଙ୍କାନାଳ ଉପକଣ୍ଠ ନୀହଲପ୍ରସାଦ ରାସ୍ତାରେ ୬ଟି ଗୋରୁ ବୋଝେଇ କଂଟେନରକୁ ଜବତ କରିଛି ପୋଲିସର ସ୍ପେଶାଲ ସ୍କୁଆଡ୍ । କଂଟେନର ସବୁ ଅନୁଗୁଳରୁ କୋଲକାତା ଯାଉଥିଲା ବୋଲି ଜଣାପଡିଛି । ୬ଟି କଂଟେନରରେ ପ୍ରାୟ ୬ ଶହ ଗୋରୁ ବୋଝେଇ ହୋଇ ଯାଉଥିଲେ । ପୋଲିସ ଗୋରୁ ବୋଝେଇ କଂଟେନରକୁ ଜବତ କରିବା ପରେ ନିହଲପ୍ରସାଦ ଥାନାରେ ଅଟକ ରଖିଛି ।