ଭୁବନେଶ୍ୱର ବ୍ୟୁରୋ,କନକ ନ୍ୟୁଜ୍ : ନବୀନଙ୍କ ଟିମରେ ଚର୍ଚ୍ଚାରେ ଥିବା ବରିଷ୍ଠ ଓ କନିଷ୍ଠ ବିବାଦକୁ ଟାର୍ଗେଟ୍ କରିଛନ୍ତି ବିରୋଧୀ । ସର୍ବଦଳୀୟ ବୈଠକରେ ଯୁବ ମନ୍ତ୍ରୀଙ୍କୁ ସ୍ଥାନ ଦେଇ ଏହାକୁ ନବୀନ ପ୍ରମାଣିତ କରିଛନ୍ତି ବୋଲି ବିରୋଧୀଙ୍କ ଯୁକ୍ତି । ଯାହା ସର୍ବଦଳୀୟ ବୈଠକ ଭଣ୍ଡୁର ହେବାର ପ୍ରମୁଖ କାରଣ ବୋଲି ସେମାନେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନଭିଜ୍ଞ ଯୁବ ମନ୍ତ୍ରୀ ସର୍ବଦଳୀୟ ବୈଠକ ପରି ଗୁରୁତ୍ୱପୂର୍ଣ୍ଣ ବୈଠକ ପରିଚାଳନା କରିବାରୁ ସମାଧାନର ବାଟ ବାହାରି ପାରୁନି ବୋଲି ବିରୋଧୀଙ୍କ ଅଭିଯୋଗ । ଯେଉଁଠି ସର୍ବଦଳୀୟ ବୈଠକରେ ସରକାରୀ ଦଳ ମୁଖ୍ୟ ସଚେତକ, ଉପ-ମୁଖ୍ୟସଚେତକ ଓ ସଂସଦୀୟ ବ୍ୟାପାର ମନ୍ତ୍ରୀ ଯୋଗ ଦେଲେ, ଏହାର ପରିଚାଳନା ଦାୟିତ୍ୱରେ ରହିଲେ ୪ ଜଣ ଯୁବ ମନ୍ତ୍ରୀ । ବୈଠକକୁ ନିଜେ ନ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଠାଇଲେ ଅତନୁ ସବ୍ୟସାଚୀ, ଅରୁଣ ସାହୁ, ପ୍ରଣବ ପ୍ରକାଶ ଦାସ ଓ ସଂଜୟ ଦାସବର୍ମାଙ୍କ ପରି ଯୁବ ମନ୍ତ୍ରୀଙ୍କୁ । ହେଲେ ମୁଖମନ୍ତ୍ରୀ ସିବିଆଇ ସ୍କାନରରେ ଥିବା ମନ୍ତ୍ରୀ ସଂଜୟ ଦାସବର୍ମା ଓ ବିରୋଧୀ ଦଳ ନେତାଙ୍କ ବିରୋଧରେ କଟୁ ମନ୍ତବ୍ୟ ଦେଇଥିବା ମନ୍ତ୍ରୀ ଅରୁଣ ସାହୁଙ୍କ ଉପସ୍ଥିତିରୁ ଅସନ୍ତୋଷ ବିରୋଧୀ ।
ଯୁବ ମନ୍ତ୍ରୀଙ୍କ ବଢୁଥିବା ପତିଆରା ଦେଖି କେଉଁଠି ନା କେଉଁଠି ବରିଷ୍ଠ ମନ୍ତ୍ରୀଙ୍କ ମଧ୍ୟରେ ଅସନ୍ତୋଷଥିବା ଚର୍ଚ୍ଚା ହେଉଛି । ଯାହାକୁ ନେଇ ବିଜେଡିରେ ରହିଛି ମିଶ୍ର ପ୍ରତିକ୍ରିୟା । ବିଧାନସଭାରେ ଏବେ ବି ବିରୋଧୀ ଦଳ ପକ୍ଷରୁ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି ଜାରି ରହିଛି । ଯେଉଁଥି ପାଇଁ କିଛି ଆଲୋଚନା ହେବା ପୂର୍ବରୁ ହି ମୁଲତବୀ ହେଉଛି ବିଧାନସଭା ।