ଫୋନକୁ ନେଇ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡା । ସ୍ୱାମୀଙ୍କୁ ଚାପୁଡ଼ା ମାରିଲେ ସ୍ତ୍ରୀ, ହେଲେ ମାଡ଼ ଖାଇ ଜେଲ ଗଲେ ସ୍ୱାମୀ ।
କନକ ବ୍ୟୁରୋ : ପ୍ରଥମେ ଧମକ । ହାତାହାତି, ତାପରେ ବଳ କଷାକଷି । ଆଉ ତାପରେ ମାରି ଚାଲିଛନ୍ତି ଚାପୁଡା ପରେ, ଚାପୁଡା । ପୁଣି ତଂଟିଆ ପରେ ତଂଟିଆ । ଏପରିକି ଖଟ ଉପରେ ଚଢି ମହିଳା ଜଣକ ପୁରୁଷ ଜଣକୁ ଗୋଟିଏ ପରେ ଗୋଟିଏ ମାଡ କଷି ଚାଲିଛନ୍ତି । ଏହି ୨ ଚରିତ୍ର ହେଉଛନ୍ତି ସ୍ୱାମୀ ଆଉ ସ୍ତ୍ରୀ । ଚିତ୍ର କହୁଛି ଫୋନକୁ ନେଇ ସ୍ୱାମୀ, ସ୍ତ୍ରୀଙ୍କ ଭିତରେ ଝଗଡା ଲାଗିଛି । ଆଉ ସ୍ତ୍ରୀ ଜଣକ ତାଙ୍କ ସ୍ୱାମୀଙ୍କୁ ମାଡ ମାରୁଥିବାର ଚିତ୍ର ଆପଣଙ୍କ ଆଖି ସାମନାରେ ।
Kanak News is now on WhatsApp
Join and get latest news updates delivered to you via WhatsApp
କୌଣସି କାରଣରୁ ସ୍ୱାମୀ ସ୍ତ୍ରୀଙ୍କ ମଧ୍ୟରେ ଝଗଡା ହୋଇଛି ଏବଂ ଏହି ଭିଡିଓରୁ ଜଣା ପଡୁଛି ସ୍ୱାମୀଙ୍କ ଠାରୁ ଜୋର ଜବରଦସ୍ତ ମୋବାଇଲ ଫୋନ୍ ଚାହୁଂଛନ୍ତି । ତେବେ ସେ ମୋବାଇଲ ଫୋନରେ କଣ ଅଛି ଏବଂ କଣ ପାଇଁ ନେବାକୁ ଯିଦ କରୁଛନ୍ତି ତାହା ସ୍ପଷ୍ଟ ହୋଇନି । ସେପଟେ ମାଡ ଖାଇଥିବା ସ୍ୱାମୀଙ୍କ ନାଁରେ ଦଫା ୩୦୭ ଅର୍ଥାତ୍ ହତ୍ୟା ଉଦ୍ୟମ, ୫୦୬ ଅର୍ଥାତ୍ ଜୀବନରୁ ମାରି ଦେବାକୁ ଧମକ ଏବଂ ୪୯୮-ଏ ଯୌତୁକ ନିର୍ଯ୍ୟାତନା ଭଳି ସଙ୍ଗୀନ ଦଫାରେ ମାମଲା ରୁଜିୁ କରିଛି ପୁଲିସ ।
ଏଠାରେ ପ୍ରଶ୍ନ ଉଠୁଛି ପୁଲିସ ନେଇଥିବା କାର୍ଯ୍ୟାନୁଷ୍ଠାନ ଠିକ ତ ? ଏଠାରେ ଦଣ୍ଡ ପାଇଥିବା ବ୍ୟକ୍ତି ଦୋଷି ତ ? ଏହି ଘଟଣାର ସଠିକ ତଦନ୍ତ ହେବାର ଆବଶ୍ୟକତା ରହିଛି କି?