ରିଲାଏନ୍ସ ଗ୍ରୁପ୍ ଅଫ୍ ଇଣ୍ଡଷ୍ଟ୍ରୀର ୪୧ ତମ ସାଧାରଣ ବୈଠକ ବୈଠକରେ ବହୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଉପରୁ ଇଣ୍ଡଷ୍ଟ୍ରୀର ମୁଖ୍ୟ ମୁକେଶ ଅମ୍ବାନୀ ପରଦା ଉଠାଇଲେ । ଯେଉଁଥିରେ ଜିଓ-ଫାଇଭର୍ ଅନ୍ୟତମ । ଏହା ଏକ ଫିକ୍ସ ବ୍ରଡବ୍ରାଣ୍ଡ କନେକ୍ସନ୍ ଯେଉଁଥିରେ ୧୦୦ ଏମବିପିଏସର ସ୍ପୀଡର ସୁବିଧା ମିଳିବ ବୋଲି ସୁଚନା ଦିଆଯାଇଛି । ଏଥିରେ ୪କେ ଭିଡିଓ,ସ୍ମାର୍ଟଫୋନ୍,ଅନଲାଇନ୍ ଗେମ୍ ଭଳି କେତେକ ସୁବିଧା ଦିଆଯାଇଛି । ଜିଓ ଗିଗା ଫାଇଭର୍ ଜରିଆରେ ମଲ୍ଟି ପାର୍ଟି ଭିଡିଓ କନଫେନ୍ସିଙ୍ଗ୍ ହୋଇପାରିବ ଏବଂ ଭଏସ୍ ଆକ୍ଟିଭେଟେଡ୍ ଭର୍ଚୁଆଲ୍ ଆସିଷ୍ଟେଡ୍ ସର୍ଭିସ୍ ଦିଆଯାଏ ।
Kanak News is now on WhatsApp
Join and get latest news updates delivered to you via WhatsApp
ତେବେ କମ୍ପାନୀ ଦୁଇବର୍ଷ ଧରି ଏଫଟିଟିଏଚର ଟେଷ୍ଟ୍ କରୁଛି ଏବଂ ଏହି ସର୍ଭିସର ଗୋଟିଏ ମୁଖ୍ୟ ସୁବିଧା ହେଉଛି ଏହାଦ୍ୱାରା ଆପଣ ଗିଗା ଟି.ଭି. ମଧ୍ୟ ଦେଖିପାରିବେ । ଅନ୍ୟ ଏକ ଖାସ୍ କଥା ହେଉଛି କି ଜିଓ ଗିଗା ଟି.ଭିରୁ ଆଉ ଏକ ଗିଗା ଟି.ଭିକୁ ଭିଡିଓ କଲିଙ୍ଗ୍ ମଧ୍ୟ କରିହେବ । ଆସନ୍ତା ବର୍ଷ କମ୍ପାନୀର ଟାର୍ଗେଟ୍ ଭାରତର ୩୦ ସହରରେ ଜିଓ ଗିଗା ଫାଇଭରର କନେକସନ୍ ରହିବାକୁ ନେଇ ରହିଛି । ଜିଓ ଗିଗା ଫାଇଭର ଅନ୍ୟ ନେଟୱାର୍କଠାରୁ ସ୍ପିଡ୍ ରହିବ ବୋଲି କମ୍ପାନୀର ବିଶ୍ୱାସ ରହିଛି । ତେବେ ଏହାକୁ ୧,୧୦୦ ସହରରେ ଆରମ୍ଭ କରାଯିବାକୁ କମ୍ପାନୀ ମୁଖ୍ୟ କହିଛନ୍ତି ।
ଜିଓ ଗିଗା ଫାଇଭର୍ କ’ଣ?
ଜିଓ ଗିଗା ଫାଇଭର୍ ‘ଟୁ ଦ ହୋମ୍’ ର ଅର୍ଥ ଏଫଟିଟିଏଚର ସହ ଜଡିତ ହୋଇଥାଏ । ଏଫଟିଟିଏଚର ଅର୍ଥ ହେଉଛି ଯଦି ଆପଣଙ୍କୁ ଇଣ୍ଟରନେଟ୍ ସର୍ଭିସ୍ ଦରକାର ତେବେ ଆପଣଙ୍କ ଘରକୁ ଏକ କେବଲ୍ ଦିଆଯିବ । ଏଫଟିଟିଏଚ୍ ଯୋଗୁଁ ଆପଣଙ୍କ ଇଣ୍ଟରନେଟ୍ ସ୍ପୀଡ୍ ମଧ୍ୟ ଅଧିକ ହେବ । ଏହି ସୁବିଧା ଅନଲାଇନ୍ ଗେମିଙ୍ଗରେ ମଧ୍ୟ କାମରେ ଆସିବ ।