ମାଲ୍ୟାଙ୍କୁ ଘାରିଛି ସମ୍ପତି ବାଜ୍ୟାପ୍ତି ଭୟ : ଭାରତ ଫେରିବାକୁ ବ୍ୟାକୁଳ ପଳାତକ ମଦ ସମ୍ରାଟ
କନକ ବ୍ୟୁରୋ : ଭାରତ ପ୍ରତ୍ୟାବର୍ତ୍ତନ କରିବାକୁ ଇଚ୍ଛା ପ୍ରକଟ କରିଛନ୍ତି ମଦ ସାମ୍ରାଟ କିଙ୍ଗଫିସର ମାଲିକ ବିଜୟ ମାଲ୍ୟା । ଭାରତ ଫେରିବା ପାଇଁ କେନ୍ଦ୍ରୀୟ ତଦନ୍ତ ଏଜେନ୍ସି ଓ ସରକାରଙ୍କ ନିକଟରେ ମାଲ୍ୟା ନିଜର ଇଚ୍ଛା ଜାହିର କରିଥିବା ସୂଚନା ମିଳିଛି । ଯଦି ମାଲ୍ୟା ଭାରତ ଫେରନ୍ତି, ତାହେଲେ ଋଣ ଠକେଇ ଓ ମନି ଲଣ୍ଡ୍ରିଙ୍ଗ ମାମଲାରେ ଚାଲିଥିବା ମାମଲାର ତାଙ୍କୁ ସାମ୍ନା କରିବାକୁ ପଡିବ । ପ୍ରବର୍ତ୍ତନ ନିଦ୍ଦେଶାଳୟ ବା ଇଡି ସୂତ୍ରରୁ ଏହି ସୂଚନା ମିଳିଛି । ମାଲ୍ୟାଙ୍କ ସମ୍ପତି ଜବତ କରିବା ପାଇଁ ସରକାରଙ୍କ ନିଷ୍ପତି ପରେ ମାଲ୍ୟା ଏପରି ଚାହୁଁଥିବା ଇଡି କହିଛି । ୨୦୧୬ରେ ମାଲ୍ୟ ଭାରତ ଛାଡି ବିଦେଶରେ ଅଛନ୍ତି । ପାଖାପାଖି ୯ହଜାର କୋଟିର ଋଣ ଠକେଇ କରି ଫେରାର ହୋଇଯାଇଛନ୍ତି ମାଲ୍ୟା । ନୂଆ ଆଇନ ଅନୁଯାୟୀ ଇଡି ମାଲ୍ୟାଙ୍କର ୧୨ହଜାର ୫ଶହ କୋଟି ସମ୍ପତି ଜବତ କରିବାକୁ ଦାବି କରିଛି ।
Kanak News is now on WhatsApp
Join and get latest news updates delivered to you via WhatsApp
ଠକେଇ ଅଭିଯୋଗ ଗୁଡ଼ିକ ପାଇଁ ଥିବା ଅର୍ଡ଼ିନାନ ଅନୁସାରେ କୋର୍ଟକୁ ଅଧିକାର ମଳିଛି, ପଳାତକଙ୍କ ସମ୍ପତି ବ୍ୟାଜାପ୍ତି ପାଇଁ ଆଦେଶ ଦେଇପାରିବେ । ମୁମ୍ବାଇ କୋର୍ଟରେ ଏହି ନୂଆ ନିିୟମ ସାମ୍ନା କରିବାର ପ୍ରଥମ ବ୍ୟକ୍ତି ହେଉଛନ୍ତି ମାଲ୍ୟା । ତେବେ ଭାରତ ଫେରିବା ଖବର ଉପରେ ମାଲ୍ୟା ନିଜେ କୌଣସି ବୟାନ ଦେଇନାହାନ୍ତି । ସୂଚନାଯୋଗ୍ୟ କିଛି ଦିନ ପୂର୍ବରୁ ମାଲ୍ୟାଙ୍କୁ ବ୍ରିଟେନରୁ ପ୍ରତ୍ୟର୍ପଣ ମାଧ୍ୟମରେ ଅଣାଯିବାକୁ ପ୍ରୟାସ ଚାଲିଥିଲା । ଲଣ୍ଡନର ଏକ କୋର୍ଟ ଏପରି ନିଷ୍ପତ୍ତି ଶୁଣାଇଥିଲେ ।