ସର୍ବଭାରତୀୟ ପ୍ରଶାସନିକ ପରୀକ୍ଷାରେ ପୁଣି ବାଜି ମାରିଲେ ଝିଅ : ଦିଲ୍ଲୀର ଟିନା ଡାବି ଟପ୍ପର
ଦିଲ୍ଲୀ ବ୍ୟୁରୋ, କନକ ନ୍ୟୁଜ୍: ଭାରତୀୟ ପ୍ରଶାସନିକ ପରୀକ୍ଷା – ୨୦୧୫ର ପରୀକ୍ଷା ଫଳ ପ୍ରକାଶ ପାଇଛି । ଦିଲ୍ଲୀର ଟିନା ଡାବି ନାମକ ଜଣେ ୨୨ ବର୍ଷୀୟ ଝିଅ ଏହି ପରୀକ୍ଷାରେ ଟପ୍ପର ହୋଇଛନ୍ତି । ରାଜନୀତି ବିଜ୍ଞାନର ଦିଲ୍ଲୀର ଏହି ଯୁବତୀ ପ୍ରଥମ ଉଦ୍ୟମରେ ଆଉଏଏସ୍ ଟପ୍ପର ହୋଇଛନ୍ତି । ଜାତୀୟ ଗଣମାଧ୍ୟମକୁ ଦେଇଥିବା ପ୍ରତିକ୍ରିୟାରେ ଟିନା କହିଛନ୍ତି ତାଂକ ଆଦର୍ଶ ତାଙ୍କ ମାଆ । ଏହା ସହ ବର୍ତମାନ ସେ ଟ୍ରେନିଂକୁ ଅପେକ୍ଷା କରିଛନ୍ତି । ଦେଶ ପାଇଁ କିଛି କରିବା ପାଇଁ ତାଙ୍କର ଲକ୍ଷ୍ୟ ବୋଲି ଟିନା କହିଚନ୍ତି । ଅନ୍ୟପଟେ ସାକ୍ଷାତକାର ପରୀକ୍ଷା ସମୟରେ ଦୀର୍ଘ ୪୦ ମିନିଟ ଧରି ତାଙ୍କୁ ପ୍ରଶ୍ନ କରାଯାଇଥିବା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଦ୍ୱିତୀୟ ସ୍ଥାନରେ ଅତହର୍ ଆମୀର୍ ଉଲ ସାଫି ଖାନ, ତୃତୀୟ ସ୍ଥାନରେ ଯସ୍ମୀତ୍ ସିଂହ ସାନ୍ଧୁ ରହିଛନ୍ତି । ସେହିପରି ଚତୁର୍ଥ ସ୍ଥାନରେ ଆର୍ତିକା ଶୁକ୍ଲା ଓ ପଂଚମ ସ୍ଥାନରେ ଶଶାଙ୍କ ତ୍ରିପାଠୀଙ୍କ ନାଁ ରହିଛି । ୨୬ତମ ସ୍ଥାନରେ ଅଛନ୍ତି ଓଡିଆ ଯୁବକ ଦିବ୍ୟଜ୍ୟୋତି ପରିଡା । ମୋଟ ୧୦୭୮ ଜଣ କୃତକାର୍ଯ୍ୟ ହୋଇଛନ୍ତି । ଏଥିରେ ରହିଛନ୍ତି ସାଧାରଣ ବର୍ଗର ୪୯୯, ପଛୁଆ ବର୍ଗର ୩୧୪, ଅନୁସୂଚିତ ଜାତି ବର୍ଗରେ ୭୬ ଓ ଅନୁସୂଚିତ ଜନଜାତି ବର୍ଗରେ ୮୯ ଜଣ ପରୀକ୍ଷାର୍ଥୀ ସଫଳତା ହାସଲ କରିଥିବା ୟୁପିଏସସି ପକ୍ଷରୁ ସୂଚନା ଦିଆଯାଇଛି । ଭାରତୀୟ ପ୍ରଶାସନିକ ସେବା, ଭାରତୀୟ ବୈଦେଶିକ ସେବା, ଭାରତୀୟ ପୋଲିସ ସେବା, କେନ୍ଦ୍ରୀ ସେବା – ଗ୍ରୁପ ଏ ଓ ଗ୍ରୁପ ବି ଭାବେ ଏହି ସଫଳ ହୋଇଥିବା ପରୀକ୍ଷାର୍ଥୀମାନେ ନିଯୁକ୍ତି ପାଇବେ ।