ଉତ୍ତରପ୍ରଦେଶରେ ଆକ୍ସନ ମୋଡରେ ଯୋଗୀ ! ପୁଲିସ-ଅପରାଧୀ ମେଂଟ ଭାଙ୍ଗିବାକୁ ଉଦ୍ୟମ
କନକ ବ୍ୟୁରୋ : ୟୁପିରେ ଆକ୍ସନ ମୋଡ୍ରେ ଯୋଗୀ ସରକାର । ତାହା ଏବେ ସବୁ ବିଭାଗରେ ଦେଖିବାକୁ ମିଳୁଛି । ପୋଲିସ ଓ ଅପରାଧୀ ମେଂଟକୁ ଭାଙ୍ଗିବା ପାଇଁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଙ୍ଗଳବାର ଏକ ବଡ ନିଷ୍ପତି ନେଇଛନ୍ତି । ୟୁପି ପୋଲିସର ମୋଟ ୬୨୬ ଜଣ କର୍ମଚାରୀଙ୍କୁ ଏକ ସମୟରେ ବଦଳି କରିଛି ଯୋଗୀ ସରକାର ।
Kanak News is now on WhatsApp
Join and get latest news updates delivered to you via WhatsApp
କନଷ୍ଟେବଲଠାରୁ ଆରମ୍ଭ କରି ଇନସ୍ପେକ୍ଟର ପର୍ଯ୍ୟନ୍ତ ମୋଟ ୩୩୮ ଜଣଙ୍କୁ ପୁରା ଜୋନରୁ ଅନ୍ୟ ଜୋନକୁ ବଦଳି କରାଯାଇଥିବା ସୂଚନା ମିଳିଛି । ସେହିପରି ୨୮୮ ଜଣଙ୍କୁ ମୁଖ୍ୟ କାର୍ଯ୍ୟାଳୟରୁ ହଟାଇ ଅନ୍ୟ ସ୍ଥାନକୁ ବଦଳି କରାଯାଇଛି । ମିଳିଥିବା ଗୁପ୍ତ ସୂଚନା ଆଧାରରେ କେତେକ ପୋଲିସ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ମଧ୍ୟ ନିଆଯିବା ସମ୍ଭାବନା ରହିଛି ।