ରଙ୍ଗୀନ ଆଲୁଅରେ ଝଲସୁଛି ଜନତା ମଇଦାନ ! ୩ ଦିନରେ କୋଟିଏରୁ ଅଧିକ ଟଙ୍କାର ବେପାର
କନକ ବ୍ୟୁରୋ : ଜନତା ମଇଦାନଠାରେ ଚାଲିଥିବା ତୋଷାଳି ମେଳାରେ ଦିନକୁ ଦିନ ଗ୍ରାହକଙ୍କ ଆଗମନ ବୃଦ୍ଧି ପାଉଛି । ଗତ ବର୍ଷ ତୋଷାଳି ମେଳାରେ ୨୦ କୋଟି ଟଙ୍କାରୁ ଅଧିକ ବେପାର ହୋଇଥିବା ବେଳେ ଚଳିତ ବର୍ଷ ୩ ଦିନରେ ୧ କୋଟି ୭୫ ଲକ୍ଷ ଟଙ୍କାର ବ୍ୟବସାୟ ହୋଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ନୃତ୍ୟରେ ଜଙ୍ଗଲ ସଂରକ୍ଷଣ ଓ ପଶୁ ସୁରକ୍ଷା ବାର୍ତ୍ତା
ନୃତ୍ୟ କହୁଥିଲା ଜଙ୍ଗଲ ସଂରକ୍ଷଣ ଓ ପଶୁ ସୁରକ୍ଷା କଥା । ମଞ୍ଚରେ ଥିଲେ ବାଘ, ଷଣ୍ଢ, ମୟୂର ଓ ହରିଣ ମୁଖା ପିନ୍ଧା ପଶୁ । ନାଚିବା ସହିତ ମଣିଷକୁ ଜଙ୍ଗଲ ଓ ପଶୁଙ୍କ ଆବଶ୍ୟକତା ସମ୍ପର୍କରେ ବୁଝାଉଥିଲେ । ବରଗଡ଼ର କଳାଜୀବ ଗ୍ରୁପ୍ ପକ୍ଷରୁ ଏହି ପାରମ୍ପରିକ ‘ପଶୁମୁଖା ନୃତ୍ୟ’ ଦର୍ଶକଙ୍କ ମନୋରଂଜନ କରୁଥିଲା । ଏହାପରେ ଗଞ୍ଜାମର ଏକ ନାଟ୍ୟ ଦଳ ପକ୍ଷରୁ ପ୍ରହ୍ଲାଦ ନାଟକ ପରିବେଷିତ ହୋଇଥିଲା । କାର୍ଯ୍ୟକ୍ରମରେ ଭିଜିଲାନ୍ସ ନିର୍ଦ୍ଦେଶକ ଦେବାଷିଶ ପାଣିଗ୍ରାହୀ ଏବଂ ହସ୍ତତନ୍ତ, ହସ୍ତଶିଳ୍ପ ଓ ବୟନ ଶିଳ୍ପ ବିଭାଗୀୟ ସଚିବ ଶୁଭା ଶର୍ମା ଅତିଥି ଭାବେ ଯୋଗ ଦେଇଥିଲେ ।
ଆକର୍ଷିତ କରୁଛି କାଇଁଚ ଫୁଲ ତିଆରି ସାମଗ୍ରୀ
କିଡ୍ ଜୋନ୍ରେ ପିଲାଙ୍କ ମସ୍ତି
ୱାଟର ବୋଟ୍ଠାରୁ ଆରମ୍ଭ କରି ଜମ୍ପ୍ ଗେମ୍, ଦୋଳିଠାରୁ ଆରମ୍ଭ କରି ଖସଡ଼ା ଖେଳ। ଛୋଟ ପିଲାଙ୍କୁ ତୁଷ୍ଟ କରିବାକୁ ତୋଷାଳି ନେଇ ଆସିଛି କ୍ରୀଡ଼ା ପସରା । ବୋଟିଂ ମଜା ନେବାକୁ ତିଆରି ହୋଇଥିବା କୃତ୍ରିମ ପୋଖରୀ ପିଲାମାନଙ୍କୁ ଟାଣୁଛି । ୩ ମିନିଟ୍ ପାଇଁ ବୋଟିଂର ମଜା ନେବାକୁ ଟିକେଟ୍ର ମୂଲ୍ୟ ୧୦ ଟଙ୍କା ରହିଛି । ଅନ୍ୟପଟେ ଜମ୍ପ ଗେମ୍ର କ୍ରେଜ୍ ବି କିଛି କମ୍ ନଥିଲା । ୫ ମିନିଟ୍ ଡେଇଁବା ପାଇଁ ୧୦ ଟଙ୍କାର ଟିକେଟ ରଖାଯାଇଛି । ସେହିପରି ସେଲ୍ଫି ଜୋନ୍ରେ ପାରମ୍ପରିକ ବୋଇତ, ଶଗଡ଼, ସମ୍ବଲପୁରୀ ଶାଢ଼ିରେ ସଜ୍ଜିତ ଥିମ୍ ପ୍ୟାଭିଲିୟନ୍ ଆଦି ସମ୍ମୁଖରେ ସେଲ୍ଫି ନେବାକୁ ଯୁବପିଢ଼ିଙ୍କ ଭିଡ଼ ଜମୁଛି ।