ବିଜେପିକୁ ମମତା ବାନାର୍ଜୀଙ୍କ ସମାଲୋଚନା ! ବିଜେପି ଏକ ଆତଙ୍କବାଦୀ ସଂଗଠନ, ଦେଶବାସୀଙ୍କୁ ବିଭାଜନ କରୁଛି । ମମତାଙ୍କୁ ବିଜେପି ଅଡୁଆ!
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସର ସୁପ୍ରିମୋ ମମତା ବାନାର୍ଜୀ ବିଜେପି ବିରୋଧରେ ଆଣିଛନ୍ତି ସାଙ୍ଘାତିକ ଅଭିଯୋଗ । ଗତକାଲି ମମତା ବାନାର୍ଜୀ ବିଜେପିକୁ ଆତଙ୍କବାଦୀ ସଙ୍ଗଠନ କହିବା ସହ ଦେଶବାସୀଙ୍କ ମଧ୍ୟରେ ଧାର୍ମିକ ସମ୍ପ୍ରଦାୟକୁ ନେଇ ମଧ୍ୟ ମତଭେଦ କରୁଥିବା ଭଳି ଅଭିଯୋଗ ଲଗାଇଛନ୍ତି । କେବଳ ଏତିକି ନୁହେଁ ଭୋଟ ପାଇଁ ଇଭିଏମ୍ ଟାମ୍ପରିଂ ବିଜେପି କରୁଛି ବୋଲି କହିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ । ଦେଶବାସୀ ବର୍ତ୍ତମାନ ଏକ ଆତଙ୍କବାଦୀ ସଂଗଠନ ସରକାର ଛତ୍ରଛାୟା ତଳେ ରହିଛି । ଯାହା ଦେଶବାସୀଙ୍କ ପାଇଁ ଆଦୌ ଶୁଭଙ୍କର ନୁହେଁ ବୋଲି କହିଛନ୍ତି ମମତା ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ତୃଣମୂଳ କଂଗ୍ରେସର ପ୍ରଚାରପ୍ରସାର କରି ମମତା ବାନାର୍ଜୀ କହିଛନ୍ତି ଯେ, ବିଜେପି ପରି ତୃଣମୂଳ କଂଗ୍ରେସ ଆତଙ୍କବାଦୀ ସଂଗଠନ ନୁହେଁ । ସେମାନଙ୍କ ଭଳି ଧମ ର୍ସାମ୍ପ୍ରଦାୟିକ ଭେଦବାବ ସୃଷ୍ଟି କରିବା ଆମ ସ୍ୱଭାବ ନୁହେଁ ବୋଲି ମମତାଙ୍କ ପ୍ରତ୍ରିକିୟା । ଦେଶରେ ବସବାସ କରୁଥିବା ମୁସଲମାନ, ଶିଖ, ଖ୍ରୀଷ୍ଟିୟାନ ଭାଇଭଉଣୀଙ୍କୁ ବିଜେପି ପସନ୍ଦ କରୁନାହିଁ । ଯେଉଁଥିପାଇଁ ଦେଶରେ ଏକ ପ୍ରକାର ବିଭାଜନ ପ୍ରକ୍ରିୟା ଆରମ୍ଭ କରି ଦେଇଛି ବୋଲି ମମତା ବିଜେପି ଉପରେ ଆରୋପ ଲଗାଇଛନ୍ତି ।
ଗତକାଲି ପଶ୍ଚିମବଙ୍ଗ ତୃଣମୂଳ କଂଗ୍ରେସର କୋର-କମିଟି ବୈଠକରେ ଅବସରରେ ବିଜେପି ଉପରେ ବର୍ଷିଛନ୍ତି ତୃଣମୂଳ କଂଗ୍ରେସର ସୁପ୍ରିମୋ ମମତା ବାନାର୍ଜୀ । ବିଜେପି କେନ୍ଦ୍ରରେ ଥିବାରୁ କ୍ଷମତାର ବଶବର୍ତ୍ତୀ ହୋଇ ଅତ୍ୟାଚାର, ଦୁର୍ନୀତି ଭଳି ବାଟ ଆପଣାଉଥିବା କହିଛନ୍ତି ମମତା ବାନାର୍ଜୀ । ତେବେ ମମତାଙ୍କ ଏଭଳି କହିବାର କାରଣ ହେଉଛି ଯେ- ଗତ ମଙ୍ଗବାର ଦିନ ପଶ୍ଚିମବଙ୍ଗ ବିଜେପି ସଭାପତି ଦିଲ୍ଲୀପ ଘୋଷ ତୃଣମୂଳ କଂଗ୍ରେସ ଉପରେ ବିଭିନ୍ନ ପ୍ରକାର ଆରୋପ ଲଗାଇଥିଲେ । ଯେଉଁଥିରେ ମମତା ମଧ୍ୟ ବିଜେପିକୁ ସମାଲୋଚନା କରିବାକୁ ପଛାଇ ନାହାଁନ୍ତି । ତେବେ ମମତାଙ୍କ କହିବା ମୁତାବକ ମହେଶତ୍ତଲା ବିଧାନସଭା ଉପନିର୍ବାଚନରେ ୧ଲକ୍ଷ ୪ ହଜାର ୮୧୮ ଭୋଟ ହାସଲ କରି ବିପୁଳ ବିଜୟ ହାସଲ କରିଥିଲା ତୃଣମୂଳ କଂଗ୍ରେସ । ତେଣୁ ଶୋଚନୀୟ ପରାଜୟ ଦ୍ୱାରା ଦେଖି ବିଜେପି ଏଭଳି ଭିତ୍ତିହୀନ ମନ୍ତବ୍ୟ ଦେଉଛନ୍ତି ବୋଲି ମମତାଙ୍କ ଅଭିଯୋଗ ।