ଟାଇଗର୍ ଜିନ୍ଦା ହୈ ! ହଜାରେ କୋଟି ଆୟ କରିବ
ସଲମାନ୍ ଖାନଙ୍କ ନୂଆ ସିନେମା ‘ଟାଇଗର୍ ଜିନ୍ଦା ହୈ’ ଧୀରେ ଧୀରେ ଦର୍ଶକଙ୍କ ମନକୁୁ ପସନ୍ଦ ଆସିଥିବା ନେଇ ଜାଣିବାକୁ ମିଳିଛି । ସିନେମାର ଟ୍ରେଲର ତ ୟୁ-ଟ୍ୟୁବରେ ରେକର୍ଡ ସ୍ଥାପନ କରିସାରିଲାଣି, ତା’କୁ ଦେଖି କେବଳ ସାଧାରଣ ଦର୍ଶକ ନୁହନ୍ତି, ସିନେମା ପଣ୍ଡିତମାନେ ମଧ୍ୟ ବେଶ୍ ଉତ୍ସାହିତ ହୋଇ ପଡିଛନ୍ତି । ତେବେ ଏହି ସିନେମାଟି ଏକ ବ୍ଲକବଷ୍ଟର୍ ହେବାର ସବୁ ସମ୍ଭାବନା ଅଛି ବୋଲି ସମସ୍ତେ ଏକ ମତ ହେଲେଣି । ତେଣୁ ‘ଟାଇଗର ଜିନ୍ଦା ହୈ’ ଗୋଟେ ବଡ଼ ଧମାକା କରିବ ବୋଲି ଆଶା ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଆପଣ ଶୁଣି ଆଶ୍ଚର୍ଯ୍ୟ ହେବେ ଯେ ସାଲମାନଙ୍କ କିଛି ପ୍ରଂଶସକ କହୁଛନ୍ତି ଯେ, ଏହି ସିନେମାଟି ୧,୦୦୦ କୋଟିର ବ୍ୟବସାୟ କରି ଅମିର୍ ଖାନଙ୍କ ସିନେମା ‘ଦଙ୍ଗଲ’ର ଭାରତୀୟ ରେକର୍ଡକୁ ବି ଭାଙ୍ଗିଦେବ ! ଶୁଣା ଯାଉଛି, ‘ଟାଇଗର ଜିନ୍ଦା ହୈ’ର କାହାଣୀଟି ଏମିତି: ବିଶ୍ୱର ସବୁଠୁ କୁଖ୍ୟାତ ଆତଙ୍କବାଦୀ ସଂଗଠନ ୨୫ ଜଣ ଭାରତୀୟ ନର୍ସକୁ ଅପହରଣ କରି ନେଇଛି ।
ସେମାନଙ୍କୁ ଭାରତୀୟ ସିକ୍ରେଟ୍ ଏଜେଂଟ ଟାଇଗର୍ (ସାଲମାନ) ଉଦ୍ଧାର କରୁଛି । ଏହି ସିନେମାରେ ସାଲମାନଙ୍କର ନାୟିକା ଅଛନ୍ତି କ୍ୟାଟ୍ରିନା କୈଫ୍ । ଯଶରାଜ୍ ଫିଲ୍ମସ୍ ବ୍ୟାନରରେ ତିଆରି ହୋଇଥିବା ଏହି ସିନେମାଟିର ନିର୍ଦ୍ଦେଶନା ଦେଇଛନ୍ତି ଅଲ୍ଲି ଅବାସ୍ ଜାଫର୍ । ସିନେମାଟି ଏଇ ଡିସେମ୍ବର ୨୨ ତାରିଖରେ ରିଲିଜ୍ ହେବ ।