ଜମ୍ମୁ-କଶ୍ମୀର କୁଲଗାଁଓ ହାଇୱେରେ ସେନା ଗାଡି ଉପରେ ଆତଙ୍କବାଦୀ ଆକ୍ରମଣ ! ଜଣେ ଯବାନ ସହିଦ, ୫ ଆହତ
କନକ ବ୍ୟୁରୋ : ଜମ୍ମୁ କଶ୍ମୀରରେ ଆତଙ୍କବାଦୀ ଆକ୍ରମଣ । ଜମ୍ମୁ କଶ୍ମୀର କୁଲଗାଁଓ ହାଇୱେ ଉପରେ ସେନା ଉପରେ ଆକ୍ରମଣ କରିଛନ୍ତି ଆତଙ୍କବାଦୀ । ଯେଉଁଥିରେ ଜଣେ ଯବାନ ସହିଦ୍ ହେବା ସହ ୫ ଜଣ ଆହତ ହୋଇଛନ୍ତି । ଆକ୍ରମଣ ପରେ ସେନା ପୂରା ଅଂଚଳକୁ ଘେରାଉ କରିଛି । ଜମ୍ମୁ କଶ୍ମୀର ହାଇୱେ ଉପରେ ଯାନବାହନ ଚଳାଚଳ ବନ୍ଦ ରହିଛି । ଜମ୍ମୁ କଶ୍ମୀର ଅନନ୍ତନାଗ ଜିଲ୍ଲା କାଜିଗଣ୍ଡ ନିକଟରେ ସେନା ଉପରେ ଅଚାନକ ଆକ୍ରମଣ କରିଛନ୍ତି ଆତଙ୍କବାଦୀ ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀନଗର ଠାରୁ ପ୍ରାୟ ୭୦ କିଲୋମିଟର ଦୂର ଏହି ସ୍ଥାନରେ ଦିନ ୧୧ଟା ୧୫ ବେଳେ ସେନାର ଏକ ଗାଡି ଉପରକୁ ଏକେ ରାଇଫଲରୁ ଆଖିବୁଜା ଗୁଳିମାଡ ହୋଇଥିଲା । ଘଟଣାସ୍ଥଳରେ ୬ ଜଣ ଯବାନ ଆହତ ହୋଇଥିଲେ । ଆହତ ଯବାନଙ୍କୁ ଶ୍ରୀନଗର ବାଦାମିବାଗ ସେନା ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ସେଠାରେ ଜଣେ ଯବାନ ସହିଦ୍ ହୋଇଯାଇଛନ୍ତି । ଆକ୍ରମଣ ପରେ ପୋଲିସ ଓ ସେନା ପକ୍ଷରୁ ମିଳିତ ସର୍ଚ୍ଚ ଅପରେସନ୍ ଜାରି ରହିଛି ।