ଓଡ଼ିଆ ମିଡିୟମ ସ୍କୁଲରେ ପଡିଲା ତାଲା, ଇଂରାଜୀ ମିଡିୟମ ସ୍କୁଲରେ ଚାଲିଛି ପାଠପଢା ! ରାଜଧାନୀ ରାଜରାସ୍ତାରେ ଶିକ୍ଷକଙ୍କ ଆନ୍ଦୋଳନ ଜାରି
କନକ ବ୍ୟୁରୋ : ରାଜଧାନୀ ରାସ୍ତାରେ ଶିକ୍ଷକଙ୍କ ଆନ୍ଦୋଳନ, ସାରା ରାଜ୍ୟରେ ପ୍ରଭାବ । ୧୬ ତାରିଖରୁ ଭୁବନେଶ୍ୱର ଲୋୟର ପିଏମଜିରେ ଆନ୍ଦୋଳନ ଚଳାଇଥିବା ବ୍ଲକଗ୍ରାଂଟ ଶିକ୍ଷକ, ଅଧ୍ୟାପକଙ୍କ ଆନ୍ଦୋଳନ ପ୍ରଭାବରେ ସାରା ରାଜ୍ୟରେ ସ୍କୁଲଗୁଡିକରେ ପଡିଛି ତାଲା । ପୂର୍ଣ୍ଣ ଅନୁଦାନ ଦାବିରେ ସରକାରଙ୍କ ସହ ଏକପ୍ରକାର ମୁହଁମୁହିଁ ହୋଇଛି ଓଡିଶା ସ୍କୁଲ ଓ କଲେଜ ଶିକ୍ଷକ ମିଳିତ ମଂଚ । ଅହୋରାତ୍ର ଧାରଣାରେ ବସିରହିଥିଲେ ବି ସରକାରଙ୍କ ପକ୍ଷରୁ ଆଲୋଚନା ନେଇ କୌଣସି ପଦକ୍ଷେପ ନିଆଯାଇଥିବା ଅଭିଯୋଗରେ ସ୍କୁଲଗୁଡିକୁ ବନ୍ଦ ରଖିବାରୁ ଆହ୍ୱାନ ଦେଇଛି । ଯାହାର ପ୍ରଭାବ ଛାତ୍ରଛାତ୍ରୀଙ୍କ ପାଠପଢା ଉପରେ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ ଦାବି ନେଇ ଶିକ୍ଷକଙ୍କ ବାରମ୍ବାର ଆନ୍ଦୋଳନ ଫଳରେ ବର୍ଷରେ ଅଧିକାଂଶ ଦିନ ବନ୍ଦ ରହୁଛି ଓଡିଆ ମାଧ୍ୟମ ସ୍କୁଲ । ଯାହା ସାଧାରଣତଃ ଇଂରାଜୀ ମାଧ୍ୟମ ସ୍କୁଲଗୁଡିକରେ ଦେଖିବାକୁ ମିଳେନାହିଁ । ଭୁବନେଶ୍ୱର କେନ୍ଦ୍ରୀୟ ବିଦ୍ୟାଳୟ ପ୍ରିନ୍ସିପାଲଙ୍କ ସୂଚନା ଅନୁସାରେ ବର୍ଷରେ ୨୨୨ରୁ ଅଧିକ ଦିନ ଏଠାରେ ପାଠପଢା ହୁଏ । ହେଲେ ଆନ୍ଦୋଳନ କୁହନ୍ତୁ ବା ଅନ୍ୟାନ୍ୟ ସରକାରୀ କାର୍ଯ୍ୟକ୍ରମ ଶିକ୍ଷକଙ୍କୁ ନିୟୋଜିତ କରାଯାଉଥିବାରୁ ବର୍ଷର ଅଧିକାଂଶ ସମୟରେ ଓଡିଆ ମାଧ୍ୟମ ସ୍କୁଲରେ ପାଠପଢା ବ୍ୟାହାତ ହୁଏ ।
ଗୋଟିଏ ପଟେ ଶିକ୍ଷକଙ୍କ ଆନ୍ଦୋଳନ, ଆଉଗୋଟିଏ ପଟେ ସରକାରଙ୍କ ଉଦାସୀନତା । ଏହାରି ଭିତରେ ସାମ୍ନାକୁ ଯେଉଁ ଚିତ୍ର ଆସିଛି ତାହା ଛାତ୍ରଛାତ୍ରୀଙ୍କ ଭବିଷ୍ୟତକୁ ନେଇ ବିରାଟ ପ୍ରଶ୍ନଚିହ୍ନ ଲଗାଇଛି । ଆଗକୁ ମାଟ୍ରିକ ପରୀକ୍ଷାର୍ଥୀଙ୍କ ପ୍ରିଟେଷ୍ଟ ପରୀକ୍ଷା ଥିବାରୁ ରାଉରକେଲାର ଏକ ସ୍କୁଲରେ ପାଳିକରି ପାଠ ପଢାଉଛନ୍ତି ସ୍କୁଲର ମେଧାବୀ ଛାତ୍ରଛୀତ୍ରୀ ।