ଏଣିକି ରବିବାରରେ ମଧ୍ୟ ହେବ ସରକାରୀ ବିଦ୍ୟାଳୟରେ ପାଠପଢା : ମ୍ୟାଟ୍ରିକ ପରୀକ୍ଷା ଫଳ ଭଲ କରିବା ପାଇଁ ପ୍ରୟାସ
କନକ ବ୍ୟୁରୋ : ଏଣିକି ପ୍ରତ୍ୟେକ ରବିବାର ଦିନ ସରକାରୀ ବିଦ୍ୟାଳୟ ଗୁଡିକରେ ପାଠ ପଢାଇବା ପାଇଁ ସରକାର ଚିନ୍ତା କରୁଥିବା ଜଣାପଡିଛି । ସମସ୍ତ ରବିବାରରେ ଶିକ୍ଷକ ଓ ଶିକ୍ଷୟତ୍ରୀ ବିଦ୍ୟାଳୟରେ ଉପସ୍ଥିତ ରହିବା ସହ ପିଲାମାନେ ଏହିଦିନ ସ୍କୁଲ ଆସିବେ ବୋଲି ଜଣାପଡିଛି । ତେବେ ଏପରି ଗଜାଂମ ଜିଲ୍ଲା ପ୍ରଥମ ଭାବରେ କରୁଥିବା ଜଣାପଡିଛି । ଜିଲ୍ଲାରେ ଥିବା ସମସ୍ତ ସରକାରୀ ବିଦ୍ୟାଳୟରେ ଏପରି ପାଠପଢାଇବା ଲାଗି ଜିଲ୍ଲା ପ୍ରଶାସନ ନିଷ୍ପତ୍ତି ନେଇଥିବା ଜଣାପଡିଛି । ଗତ ବର୍ଷ ସାରା ରାଜ୍ୟରେ ମ୍ୟାଟ୍ରିକ ପରୀକ୍ଷା ଫଳ ଏତେ ପରିମାଣରେ ଉତ୍ସାହଜନକ ନଥିଲା ତେଣୁ ଏପରି୍ କରାଯାଉଛିବା ସୂଚନା ମିଳିଛି । ତେବେ ଗଜାଂମ ଜିଲ୍ଲାରେ ଥିବା ମୋଟ ୬୩୮ ଟି ସରକାରୀ ବିଦ୍ୟ।ଳୟରୁ ୩୪୦ ବିଦ୍ୟାଳୟରେ ଫଳ ନୈରାଶ୍ୟ ଜନକ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେଣୁ ସେଠାକାର ବିଦ୍ୟାଳୟର ପ୍ରଧାନ ଶିକ୍ଷକଙ୍କୁ କାହିଁକି ରେଜଲ୍ଟ ଖରାପ ହେଲାସେ ବିଷୟରେ ଲିଖିତ ଆକାରରେ ଦର୍ଶାଇବା ପାଇଁ କୁହାଯାଇଥିଲା । ଏପଟେ ଆସନ୍ତା ବର୍ଷରୁ କିପରି ଭାବରେ ଫଳ ଭଲ ହେବ ସେନେଇ ସରକାର କୈାଣସି ବ୍ୟବସ୍ଥା ନିଜ ହାତଛଡା କରୁନଥିବା ଦେଖିବାକୁ ମିଳିଛି । ପ୍ରଥମେ ଏପରି ପ୍ରସ୍ତାବ ଭଞ୍ଜନଗର ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟ ପକ୍ଷରୁ ଶିକ୍ଷା ବିଭାଗକୁ ପ୍ରସ୍ତାବ ଦିଆଯାଇଥିଲା ।
ଏହି ରିପୋର୍ଟରେ କୁହାଯାଇଛି ଯେ, ସପ୍ତାହରେ ପିଲାମାନଙ୍କୁ ଯେତିକି ପାଠ ପଢାଯାଉଛି ତାହା ଯଥେଷ୍ଟ ନୁହେଁ ତେଣୁ ରବିବାର ଦିନ ପିଲାମାନଙ୍କୁ ସେମାନଙ୍କ ନିଜ ଇଚ୍ଛାରେ ପାଠ ପଢାଇଲେ ସେମାନେ ନିଶ୍ଚିତ ଭାବରେ ରେଜଲ୍ଟ ଭଲ କରିବେ ବୋଲି ଶିକ୍ଷକମାନେ କହିଛନ୍ତି । କେବେ ଏହି ଦିନ ପିଲାମାନଙ୍କୁ କେବଳ ଗୋଟିଏ କିମ୍ବା ଦୁଇଟି ବିଷୟରେ ପାଠପଢା ଯିବ ବୋଲି ଜଣାପଡିଛି । ଯଦି ଏହା ସଫଳ ହେବ ତେବେ ସାରା ରାଜ୍ୟରେ ପିଲାମାନଙ୍କୁ ଉତ୍ତମ ଶିକ୍ଷା ଦେବା ଲାଗି ପ୍ରତ୍ୟେକ ରବିବାର ପାଠପଢା ଯିବ ବୋଲି ଜଣାପଡିଛି ।