ପ୍ରିୟଙ୍କା ଗାନ୍ଧୀ ଜଣେ ମାନସିକ ରୋଗୀ, ଲୋକଙ୍କୁ ମାଡ ମାରନ୍ତି : ସୁବ୍ରମଣ୍ୟମ ସ୍ୱାମୀ
ରାଜନୀତିରେ ପାଦ ଦେଉ ଦେଉ ପ୍ରିୟଙ୍କା ଗାନ୍ଧୀଙ୍କ ଉପରେ ଆକ୍ରମଣ ହେବା ଆରମ୍ଭ ହୋଇଯାଇଛି । ବିଜେପି ନେତା ପ୍ରତିଦିନ ତାଙ୍କ ଉପରେ କିଛି ନା କିଛି ଟିପ୍ପଣୀ କରୁଛନ୍ତି । ଏହି ନେତାଙ୍କ ମଧ୍ୟରେ ସୁବ୍ରମଣ୍ୟମ ସ୍ୱାମୀଙ୍କ ନାଁ ଯୋଡି ହୋଇଯାଇଛି । ସେ ପ୍ରିୟଙ୍କା ଗାନ୍ଧୀଙ୍କୁ ମାନସିକ ରୋଗୀ ଦର୍ଶାଇ କହିଛନ୍ତି କି, ସେ ଲୋକଙ୍କୁ ମାଡ ମାରନ୍ତି । ଜଣା ନାହିଁ କେତେବେଳେ ସେ ତାଙ୍କର ସନ୍ତୁଳନ ହରାଇଦେବେ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ନେତା ସୁବ୍ରମଣ୍ୟମ ସ୍ୱାମୀ କହିଛନ୍ତି କି, “ତାଙ୍କୁ ଏକ ରୋଗ ହୋଇଛି, ଯାହାକି ସାର୍ବଜନିକ ଜୀବନରେ ଅନୁକୂଳ ଓ ଉପଯୁକ୍ତ ନୁହେଁ । ତାକୁ ବାଇପୋଲାରିଟି କୁହନ୍ତି ଅର୍ଥାତ୍ ତାଙ୍କର ହିଂସାବାଦୀ ଚରିତ୍ର ଦେଖାଯାଏ । ଲୋକଙ୍କୁ ମାଡ ମାରନ୍ତି । ପବ୍ଲିକକୁ ଜାଣାଥିବା ଦରକାର ଯେ, ସେ କେତେବେଳେ ଭାରସାମ୍ୟ ହରାଇଦେବେ, ଏହା କାହାକୁ ବି ଜଣାନାହିଁ ।”
ପ୍ରିୟଙ୍କାଙ୍କ ଉପରେ ହେଉଥିବା ରାଜନୈତିକ ଆକ୍ରମଣକୁ ନେଇ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ତାଙ୍କୁ ସମର୍ଥନରେ କରୁଛନ୍ତି । ରାହୂଲ କହିଛନ୍ତି କି, ପ୍ର୍ରିୟଙ୍କା ରାଜନୀତିରେ ହଠାତ୍ ଆସି ନାହାଁନ୍ତି । ସେ ତାଙ୍କ ପିଲାମାନେ ବଡ ହେବା ପରେ ଦଳର ଦାୟିତ୍ୱ ସମ୍ଭାଳିବାର ନିଷ୍ପତ୍ତି ନେଇଛନ୍ତି ।