ବରଗଡରେ ଛାତ୍ରୀ ଅସଦାଚାରଣ ମାମଲା ! ଆଉ ଦୁଇ ଅଭିଯୁକ୍ତଙ୍କୁ ଗିରଫ । ପୂର୍ବରୁ ଗିରଫ ହୋଇଥିଲେ ୬ ଅଭିଯୁକ୍ତ
କନକ ବ୍ୟୁରୋ : ବରଗଡରେ ଛାତ୍ରୀଙ୍କୁ ଦୁର୍ବ୍ୟବହାର ଘଟଣାରେ ଆଉ୨ଜଣଙ୍କୁ ଗିରଫ କରିଛି ପୁଲିସ । ବରଗଡ ଜିଲ୍ଲା ପାଇକମାଳ ଗୁଗୁରାମୁଣ୍ଡାରୁ ଗିରଫ କରାଯାଇଛି । ଗିରଫ ବ୍ୟକ୍ତି ହେଉଛନ୍ତି ଜିତୁ ବେହେରା ଓ ମୁରଲି ବାରିକ । ପୂର୍ବରୁ ଏହି ମାମଲାରେ ୬ ଜଣଙ୍କୁ ଗିରଫ କରିଥିଲା ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଗ୍ରାମୀଣ ଓଡିଶାର ଏକ ମଝିରାସ୍ତାରେ ଜଣେ ଯୁବତୀ କେତେ ଅସହାୟ, ତାର ଏକ ଦୃଷ୍ଟାନ୍ତମୂଳକ ଚିତ୍ର ସାମ୍ନାକୁ ଆସିଥିଲା । ବରଗଡରେ ଜଣେ ଯୁବତୀଙ୍କୁ ଗୋଡାଇ ଗୋଡାଇ ସମସ୍ତଙ୍କ ସାମ୍ନାରେ ଅସଦାଚରଣ କରିବା ଓ ଭିଡିଓ ଭାଇରାଲ କରିବା ଘଟଣାରେ ପୋଲିସ ୮ ଜଣଙ୍କୁ ଗିରଫ କରିଛି । ପୀଡିତାଙ୍କ ପକ୍ଷରୁ ଥାନାରେ କୌଣସି ଅଭିଯୋଗ ହୋଇନଥିଲେ ମଧ୍ୟ ଗଣମାଧ୍ୟମରେ ଖବର ପ୍ରସାରିତ ହେବା ପରେ ପୋଲିସ ତନାଘନା ଆରମ୍ଭ କରିଛି ।
ମଝି ରାସ୍ତାରେ ଛାତ୍ରୀଙ୍କୁ ଅସଦାଚରଣ କରୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସର ନିଦ ଭାଙ୍ଗିଥିଲା । ବରଗଡ ପୁଲିସ ନିଜ ଆଡୁ ପାଇକମାଳ ଥାନାରେ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଥିଲା । ଅନ୍ୟ ଅଭିଯୁକ୍ତଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ ବୋଲି ପୋଲିସ କହିଛି ।
ବିଚ ରାସ୍ତାରେ ଜଣେ ଛାତ୍ରୀଙ୍କୁ କିଛି ଯୁବକ ଅଶ୍ରାବ୍ୟ ଭାଷାରେ ଗାଳି ଗୁଲଜ କରିବା ସହ ଟଣା ଓଟରା କରୁଥିବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏବଂ ଭିଡିଓର ପାରିପାଶ୍ୱର୍କ ସ୍ଥିତିରୁ ଏହା ବରଗଡର ବୋଲି ଜଣାପଡିଥିଲା । ଯାହାକୁ ନେଇ ସାରା ରାଜ୍ୟରେ ହଟଚମଟ ସୃଷ୍ଟି ହୋଇଥିଲା । ଦିନ ଦ୍ୱିପ୍ରହରରେ ଯେଉଁଭଳି ଭାବେ ଛାତ୍ରୀ ଜଣକ ଅସଦାଚରଣର ଶିକାର ହେଲେ ତାହା ମହିଳାଙ୍କ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଥିଲା ।