ଏଣିକି ପିଏଫ ବାବଦକୁ କେତେ ଟଙ୍କା ଦରକାର ତାହା ନିଷ୍ପତି କରିବେ ଖାତାଧାରକ ! ହେଲେ ଗୋଟିଏ ସର୍ତ୍ତରେ
କର୍ମଚାରୀ ଭବିଷ୍ୟତ ନିଧି ପାଣ୍ଠି (ଇପିଏଫଓ)ର ୫ କୋଟିରୁ ଅଧିକ ଖାତାଧାରକଙ୍କୁ ଖୁବ୍ ଶୀଘ୍ର ହିଁ ନିଜର ପ୍ରୋଭିଡେଂଟ ଫଣ୍ଡ ରାଶିକୁ ସେୟାର ବଜାରରେ ନିବେଶ କରିବାର ବିକଳ୍ପ ମିଳିବା ସହିତ ଏହା ଉପରେ ନିଷ୍ପତି ନେବାର ଅଧିକାର ମଧ୍ୟ ପ୍ରଦାନ କରାଯିବ । ଏକ୍ସଚେଂଜ ଟ୍ରେଣ୍ଡ ଫଣ୍ଡ (ଇଟିଏଫ) ଜରିଆରେ ଏଭଳି କରିପାରିବେ । ଏଯାବତ ପିଏଫ ରାଶିର ନିର୍ଦ୍ଧାରିତ ୧୫ ପ୍ରତିଶତ ଭାଗ ହିଁ ସେୟାର ବଜାରରେ ନିବେଶ କରାଯାଇଥାଏ । ବର୍ତ୍ତମାନ ଇପିଏଫଓର ଖାତାଧାରକଙ୍କ ନିକଟରେ ନିଜର ଜମା ରାଶିର ନିବେଶକୁ ନେଇ ନିଷ୍ପତି ନେବାର କୌଣସି ବିକଳ୍ପ ପୂର୍ବରୁ ଦିଆଯାଇନଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଇପିଏଫଓ ସଂପର୍କିତ ନିଷ୍ପତି ନେଉଥିବା ସଂସ୍ଥା ବା ସେଟ୍ରାଲ ବୋର୍ଡ ଅଫ ଟ୍ରଷ୍ଟି (ସିବିଟି)ର ଶୁକ୍ରବାର ହୋଇଥିବା ଏକ ବୈଠକରେ ଖାତାଧାରକଙ୍କୁ ଏପ୍ରକାରର ବିକଳ୍ପ ଦେବା ନେଇ ନିଷ୍ପତି ନିଆଯାଇଛି । ଯାହାଦ୍ୱାରା ଖାତାଧାରକ ସେୟାର ବଜାରରେ କରୁଥିବା ନିବେଶକୁ ନିର୍ଧାରିତ ସୀମାରେ ବୃଦ୍ଧି-ହ୍ରାସ କରିପାରିବେ ।
ସେହିପରି ସଂସ୍ଥା ଇପିଏଫରେ ନିଜର ନିବେଶ ରାଶିର ୧୫ ପ୍ରତିଶତ ଭାଗ ହିଁ ନିବେଶ କରିପାରନ୍ତି । ଇପିଏଫଓ ତରଫରୁ ଅଗଷ୍ଟ ମାସ,୨୦୧୫ରେ ନିବେଶ କରିବା ଆରମ୍ଭ କରିଥିଲା । ୨୦୧୫-୧୬ ମଧ୍ୟରେ ନିବେଶର ରାଶି ମଧ୍ୟରୁ ୫ ପ୍ରତିଶତର ହିଁ ନିବେଶ କରାଯାଇଥିଲା । ୨୦୧୬-୧୭ ରେ ଏହା ୧୦ ଏବଂ ୨୦୧୭-୧୮ରେ ଏହା ୧୫ ପ୍ରତିଶତ ରହିଥିଲା । ଇପିଏଫଓ ୨୮ ଫେବୃଆରୀ ସୁଦ୍ଧା ୧୭.୨୩ ପ୍ରତିଶତର ରିଟର୍ଣ୍ଣ ସହିତ ଇଙ୍କିଏଫରେ ୪୧,୯୬୭.୫୧ କୋଟି ଟଙ୍କାର ନିବେଶ କରିରଖିଛି ।