ପତିଙ୍କୁ ସାଥିରେ ନନେଇ ଘରୁ ବାହାରିବା ହେଲା କାଳ : ଏକୁଟିଆ ବଜାର ଯିବାରୁ ମହିଳାଙ୍କ ମୁଣ୍ଡ କାଟ ହୋଇ ହତ୍ୟା
ନିଜ ପତିଙ୍କ ବିନା ଏକୁଟିଆ ବଜାର ଯିବା ଜଣେ ମହିଳାଙ୍କୁ ମହଙ୍ଗା ପଡିଛି । ଏଥିପାଇଁ ଅଫଗାନିସ୍ତାନରେ ଜଣେ ମହିଳାଙ୍କର ମୁଣ୍ଡ କାଟ ହୋଇଛି । ସୂଚନା ଅନୁସାରେ କିଛି ହତିଆରଧାରୀ ମହିଳାଙ୍କର ମୁଣ୍ଡକାଟି ହତ୍ୟା କରିଛନ୍ତି । ଏ ଘଟଣାଟି ତାଲିବାନ ଅଧିନରେ ଥିବା ସର-ଏ -ପୁଲ ଅଂଚଳରେ ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରାନ୍ତୀୟ ଗଭର୍ଣ୍ଣରଙ୍କ ପ୍ରବକ୍ତା ଜବିଉଲ୍ଲାହ ଅମାନୀ ନେସନ ଖବରକୁ କହିଛନ୍ତି ଯେ ୩୦ ବର୍ଷୀୟ ଏହି ମହିଳା ପତିଙ୍କୁ ସାଥିରେ ନନେଇ ଘରୁ ବାହାରିବା କାରଣ ଯୋଗୁଁ .ତାଙ୍କୁ ଏମିତି ଟାର୍ଗେଟ କରାଯାଇଛି । ମହିଳାଙ୍କ ପତି ଇରାନରେ ଅଛନ୍ତି । ମିଡିଲ୍ ଇଷ୍ଟ୍ ପ୍ରେସର ତଥ୍ୟ ଅନୁସାରେ ମହିଳା ଜଣକ କିଛି ଜିନିଷ କିଣିବା ପାଇଁ ବଜାର ଯାଇଥିଲେ ।
ତାଲିବାନ ଶାସନରେ ନିୟମ ଖୁବ କଡାକଡି ରହିଛି । କୈାଣସି ମହିଳା ଏକୁଟିଆ ବାହାରେ ବୁଲାବୁଲି କରିପାରିବେ ନାହିଁ । ଯଦି କୈାଣସି ମହିଳା ଏକଲା ଘରୁ ବାହାରକୁ ଯାଆନ୍ତିତ ସାଥିରେ ନିଜ ପତି କିମ୍ବା ଜଣେ ସଂପର୍କୀୟ ପୁରୁଷଙ୍କୁ ସାଥିରେ ନେଇ ଯିବାକୁ ବାଧ୍ୟ । ତାଲିବାନ ଶାସନରେ ମହିଳାଙ୍କୁ ଚାକିରି କରିବା ଓ ପାଠପଢା ପାଇଁ ମଧ୍ୟ ରୋକ୍ ଲଗାଯାଇଛି । ମହିଳାମାନେ ବୁର୍ଖା ପିନ୍ଧିବା ଅନିବାର୍ଯ୍ୟ । ଏବେ ଏହି ମହିଳାଙ୍କ ମୁଣ୍ଡ କାଟି ହତ୍ୟା କରିବା ଖବର ନେଇ ଚାରିଆଡେ ଚର୍ଚ୍ଚା ।