ଏଣିକି ଜିଓ ୟୁଜରଙ୍କୁ ମିଳିବନି ଅସୀମ ଭଏସ କଲ ! ଜାଣନ୍ତୁ ଏହାର କାରଣ
ଭୋଲଟି ନେଟଓ୍ଵାର୍କରେ ଅନଲିମିଟେଡ୍ କଲ୍ ଫିଚରର ଅପବ୍ୟବହାର କରୁଥିବା କେତେକ ବ୍ୟବହାରକାରୀଙ୍କ ଦୈନିକ କଲର ସମୟସୀମାକୁ ରିଲାଏନ୍ସ ଜିଓ ୩୦୦ ମିନିଟରେ ସୀମିତ ରଖିଲା ପରି ମନେ ହେଉଛି । ଏହି ସୀମା ସବୁ ବ୍ୟବହାରକାରୀଙ୍କ ପ୍ରତି ପ୍ରଯୁଜ୍ୟ ନୁହେଁ; କେବଳ ଧରାପଡ଼ିଥିବା ନେଟଓ୍ଵାର୍କ ଅପବ୍ୟବହାରକାରୀଙ୍କ ନିମନ୍ତେ ।
Kanak News is now on WhatsApp
Join and get latest news updates delivered to you via WhatsApp
କେତେକ ବ୍ୟବହାରକାରୀଙ୍କ ନିମନ୍ତେ ଅସୀମିତ କଲର ସମୟସୀମା ୩୦୦ ମିନିଟରେ ସୀମିତ ରଖାଯାଉଥିବା କଥା ଜିଓ ପ୍ରାୟୋରିଟି ଟିମ୍ ଟେଲିକମଟକକୁ ନିଶ୍ଚିତ କରି କହିଛି । କେତେକ ବ୍ୟବହାରକାରୀ ଜିଓ ଭଏସ୍ କଲ୍ ସୁଯୋଗର ଅପବ୍ୟବହାର କରୁଛନ୍ତି ବୋଲି କୁହାଯାଉଥିବା ଏହା ପଛର କାରଣ। ପ୍ରଚାର କଲ୍ ସମେତ ଏହି ଅପବ୍ୟବହାରକାରୀମାନେ ଦୈନିକ ୧୦ ଘଣ୍ଟାରୁ ଅଧିକ ସମୟ ଅସୀମିତ କଲର ଉପଯୋଗ କରୁଛନ୍ତି ।
ଜିଓ ବ୍ୟବହାରକାରୀମାନେ ଏହି ଫିଚରର ମାତ୍ରାଧିକ ବ୍ୟବହାର ନ କରନ୍ତୁ କିଂବା ଜିଓ କଲିଙ୍ଗ୍ ଫିଚରକୁ ଶୋଷଣ ନ କରନ୍ତୁ । ଏହି ଉଦ୍ଦେଶ୍ୟରେ କମ୍ପାନି ଭଏସ୍ କଲକୁ ସୀମିତ କରିଛି । ଏଣିକି ଦୈନିକ ଭଏସ୍ କଲ୍ ଉପରେ କଟକଣା ଲାଗୁ କରାଯିବା ପରି ଜଣାପଡୁଛି । ଏଥିପାଇଁ ସାପ୍ତାହିକ ସୀମା ନ ଥିବା ପରି ମଧ୍ୟ ଜଣାପଡୁଛି ।
ଏହି ନେଟଓ୍ଵାର୍କରେ ଜିଓ ପୂର୍ବରୁ ଫୋରଜି ଡାଟା ଉପରେ ଯେମିତି କଟକଣା ଲାଗୁ କରିଥିଲା ଭଏସ୍ କଲକୁ ସୀମିତ କରିବା ଠିକ୍ ସେମିତି ବୋଲି ଜଣାପଡୁଛି । ସେପ୍ଟେମ୍ବର ୨୦୧୬ରେ ଲଞ୍ଚ୍ ହେବା ସମୟରେ ଜିଓ ଗ୍ରାହକମାନଙ୍କୁ ମାଗଣା ଅସୀମିତ ଫୋରଜି ଡାଟା ଅଫର୍ କରିଥିଲା। କିନ୍ତୁ, ଖୁବ୍ ଶୀଘ୍ର ଗ୍ରାହକମାନେ ଗିଗାବିଟସ୍ ପରେ ଗିଗାବିଟସ୍ ଡାଉନଲୋଡ୍ କରି ଅସୀମିତ ଡାଟା ଫିଚରର ଅପବ୍ୟବହାର କରିଥିଲେ । ଫଳତଃ ଜିଓ ଗ୍ରାହକମାନଙ୍କ ପାଇଁ ଦୈନିକ ଫୋରଜି ଡାଟା ବ୍ୟବହାରକୁ ୧ ଜିବିରେ ସୀମିତ କରିଥିଲା। ତଥାପି ଅସୀମିତ ଡାଟା ମିଳୁଥିଲେ ମଧ୍ୟ ଥରେ ଜଣେ ଗ୍ରାହକ ୧ ଜିବି ଡାଟା ବ୍ୟବହାର କରି ସାରିବା ପରେ ତାହାର ବେଗ ୧୦୦ କେବିପିଏସକୁ ହ୍ରାସ ପାଉଛି ।
ସେ ଯାହାହେଉ, ଡାଟା ସୀମିତ କରିବା ଏବଂ ୩୦୦ ମିନିଟ୍ ଭଏସ୍ କଲ୍ ସୀମିତ କରିବା ମଧ୍ୟରେ ବଡ଼ ତଫାତ ହେଉଛି ଯେ ପୂର୍ବର କଟକଣା ସମସ୍ତ ବ୍ୟବହାରକାରୀଙ୍କୁ ପ୍ରଭାବିତ କରିଥିବାବେଳେ ସଦ୍ୟତମ କଟକଣା କେବଳ ନିର୍ବାଚିତ ବ୍ୟବହାରକାରୀଙ୍କ ପ୍ରତି ଲାଗୁ ହେଉଛି । ଜିଓରେ ଆପଣଙ୍କ କଲ୍ ସୀମିତ କରାଯିବ କି, ନାହିଁ ତାହା ଜାଣିବାକୁ ସମ୍ପ୍ରତି କୌଣସି ଗାଇଡଲାଇନ୍ ନାହିଁ । କେବଳ ଅପବ୍ୟବହାରକାରୀଙ୍କ କଲ୍ ସୀମିତ କରାଯିବ । ହେଲେ ଏହି ଅପବ୍ୟବହାର କ’ଣ ତାହା ସ୍ପଷ୍ଟ କରାଯାଇ ନାହିଁ । ପ୍ରଶ୍ନ ଉଠୁଛି କେଉଁ ବ୍ୟବହାରକାରୀମାନେ ଏହି ସୀମିତ ଭଏସ୍ କଲିଙ୍ଗ୍ ସୁବିଧାରେ ଆସୁଛନ୍ତି ? ରିପୋର୍ଟରେ ଦର୍ଶାଯାଇଛି ଯେ, ଯେଉଁମାନେ ଦୈନିକ ୧୦ ଘଣ୍ଟାରୁ ଅଧିକ ସମୟ ଭଏସ୍ କଲ୍ କରୁଛନ୍ତି ସେମାନେ ଏହି ବର୍ଗରେ ଆସୁଛନ୍ତି । ଜଣେ ବ୍ୟବହାରକାରୀଙ୍କ ପାଇଁ ସର୍ବାଧିକ କେତେ ସମୟ ସୀମା କେତେ ତାହା ମଧ୍ୟ ରହସ୍ୟମୟ ହୋଇ ରହିଛି।
ଇତି ମଧ୍ୟରେ ଜିଓ ଜିଓଫାଇ ହଟସ୍ପଟ୍ ଡଙ୍ଗେଲର ଫେଷ୍ଟିଭ୍ ଅଫରର ସମୟ ସୀମା ବଢ଼ାଇ ଦେଇଛି । ବାସ୍ତବ ମୂଲ୍ୟ ୧୯୯୯ ଟଙ୍କା ପରିବର୍ତ୍ତେ ଲୋକେ ଏହାକୁ ୯୯୯ ଟଙ୍କାରେ ଖରିଦ କରି ପାରିବେ।
ସୌଜନ୍ୟ: ଦୈନିକ ଭାସ୍କର