ହୁସିଆର ! ବଜାରକୁ ଆସିଲା ପ୍ଲାଷ୍ଟିକ୍ ଅଟା, ସୋସିଆଲ ମିଡିଆରେ ଘୂରି ବୁଲୁଛି ନକଲି ଅଟାର ଅସଲି ଭିଡିଓ, ଜାଣନ୍ତୁ ଆପଣ ଖାଉଥିବା ଅଟା ଅପମିଶ୍ରିତ ନୁହେଁ ତ
କିଛି ଦିନ ହେଲା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏକ ଭିଡିଓ କ୍ଲିପ୍ । ଯାହାକି ଅଟା ତଥା ପ୍ଲାଷ୍ଟିକ ଅଟାର ବୋଲି ଜଣାପଡୁଛି ଆଉ ଏହି ଭିଡିଓଟିର ସତ୍ୟତା କେତେ ରହିଛି ସେ ସଂପର୍କରେ ଆମେ ନିମ୍ନରେ ଆଲୋଚନା କରିଛୁ ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ ଘଟଣାଟି ହେଲା, ନିକଟରେ ବିଭିନ୍ନ ସୋସିଆଲ ମିଡିଆରେ ଭାଇରାଲ ତଥା ଲୋକଙ୍କ ମଧ୍ୟରେ କୋକୂଆ ଭୟ ସୃଷ୍ଟି କରିିଥିବା ପ୍ଲାଷ୍ଟିକ ଅଟାର ଭିଡିଓର ବାସ୍ତବରେ ଏକ ଫେକ୍ ଭିଡିଓ ଅଟେ । ଅଟାରେ କୌଣସି ପ୍ରକାରର ଅପମିଶ୍ରଣ କିମ୍ବା ବଜାରରେ ପ୍ଲାଷ୍ଟିକ ଅଟା ମିଳିବା ଘଟଣା ସଂପୂର୍ଣ୍ଣ ରୂପେ ମିଥ୍ୟା ଅଟେ । ବିଶେଷ କରି ସର୍ବାଦୁତ ଆର୍ଶୀବାଦ ଅଟାକୁ ନେଇ ଉଠିଥିବା ଗୁଜବଟି ପୂରାପୂରି ମିଥ୍ୟା ଅଟେ । ତେବେ ଏକଥା ଆମେ କହୁନାହୁଁ ଖୋଦ କଂପାନୀ ଏବଂ ଖାଦ୍ୟ ସୁରକ୍ଷା ମନ୍ତ୍ରାଳୟ ଦୃଢ ପ୍ରମାଣ ସହ ଯୁକ୍ତି ବାଢିଛନ୍ତି ।
ମିଳିଥିବା ସୂଚନା ମୁତାବକ, ଗତବର୍ଷ ଜୁଲାଇ ମାସ ବେଳକୁ ବଜାରରେ ନକଲି ଅଟା ତଥା ପ୍ଲାଷ୍ଟିକ୍ ଅଟା ମିଳିବା ନେଇ ଏକ ଭିଡିଓ ବିଭିନ୍ନ ସୋସିଆଲ ମିଡିଆ ଓ ପରେ ପଶ୍ଚିମ ବଙ୍ଗର ଏକ ଆଂଚଳିକ ଟିଭି ଚ୍ୟାନେଲରେ ମଧ୍ୟ ପ୍ରସାରଣ କରାଯାଇଥିଲା । ମାତ୍ର ପରବର୍ତ୍ତୀ ସମୟରେ ଏହାକୁ ହଟାଇ ଦିଆଯାଇଥିଲା । ହେଲେ ଏହା ପରେ ପରେ ଦେଶରେ କୋଣ ଅନୁକୋଣରେ ବି ଏହି ଖବରଟି ଖେଳିଯାଇଥିଲା । ଯାହା ପରେ ବେଙ୍ଗାଲୁରୁର ସିଟି କୋର୍ଟ ଏନେଇ କ୍ଷୋଭ ପ୍ରକାଶ କରିବା ସହ ଏପ୍ରକାରର ଭିଡିଓ ପ୍ରସାରଣ କରିବା ଉପରେ କଟକଣା ଜାରି କରିଥିଲା ।
ତେବେ ମୂଳ କଥା ହେଲା, ଭିଡିଓରେ ଦର୍ଶାଯାଉଥିଲା ଯେଉଁ ତତ୍ୱକୁ ପ୍ଲାଷ୍ଟିକ ବୋଲି କୁହାଯାଉଛି ତାହା ବାସ୍ତବରେ ଏକ ଧଳା ରଙ୍ଗର ପ୍ରୋଟିନ । ଯାହାକୁ ଅଟାରେ ମିଶାଇବାକୁ ଫ୍ରୁଡ ସେଫ୍ଟି ଆଣ୍ଡ ଷ୍ଟାଣ୍ଡାର୍ଡ ଅଥରିଟି ଅଫ ଇଣ୍ଡିଆ ଏଫଏସଏସଆଇର ମାନକ ମୁତାବକ ମିଶାଯାଇଥାଏ । ରେଗୁଲେଟର ମୁତାବକ, ଅଟାରେ ସର୍ବନିମ୍ନ ୬ ପ୍ରତିଶତ ଗ୍ଲୁଟେନ ମିଶାଇବା ନିହାତି ଆବଶ୍ୟକ । ଯେଉଁଭଳି ପ୍ରକାରର ଭିଡିଓ ଆର୍ଶୀବାଦ ଅଟାକୁ ନେଇ ସୋସିଆଲ ମିଡିଆରେ ଘୂରି ବୁଲୁଛି , ତାକୁ ରୋକିବାକୁ କୋର୍ଟ ପକ୍ଷରୁ କଟକଣା ଜାରି କରାଯାଇଛି ।
ସେହିପରି ଗବେଷକଙ୍କ ମତରେ, ଅଟାରେ ମିଶାଯାଉଥିବା ଏହି ଧଳା ରଙ୍ଗର ପ୍ରୋଟିନକୁ ଗ୍ଲୁଟେନ ବୋଲି କୁହାଯାଏ । ଯାହାକୁ ଅଟାକୁ ବାନ୍ଧି ରଖିବାରେ ସହାୟକ କରିଥାଏ । କାରଣ ଯଦି ଅଟାରେ ଏହାକୁ ମିଶା ନ ଯାଏଁ ତେବେ ରୁଟି ତିଆରି କରିବା ଅସମ୍ଭବ ଅଟେ । ତେବେ ଅଟାକୁ ରବର ଭଳି କରିବା ପାଇଁ ସେଥିରେ ଗ୍ଲୁଟେନ ବ୍ୟବହାର କରାଯାଇଥାଏ ।