ଗୋଟିଏ ପଟେ ଏଟିଏମଗୁଡିକରେ ଟଙ୍କା ନଥିବା ନେଇ ସମସ୍ୟା ମୁଣ୍ଡ ଟେକିଥିବା ବେଳେ ଅନ୍ୟପଟେ ଏଟିଏମରୁ ବାହାରୁ ଥିବା ନକଲି ତଥା ଚିରା ଫଟା, ମିସ୍ ପ୍ରିଂଟିଂର ଟଙ୍କା ଏବେ ଜନତାଙ୍କର ସମସ୍ୟାକୁ ଆହୁରୀ ଦ୍ୱୁଗୁଣିତ କରିଦେଇଛି । ସୂଚନା ମୁତାବକ, ଲକ୍ଷ୍ନୌର ଇନ୍ଦିରାନଗରରେ ଥିବା ପଂଜାବ ନ୍ୟାସନାଲ ବ୍ୟାଙ୍କର ଏକ ଏଟିଏମରୁ ବାହାରିଛି କିଛି ଏଭଳି ଧରଣର ଟଙ୍କା । ଅରବିନ୍ଦ ପାଣ୍ଡ୍ୟା ନାମକ ଜଣେ ବ୍ୟକ୍ତି ଯେତେବେଳେ ଏଟିଏମରୁ ଟଙ୍କା ଉଠାଇଥିଲେ ସେତେବେଳେ ତାଙ୍କୁ ମିସ ପ୍ରିଂଟର ନୋଟ୍ ମିଳିବା ସହିତ କାଳିଲାଗିଥିବା ଟଙ୍କା ମିଳିଥିଲା ।

ଖାଲି ଅରବିନ୍ଦଙ୍କ ସହ ଏଭଳି ଘଟିନଥିଲା ବରଂ ଅନ୍ୟ ଜଣେ ବ୍ୟକ୍ତି ବି ଏହାର ଶିକାର ହୋଇଥିଲେ । ତେବେ ବ୍ୟକ୍ତି ଜଣକ ଯେତେବେଳେ ଏଟିଏମରୁ ୧୫ ହଜାର ଟଙ୍କା ବାହାର କରିବାକୁ ଡାଏଲ କରିଥିଲେ ସେତେବେଳେ ତାଙ୍କୁ ୧୫ ହଜାର ଟଙ୍କା ମିଳିବା ପରିବର୍ତ୍ତେ ମିଳିଥିଲା ୧୩,୧୦୦ଟଙ୍କା । ଆଉ ଏଥିରେ ରହିଥିଲା ୨ଟି ଚିରାଫଟା ୨୦୦୦ ଟଙ୍କାଆ ନୋଟ୍ । ବଡ କଥା ହେଲା, ଯେତେବେଳେ ଏହି ଦୁଇ ଯୁବକ ଏନେଇ ପିଏନବି ସହ ସଂପର୍କ କରିବାକୁ ଚାହିଁଥିଲେ ସେତେବେଳେ ତାଙ୍କୁ ବ୍ୟାଙ୍କ ପକ୍ଷରୁ କୌଣସି ଜବାବ ମିଳିନଥିଲା ।

ଅରବିନ୍ଦଙ୍କ କହିବା କଥା ହେଲା, ସେ ପୂର୍ବ ଅଫ୍ରିକାରେ କାମ କରନ୍ତି । ଟଙ୍କା ଉଠାଇବା ପାଇଁ ସେ ଇନ୍ଦିରାନଗରରେ ଥିବା ପିଏନବିର ଏକ ଏଟିଏମକୁ ଯାଇଥିଲେ । ଏହି ଏଟିଏମରୁ ସେ ଯେତେବେଳେ ୪ ହଜାର ଟଙ୍କା ଉଠାଇଥିଲେ ସେତେବେଳେ ତାଙ୍କୁ ଏଟିଏମରୁ ୪ ହଜାର ଟଙ୍କା ମିଳଥିଲା ସତ ହେଲେ ସେସବୁ ଗୁଡିକ ଥିଲା ମିସ୍ ପ୍ରିଂଟିଂ ଆଉ କାଳି ବୋଳି ହୋଇଥିବା ଟଙ୍କା ।

ଏହାବ୍ୟତୀତ, ଏହି ଏଟିଏମରୁ ଆଉ ଜଣେ ବ୍ୟକ୍ତି ମଧ୍ୟ ୧୫ ହଜାର ଟଙ୍କା ଉଠାଇଥିବାକୁ ଡାଏଲ କରିଥିଲେ ମାତ୍ର ତାଙ୍କୁ ୧୫ ହଜାର ଟଙ୍କା ମିଳିବା ପରିବର୍ତ୍ତେ ମିଳିଥିଲା ୧୩,୧୦୦ଟଙ୍କା । ଆଉ ଏହି ଟଙ୍କା ମଧ୍ୟରୁ ୨ଟି ନୋଟ୍ ଚିରା ନୋଟ୍ ବାହାରିଥିଲା । ପୀଡିତଙ୍କ କହିବାନୁସାରେ, ଏସକ୍ରାନ୍ତରେ ବ୍ୟାଙ୍କ ସହ ଯୋଗାଯୋଗ କରିବାକୁ ଚାହିଁଥିଲେ ମାତ୍ର ବ୍ୟାଙ୍କ ତରଫରୁ ତାଙ୍କୁ କୌଣସି ଜବାବ ମିଳିନଥିଲା ।

ଏଠାରେ ଆମେ କହି ରଖୁଛୁ କି, ଏଭଳି ଘଟଣା ପୂର୍ବରୁ ବି ଅନେକ ଥର ଘଟିସାରିଛି । ନିକଟରେ ଏକ ଏଟିଏମରୁ ବାହାରିଥିବା ଟଙ୍କାରେ ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ଲେଖାଯିବା ପରିବର୍ତ୍ତେ ମନୋରଂଜନ ବ୍ୟାଙ୍କ ଅଫ ଇଣ୍ଡିଆ ଲେଖାଯାଇଥିଲା । ସେହିପରି କିଛି ଟଙ୍କାରେ ଚିଲଡ୍ରେନ୍ସ ବ୍ୟାଙ୍କ ମଧ୍ୟ ଲେଖାଯାଇଥିବା ନଜର ଆସିଥିଲା ।

ଏଟିଏମରୁ ଚିରାଫଟା ନୋଟ୍ ବାହାରିଲେ କଣ କରିବେ

ଲୋକଙ୍କୁ ଜ୍ଞାତ ନଥିବ କିନ୍ତୁ ଭାରତୀୟ ରିଜର୍ଭ ବ୍ୟାଙ୍କ ୨୦୧୭ ଏପ୍ରିଲ ମାସରୁ ହିଁ ଲୋକଙ୍କ ଏହି ସମସ୍ୟାର ସମାଧାନ କରିସାରିଛି । ଭାରତୀୟ ରିଜର୍ଭ ବ୍ୟାଙ୍କ ସବୁ ବ୍ୟାଙ୍କକୁ ସୂଚିତ କରିସାରିଛି ଯେ ଯଦି କୌଣସି ବ୍ୟକ୍ତି ଚିରାଫଟା ନୋଟ ନେଇ ବ୍ୟାଙ୍କକୁ ବଦଳାଇବାକୁ ଆସେ ତେବେ ବ୍ୟାଙ୍କ ସେହି ନୋଟକୁ ରଖିବାକୁ ବାଧ୍ୟ ହେବ । ୨୦୧୧ ଡିସେମ୍ବର ମାସରେ ଆରବିଆଇ ଘୋଷଣା କରିଥିଲା ଯେ ଏଟିଏମରୁ ବାହାରୁଥିବା ଚିରାଫଟା ନୋଟ ପାଇଁ ବ୍ୟାଙ୍କ ହିଁ ଦୋଷୀ ରହିବ । ତେଣୁ ଏହି ନୋଟକୁ ବଦଳାଇବା ବ୍ୟାଙ୍କର ଦାୟିତ୍ୱ ।