ଜିଓକୁ ଟକ୍କର ଦେବାକୁ ଏୟାରଟେଲ ଆଣିଲା ୫୬ଜିବିର ଡାଟା ପ୍ଲାନ । ପଢନ୍ତୁ ପୂରା ଡିଟେଲ୍ସ
ଟେଲିକମ୍ ସେକ୍ଟରରେ ବୃଦ୍ଧି ପାଉଥିବା ପ୍ରତିସ୍ପର୍ଦ୍ଧା ମଧ୍ୟରେ ଏୟାରଟେଲ ନିଜର ସ୍ଥିତି ବଜାୟ ରଖିବା ପାଇଁ ପ୍ରତିଦିନ କିଛି ନା କିଛି ଶସ୍ତା ପ୍ଲାନ ଲଂଚ କରିବାରେ ଲାଗିଛି । ଇତି ମଧ୍ୟରେ ଏୟାରଟେଲ ନିଜର ୩୪୯ଟଙ୍କିଆ ଏବଂ ୫୪୯ ଟଙ୍କିଆ ପ୍ରିପେଡ୍ ପ୍ଲାନରେ କରିଛି ଏକ ବଡ ଧରଣର ପରିବର୍ତ୍ତନ । ଯେଉଁଥିରେ ୟୁଜର୍ସଙ୍କୁ ଅଧିକ ଡାଟାର ସୁବିଧା ମିଳିବ । ତେବେ ଜିଓକୁ ଟକ୍କର ଦେବା ପାଇଁ କଂପାନୀ ଏଭଳି କରିଥିବା ନେଇ ସାଧାରଣରେ ଚର୍ଚ୍ଚା ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଏବେ ନଜର ପକାନ୍ତୁ ଏୟାରଟେଲର ୩୪୯ ଏବଂ ୫୪୯ଟଙ୍କିଆ ରିଚାର୍ଜ ପ୍ଲାନରେ ଏବେ କଣ ଅଫର ରହିଛି
୩୪୯ ଟଙ୍କିଆ ରିଚାର୍ଜ ପ୍ଲାନ
ଏୟାରଟେଲ ୨ଜିବି ମୋବାଇଲ ଡାଟା ପ୍ରତିଦିନ ଅଫର କରୁଛି । ଯାହାର ବୈଧତା ରହିଛି ୨୮ ଦିନ । ତେବେ ଏହି ୩୪୯ ଟଙ୍କିଆ ପ୍ଲାନରେ ରହିଛି ଅସୀମ ଲୋକାଲ ଏବଂ ଏସଟିଡି କଲର ସୁବିଧା । ଏଥିସହିତ ଅସୀମ ରୋମିଂ ଇନକମିଂ ଏବଂ ଆଉଟଗୋଇଂ କଲ ଏବଂ ୧୦୦ଟି ଲୋକାଲ ଏବଂ ନ୍ୟାସନାଲ ଏସଏମଏସ ପ୍ରତିଦିନ ବାବଦକୁ ରହିଛି । ଏହାପୂର୍ବରୁ କଂପାନୀ ୩୪୯ ଟଙ୍କାରେ ପ୍ରତିଦିନ ହିସାବରେ ୧.୫ଜିବି ଡାଟା ସହିତ ଅନ୍ୟ ବେନିଫିଟ୍ସ ମଧ୍ୟ ମିଳୁଥିଲା ।
୫୪୯ ଟଙ୍କିଆ ପ୍ଲାନ
ସେହିପରି ଏୟାରଟେଲର ଏହି ପ୍ୟାକରେ ମିଳୁଛି ପ୍ରତିଦିନ ହିସାବରେ ୩ଜିବି ଡାଟା । ଯାହାର ବୈଧତା ରହିଛି ୨୮ ଦିନ । ଏହି ପ୍ଲାନରେ ଅସୀମ କଲିଂ ସହିତ ପ୍ରତିଦିନ ୧୦୦ଟି ଲୋକାଲ ଏବଂ ନ୍ୟାସନାଲ ଏସଏମଏସର ସୁବିଧା ।
ଏହା ପୂର୍ବରୁ ଏହି ପ୍ୟାକରେ ୨.୫ଜିବି ଡାଟା ସହିତ ମିଳୁଥିଲା ଅନ୍ୟାନ୍ୟ ବେନିଫିଟ୍ ।
୪୪୮ ଟଙ୍କିଆ ପ୍ଲାନ
ଏୟାରଟେଲର ୪୪୮ ଟଙ୍କିଆ ରିଚାର୍ଜ ପ୍ଲାନରେ ମଧ୍ୟ ଜବରଦସ୍ତ ଅଫର ଦେଉଛି । ଯାହାର ବୈଧତା ରହିଛି ୭୦ ଦିନ । ୪୪୮ ଟଙ୍କିଆ ପ୍ଲାନ ଆଧାରରେ ଲୋକାଲ ଏବଂ ଏସଟିଡି କଲ ସମେତ ପ୍ରତିଦିନ ବାବଦକୁ ୧ ଜିବି ଡାଟା ମିଳିବ ।
ତେବେ ଏହାକୁ ଟକ୍କରରେ ରିଲାଏନ୍ସ ଜିଓ ୪୯ରୁ ୮୪ ଦିନ ପର୍ଯ୍ୟନ୍ତ ବୈଧତା ସହିତ ୪୯ରୁ ୯୮ ଜିବିର ଡାଟା ଦେଉଛି । ଏହାର ରିଚାର୍ଜ ଭ୍ୟାଲୁ ରହିଛି ୩୦୯, ୪୫୯ ଏବଂ ୫୦୯ ଟଙ୍କା ।