ପ୍ରଜା ନ’ମାନିଲେ ସଜ୍ଜା ! ଏକଛତ୍ରବାଦୀ ଶାସକଙ୍କ ନିୟମ, ଯାହା ଆପଣଙ୍କୁ କରିଦେବ ଆଶ୍ଚର୍ଯ୍ୟ
ବିଶ୍ୱରେ କିଛି ଦେଶ ଏଭଳି ରହିଛି ଯେଉଁଠାରେ ନିଶ୍ୱାସ ନେବାକୁ ମଧ୍ୟ ସେଠାକାର ସରକାରଙ୍କର ଅନୁମତି ନେବାକୁ ପଡିଥାଏ । ଆଜ୍ଞା ହଁ ଆମେ ଏଠାରେ ଉତ୍ତର କୋରିଆ ସଂପର୍କରେ ଆଲୋଚନା କରୁଛୁ । ତେବେ ଆପଣ ଜାଣିଲେ ଚକିତ ହେବେ କି ସେଠାକାର ନାଗରିକମାନଙ୍କୁ ଅନେକ ପ୍ରକାରର ପ୍ରତିବନ୍ଧକର ସାମ୍ନା କରିବାକୁ ପଡିଥାଏ । ତେବେ ଆସନ୍ତୁ ଜାଣିବା ଉତ୍ତର କୋରିଆରେ ପ୍ରଚଳିତ ୧୦ଟି ନିୟମ ତଥା ପ୍ରତିବନ୍ଧକ ସଂପର୍କରେ. . .
Kanak News is now on WhatsApp
Join and get latest news updates delivered to you via WhatsApp
ଟିଭି ଦେଖିବାରେ ପ୍ରତିବନ୍ଧକ
ଉତ୍ତର କୋରିଆରେ କେବଳ ସେହି ଚ୍ୟାନେଲ ଦେଖିବାକୁ ମିଳେ ଯାହା ସେଠାକାର ସରକାରଙ୍କ ଦ୍ୱାରା ସ୍ୱୀକୃତି ପ୍ରାପ୍ତ ହୋଇଥାଏ । ତେବେ ଯଦି କେହି ଏହାକୁ ଅବମାନନା କରେ ତେବେ ତାଙ୍କୁ ଦଣ୍ଡସ୍ୱରପ ଫାସି ଦଣ୍ଡାଦେଶ ମିଳିଥାଏ ।
ହେୟାରଷ୍ଟାଇଲରେ ପ୍ରତିବନ୍ଧକ
ଉତ୍ତର କୋରିଆରେ ମାତ୍ର ୨୮ ପ୍ରକାରର କେଶବିନ୍ୟାସ କରିବା ପାଇଁ ଅନୁମତି ଦିଆଯାଇଛି । ଯେଉଁଥିରୁ ୧୦ଟି ଷ୍ଟାଇଲ ପୁରୁଷଙ୍କ ପାଇଁ ଉର୍ଦ୍ଦିଷ୍ଟ ହୋଇଥିବା ବେଳେ ବାକି ୧୮ଟି ମହିଳାଙ୍କ ପାଇଁ ଉର୍ଦ୍ଦିଷ୍ଟ ଅଟେ । ଖାଲି ସେତିକି ନୁହେଁ ସେଠାକାର ବିବାହିତ ମହିଳାମାନଙ୍କୁ ଲମ୍ବା କେଶ ରଖିବାକୁ ଏବଂ ପୁରୁଷଙ୍କ ପାଇଁ ପାଖାପାଖି ୩ ଇଂଚରୁ ଅଧିକ କେଶ ରଖିବାକୁ ନେଇ ବାରଣ କରାଯାଇଛି । କିନ୍ତୁ ସବୁଠାରୁ ବଡ କଥା ହେଲା ସେଠାକାର ମୁଖ୍ୟ ତଥା କିମ୍ ଜଙ୍ଗ ୟୁନ୍ ନିଜେ ଏହାକୁ ଅବମାନନା କରନ୍ତି ।
ବ୍ଲୁ ଜିନ୍ସ ପିନ୍ଧିବାରେ ପ୍ରତିବନ୍ଧକ
ଉତ୍ତର କୋରିଆ ସରକାର ବ୍ଲୁ ଜିନ୍ସ ପିନ୍ଧିବାରେ ପ୍ରତିବନ୍ଧକ ଲଗାଇଛନ୍ତି । କାରଣ, ଉତ୍ତର କୋରିଆ ଏହାକୁ ଆମେରିକାର ପରମ୍ପରାର ଏକ ଅଂଶ ବୋଲି ଭାବନ୍ତି । ଏବଂ ଆମେରିକାର କୌଣସି ବି ଜିନିଷକୁ ସେମାନେ ଗ୍ରହଣ କରିବାକୁ ଚାହାଁନ୍ତି ନାହିଁ ।
ପର୍ଣ୍ଣ ବା ଅଶ୍ଳୀଳ ଭିଡିଓ ଦେଖିବାରେ ପ୍ରତିବନ୍ଧକ
କହିବାକୁ ଗଲେ ଭାରତରେ ଲୋକମାନେ ବିନା କୌଣସି ବାଧାରେ ଅଶ୍ଳୀଳ ଭିଡିଓମାନ ଦେଖିଥାନ୍ତି । କିନ୍ତୁ ଉତ୍ତର କୋରିଆରେ ଯଦି କେହି ଅଶ୍ଳୀଳ ଭିଡିଓ ଦେଖୁଥିବାର ଧରା ପଡିଯାଏ ତେବେ ତାର ଜେଲ ଯିବା ସୁନିଶ୍ଚିତ ।
ଦେଶ ଛାଡିବା ମନା
ଉତ୍ତର କୋରିଆରେ ଯଦି କେହି ନିଜ ଦେଶ ଛାଡିବାକୁ ଚେଷ୍ଟା କରେ କିମ୍ବା ବିଦେଶକୁ ଯିବାପାଇଁ ଚାହେଁ ତେବେ ଏହି ନିଷ୍ପତି ତାପାଇଁ କୌଣସି ବିପଦରୁ କମ୍ ନୁହେଁ ।
ଇଂଟରନେଟ୍ ଉପରେ ପ୍ରତିବନ୍ଧକ
ଉତ୍ତର କୋରିଆ ସରକାର ଇଂଟରନେଟ୍ ବ୍ୟବସ୍ଥା ଉପରେ ମଧ୍ୟ ଅନେକ ପ୍ରତିବନ୍ଧକ ଲଗାଇଥିବା ଶୁଣିବାକୁ ମିଳିଛି । ସେଠାରେ ଇଂଟରନେଟ୍ ସେବା ଯୋଗାଇ ଦେବାପାଇଁ କେବଳ ଗୋଟିଏ ମାତ୍ର କଂପାନୀ ରହିଛି । ଯଦିଓ ତାହା ସାଧାରଣ ଜନତାଙ୍କ ପାଇଁ ଉପଲବ୍ଧ ଅଟେ କିନ୍ତୁ ଅଧିକ ମାତ୍ରାରେ ଏହି ସେବା ସେଠାକାର ସରକାରଙ୍କ ପାଇଁ ଉର୍ଦ୍ଦିଷ୍ଟ ଅଟେ ।
ଜଣେ ବ୍ୟକ୍ତି କରିଥିବା ଅପରାଧ ପାଇଁ ଦଣ୍ଡ ପାଇବେ ତା’ର ସପରିବାର
ତେବେ ଏଭଳି ଅଜବ ଦଣ୍ଡ ଦେଖିବାକୁ ମିଳିଛି ଉତ୍ତର କୋରିଆରେ । ଯଦି କୌଣସି ବ୍ୟକ୍ତି କୌଣସି ଅପରାଧ କରେ ତେବେ ତା’ର ଦଣ୍ଡ ତା’ର ପରିବାର ଲୋକଙ୍କୁ ଭୋଗିବାକୁ ପଡିଥାଏ । ଏଥିରେ ଛୋଟ ଶିଶୁଠାରୁ ଆରମ୍ଭ କରି ବୃଦ୍ଧଙ୍କୁ ମଧ୍ୟ ନିସ୍ତାର ମିଳି ନଥାଏ ।ସମସ୍ତଙ୍କ ପାଇଁ ରହିଛି ସମାନ ଦଣ୍ଡ ।
ଘରେ ବାଇବେଲ ରଖିବା ଉପରେ ପ୍ରତିବନ୍ଧକ
ଉତ୍ତର କୋରିଆରେ ବାଇବେଲକୁ ଆଧୁନିକ ପରମ୍ପରାର ପ୍ରତୀକ ବୋଲି ମାନନ୍ତି । ଯେଉଁଥିପାଇଁ ଏହା ସଂପୂର୍ଣ୍ଣ ଭାବେ ନିଷେଧ ଅଟେ । ସେଠାରେ କେବଳ ଗୋଟିଏ ଭଗବାନଙ୍କର ପୂଜା କରାଯାଏ, ସେ ହେଉଛନ୍ତି ସେଠାକାର ସରକାର । ଏବଂ ଶାସକ ପରିବାର ତଥା କିଙ୍ଗ ଫ୍ୟାମିଲି ।
ଗାଡି ଚଳାଇବାରେ ପ୍ରତିବନ୍ଧକ
ଉତ୍ତର କୋରିଆରେ କେବଳ ରାଜ୍ୟ ଅଧିକାରୀମାନଙ୍କୁ ଗାଡି ରଖିବା ପାଇଁ ଅନୁମତି ଦିଆଯାଇଛି । ତେବେ ସେଠାରେ ପାଖାପାଖି ୧୦୦ ପ୍ରତିଶତ ଲୋକଙ୍କ ମଧ୍ୟରୁ ମାତ୍ର ୧୦ପ୍ରତିଶତ ଲୋକଙ୍କ ପାଖରେ ଗାଡି ରହିଛି ।
ଏହାସହ ମଧ୍ୟ ପଢନ୍ତୁ-ରେଳ ଯାତ୍ରୀଙ୍କ ପାଇଁ ଖୁସି ଖବର ! ଏଣିକି ମାଗଣାରେ ଦେଖିପାରିବେ ସିନେମା ଏବଂ ଟେଲିଭିଜନ