ନକ୍ସଲଙ୍କୁ ନାକେଦମ କରୁଛି ‘ସ୍ନିଫର ଡଗ’ !
କୁକୁର ଯେପରି ବିଶ୍ୱସ୍ତ ସେହିପରି ଦାୟିତ୍ୱ ସମ୍ପନ୍ନ । ଛତିଶଗଡ ପୁଲିସ୍ଙ୍କର କୁକୁରଦଳରେ ସାମିଲ ସ୍ନିଫର କୁକୁରଙ୍କ ବିଷୟରେ ଅନେକ ସଫଳତା ଲେଖାହୋଇଛି । ନକ୍ସଲଙ୍କ ଅନେକ ଷଡଯନ୍ତ୍ର ରୋକିବାରେ ଏମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ମଧ୍ୟ ରହିଛି । ନକ୍ସଲ ପ୍ରଭାବିତ ଅଂଚଳରେ ଏହି କୁକୁରମାନେ ବିସ୍ମୟକର କାର୍ଯ୍ୟ କରିଛନ୍ତି । ଶହ ଶହ ବୋମା ଖୋଜିବାରେ ଏମାନେ ସଫଳ ହୋଇଛନ୍ତି, ଯାହାଦ୍ୱାରା ବଡ ବଡ ଘଟଣାଗୁଡିକୁ ସଠିକ୍ ସମୟ ମଧ୍ୟରେ ରୋକାଯାଇପାରିଛି । ତେଣୁ ଏହି କୁକୁର ଛତିଶଗଡ ପୋଲିସ କୁକୁର ସ୍କ୍ୱାର୍ଡର ସବୁଠାରୁ ଭରସାଯୋଗ୍ୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ଆଠଶହରୁ ଅଧିକ ବୋମା ଖୋଜିଛନ୍ତି
ଭିଲାଇ ସ୍ଥିତ କୁକୁର ତାଲିମ କେନ୍ଦ୍ରରେ ଶିକ୍ଷା ଲାଭ କରୁଥିବା ଏହି କୁକୁର ନକ୍ସଲଙ୍କ ଯୋଜନାକୁ ଧୂଳିସାତ କରିବାରେ ଅନେକ ସମୟରେ ସଫଳ ହୋଇଛନ୍ତି । ବିଗତ ୧୦ବର୍ଷ ମଧ୍ୟରେ ଏହି କୁକୁର ମାନେ ପ୍ରାୟ ୮୦୦ରୁ ଅଧିକ ଖୋଜି ବାହାର କରିବା ସହ ନକ୍ସଲଙ୍କ ଷଡଯନ୍ତ୍ରରେ ପାଣି ପକାଇ ଦେଇଚନ୍ତି । ଯଦି ଏହି ବୋମା ଖୋଜା ନହୋଇପାରିଥାଆନ୍ତା ତେବେ ଏହାର ଫଳସ୍ୱରୂପ ଯାହା ହୋଇଥାଆନ୍ତା ତାହା ଆପଣ ଏଠାରେ ଅନୁମାନ କରିପାରୁଥିବେ । କେବଳ ଏତିକି ନୁହେଁ, ଏହି ପ୍ରଶିକ୍ଷଣ କୁକୁର ୪୦୦ରୁ ଅଧିକ ଗୁରୁତର ଅପରାଧିକ ମାମଲାରେ ପୋଲିସକୁ ସାହାଯ୍ୟ କରିଛି ।
ଦିଆଯାଏ ବିଶେଷ ତାଲିମ
ଭିଲାଇରେ ୨୦୦୬ମସିହାରେ କୁକୁରମାନଙ୍କର ତାଲିମ କେନ୍ଦ୍ର ଆରମ୍ଭ ହୋଇଥିଲା । ବର୍ତ୍ତମାନ ପର୍ଯ୍ୟନ୍ତ ଏହି କେନ୍ଦ୍ରରେ ପାଖାପାଖି ୧୫୦କୁକୁରଙ୍କୁ ପ୍ରଶିକ୍ଷଣ ଦିଆସାରିଛି । ଏହା ଅଂଚଳର ୨୭ଟି ଜିଲ୍ଲାରେ ରହିଛି । ସିଏଏଫର ୭ମ ବାଟାଲିଅନରେ ଏହି କୁକୁରଙ୍କୁ ତାଲିମ ଦିଆଯାଏ । ଏଠାରେ ଜର୍ମାନ ସେଫର୍ଡ, ଲାବ୍ରାଡର, ଡୋବରମ୍ୟାନ ଏବଂ ବେଲଜିୟମ ସେଫର୍ଡ କୁକୁରଙ୍କୁ ପ୍ରଶିକ୍ଷଣ ଦେଇଯାଇଥାଏ । ବୋମା, ଚୋରି ଏବଂ ଡକାୟତି ଘଟଣା ପରେ ପ୍ରମାଣକୁ ଖୋଜି କାଢିବାପାଇଁ ଏମାନଙ୍କୁ ତାଲିମ ଦିଆଯାଏ ।
ପୂର୍ବରୁ ଏହି ଟ୍ରେନିଙ୍ଗ ସେଣ୍ଟରରେ ଜର୍ମାନ ସେଫର୍ଡ, ଲାବ୍ରାଡୋର ଓ ଡୋବରମ୍ୟାନ ପ୍ରଜାତିର କୁକୁରଙ୍କୁ ତାଲିମ ଦିଆଯାଉଥିଲା । କିନ୍ତୁ ୨୦୧୬ ଠାରୁ କେବଳ ବେଲଜିୟମ ସେର୍ଫଡ ପ୍ରଜାତିର କୁକୁରଙ୍କୁ ବିଶେଷ ତାଲିମ ଦିଆଯାଉଛି ।କାରଣ ଏହି ପ୍ରଜାତିର କୁକୁର ଅଧିକ ଫୁର୍ତ୍ତି ଏବଂ ଅନ୍ୟ କୁକୁର ମାନଙ୍କ ତୁଳନାରେ ଏମାନଙ୍କ ବୟସ ମଧ୍ୟ ଅଧିକ । ଏମାନଙ୍କୁ ପ୍ରଶିକ୍ଷଣ ଦେବା ପାଇଁ ୯ମାସ ସମୟ ଲାଗିଥାଏ । ଏବଂ ଏମାନଙ୍କୁ କିଣିବା ପୂର୍ବରୁ ବିଶେଷଜ୍ଞଙ୍କର ପରାମର୍ଶ ନିଆଯାଇଥାଏ । ଏହାଛଡା ଏହି ପ୍ରଜାତିର କୁକୁରଙ୍କୁ କିଣିବା ପୂର୍ବରୁ ,ମାନଙ୍କର ଡାକ୍ତରୀ ପରୀକ୍ଷା କରାଯାଇଥାଏ ।