ଅନେକ ରହସ୍ୟମୟ କାହାଣୀରେ ପରିପୁର୍ଣ୍ଣ ଦୁନିଆ । ସତଚେଷ୍ଟା ସତ୍ୱେ ଏମିତି ଅନେକ ରହସ୍ୟ ଓ ପହେଲୀ ଅଛି ଯାହାର ଗଣ୍ଠିକୁ ଖୋଲିବା ଆଜି ବି ଅସମ୍ଭବ । କେବଳ ରହସ୍ୟାବୃତ୍ତ ହୋଇ ରହିଯାଇଛି ଏହି ରହସ୍ୟ । ତେବେ ପ୍ରତିଦିନ ଏମିତି କିଛି ନା କିଛି ଘଟିଥାଏ ଯାହା କେବଳ ଆମକୁ ଭାବିବାକୁ ବାଧ୍ୟ କରିଥାଏ । ସେମିତି ଏକ ଘଟଣା ସାମ୍ନାକୁ ଆସିଛି କାଜାକସ୍ତାନର କାଟ୍ଟାଚି ଗାଁରୁ ।
Kanak News is now on WhatsApp
Join and get latest news updates delivered to you via WhatsApp
‘ସ୍ଲିପି ହଲ୍ଲୋ’ ନାଁରେ ପରିଚିତ ଏହି ଗାଁରେ ଥରେ ଯିଏ ଶୁଏ ଅନେକ ମାସ ଯାଏ ଉଠି ନଥାଏ । ହୁଏତ ଏକଥା ଆପଣଙ୍କୁ ହଜମ ନ ହୋଇପାରେ କିମ୍ବା ଆପଣଙ୍କୁ ଏହା ଥଟ୍ଟା ପରିହାସ ଭଳି ଲାଗୁଥାଇପାରେ କିନ୍ତୁ ଏହା ସଂପୂର୍ଣ୍ଣ ସତ । ଗାଁର ଅଧିକାଂଶ ଲୋକ ଯେକୌଣସି ସ୍ଥାନରେ ଯେକୌଣସି ମୁହୂର୍ତ୍ତରେ ଶୋଇ ଯାଆନ୍ତି । ତେଣିକି ସେ ଘର ହେଉ ବା ବାହାର । ଆଉ ଥରେ ଶୋଇଲା ପରେ ଅନେକ ମାସ ଯାଏ ଉଠି ନଥାନ୍ତି ।
ଏହି ଅଜବ ଘଟଣା ପ୍ରଥମେ ୨୦୧୦ରେ ନଜରକୁ ଆସିଲା ଯେତେବେଳେ ପଢୁଥିବା ସମୟରେ ସ୍କୁଲର କିଛି ପିଲା ହଠାତ୍ ଶୋଇ ପଡିଲେ ଆଉ କିଛି ମାସ ପର୍ଯ୍ୟନ୍ତ ଶୋଇ ରହିଲେ । ଧୀରେ ଗାଁର ଅନ୍ୟ ଲୋକଙ୍କ ସହ ମଧ୍ୟ ଏଭଳି ହେବାକୁ ଲାଗିଲା । ପ୍ରାୟ ୬୦୦ ଲୋକ ଥିବା ଏହି ଗାଁର ୧୪ % ଲୋକ ଏହି ରୋଗରେ ପୀଡିତ ।
ଏହି ଘଟଣାକୁ ନେଇ ଅନେକ ପରୀକ୍ଷା ଓ ନିରୀକ୍ଷା ମଧ୍ୟ ହୋଇସାରିଛି । ହେଲେ ଏଯାଏ କୌଣସି ସଠିକ୍ କାରଣ ପାଇ ପାରି ନାହାନ୍ତି ବିଶେଷଜ୍ଞ । ଏହା କେବଳ ଗୋଟିଏ ରୋଗ ଯାହା ଦୂଷିତ ପାଣି ପାଇଁ ହେଉଛି ବୋଲି ଅନୁମାନ କରୁଛନ୍ତି । ହେଲେ ଏହାର ସଠିକ ପ୍ରମାଣ ମିଳି ପାରିନି । ତେବେ ଏହି ରହସ୍ୟ ଉପରୁ ପରଦା ଉଠାଇବାପାଇଁ ଏବେ ବି ଚେଷ୍ଟା ଜାରି ରହିଛି ।
ଏହା ସହ ଦେଖନ୍ତୁ କାହିଁକି ପର୍ଣ୍ଣ ସିନେମାକୁ କୁହାଯାଏ ବ୍ଲୁ ଫିଲ୍ମ ! ଜାଣନ୍ତୁ କାରଣ