ଆଜି ବାରଣାସୀରେ ପ୍ରଧାନମନ୍ତ୍ରୀଙ୍କ ଶକ୍ତି ପ୍ରଦର୍ଶନ । ଗଙ୍ଗା ଆରତୀ ସହ ଦୀର୍ଘ ୧୦ କିଲୋମିଟର ରୋଡ ସୋ’ କରିବେ ମୋଦି
ସୁଷମା-ଗଡକରୀଙ୍କ ସମେତ ଅନେକ କେନ୍ଦ୍ରମନ୍ତ୍ରୀ ହେବେ ସାମିଲ;ଆସନ୍ତାକାଲି କରିବେ ନାମାଙ୍କନ
କନକ ବ୍ୟୁରୋ: ଆଜି ବାରଣାସୀରେ ଶକ୍ତି ପ୍ରଦର୍ଶନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବାରଣାସୀ ଲୋକସଭା ଆସନରୁ ନିର୍ବାଚନ ଲଢୁଥିବା ମୋଦି ନାମାଙ୍କନ ଦାଖଲ ପୂର୍ବରୁ ବିଶାଳ ରୋଡ ସୋ’ କରିବା କାର୍ଯ୍ୟକ୍ରମ ରହିଛି । ଆସନ୍ତାକାଲି ମୋଦି ବାରଣାସୀ ଲୋକସଭା ଆସନ ପାଇଁ ନାମାଙ୍କନ ଭରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ନିଜ ସଂସଦୀୟ କ୍ଷେତ୍ରରେ ବିଶାଳ ରୋଡ ସୋ’ ସହ ଏକାଧିକ ଜନସଭାରେ ଯୋଗ ଦେବେ । ୧୦କିଲୋମିଟର ରୋଡ ସୋ’ କରିବା ସହ ଗଙ୍ଗା ଆଳତି କରିବେ ମୋଦି । କାଲି ମୋଦିଙ୍କ ନାମାଙ୍କନ ଦାଖଲ ସମୟରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର, ଏଲଜେପି ନେତା ରାମବିଳାସ ପାଶ୍ୱୱାନ, ଶିବସେନା ମୁଖ୍ୟ ଉଦ୍ଧବ ଠାକରେ, ଅକାଳୀଦଳ ନେତା ସୁଖବୀର ସିଂ ବାଦଲଙ୍କ ସମେତ ଏନଡିଏ ମେଂଟର ବହୁ ବରିଷ୍ଠ ନେତା ପହଁଚିବେ ।