ବିଗବସ ସିଜନ୍-୧୧ ଶେଷ ହେବାପରେ ମଧ୍ୟ ପ୍ରତିଯୋଗୀଙ୍କ ମଧ୍ୟରେ ତୁଟିନି ବିବାଦ ! ବିଜେତା ଶିଳ୍ପା ସିନ୍ଧେ କହିଲେ, ତାଙ୍କ ପାର୍ଟିକୁ ହିନାଙ୍କୁ କରିବେ ନାହିଁ ନିମନ୍ତ୍ରଣ
ଚଳିତ ବର୍ଷ ବିଗବସ ସିଜିନ-୧୧ରେ ଶିଲ୍ପା ସିନ୍ଧେଙ୍କୁ ବିଜୟୀନି ଘୋଷଣା କରିଥିଲେ ସଲମାନ । ଫାଇନାଲ ରାଉଣ୍ଡରେ ଲୋକପ୍ରିୟ ଅଭିନେତ୍ରୀ ଟେଲି ଶିଳ୍ପା ଓ ହିନା ମଧ୍ୟରେ କଡ଼ା ମୁକାବିଲା ହୋଇଥିଲା । କିନ୍ତୁ ଶିଳ୍ପା, ହିନାଙ୍କୁ ପଛରେ ପକାଇ ବିଜୟ ଟ୍ରଫି ହାସଲ କରି ନେଇଥିଲେ । ବିଗବସ ଘରେ ଉଭୟ ହିନା ଓ ଶିଳ୍ପା ୧୦୫ ଦିନ ରହିଥିଲେ । ଦୁହିଁଙ୍କ ମଧ୍ୟରେ ମତାନ୍ତର ମଧ୍ୟ ହୋଇଥିଲା । ହିନା ଏହି ଝଗଡ଼ାକୁ ଭୁଲିବାକୁ ଚେଷ୍ଟା କରି ଶିଳ୍ପାଙ୍କ ସହ ଭଲ ବ୍ୟବହାର କରିଥିଲେ । କିନ୍ତୁ ଶିଳ୍ପା ଘର ଭିତରେ ହୋଇଥିବା ଝଗଡ଼ାକୁ ଭୁଲି ପାରିନାହାନ୍ତି । ଯେଉଁଥିପାଇଁ ଅନେକ ସମୟରେ ହିନାଙ୍କ ବିପକ୍ଷରେ ସେ ମନ୍ତବ୍ୟ ଦେଉଛନ୍ତି । ଏବେ କିନ୍ତୁ ଶୁଣାଯାଉଛି ଯେ ବିଗବସ ଜିତିବା ଖୁସିରେ ଶିଳ୍ପା ଏକ ପାର୍ଟି ଆୟୋଜନ କରିବେ । କିନ୍ତୁ ଏହି ପାର୍ଟିରେ ଶିଳ୍ପା, ହିନାଙ୍କୁ ନିମନ୍ତ୍ରଣ କରିବେ ନାହିଁ ବୋଲି ଶୁଣାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ଶିଳ୍ପା କହିଛନ୍ତି ଯେ ବିଗବସ ଜିତିବା ଖୁସିରେ ସେ ପାର୍ଟି ରଖିପାରନ୍ତି, ଏହି ପାର୍ଟିରେ ହିନାଙ୍କୁ ନିମନ୍ତ୍ରଣ କରିବି ନାହିଁ । ହିନା ସହିତ ଦେଖା କରିବାକୁ ମଧ୍ୟ ଚାହୁଁ ନାହିଁ । ଯଦି କେବେ ଦେଖା ହେଲେ ବି କେବଳ ହାଲ ହାଏ କହିବି ବୋଲି କହିଛନ୍ତି ଶିଳ୍ପା । ଏହା ବ୍ୟତୀତ ସେ କହିଛନ୍ତି, ତା ସହିତ ଭଲ ବ୍ୟବହାର କରିବି କିନ୍ତୁ ଅଧିକ କିଛି କଥା ହେବିନି । ଯଦି କେବେ ବି ବିଗବଗର ପ୍ରତିଯୋଗୀଙ୍କୁ ନେଇ ପାର୍ଟି ରଖାଯାଏ, ତେବେ ବି ହିନା ସହ କଥାବର୍ତ୍ତା ଭଲ ଭାବେ ହେବିନି ବୋଲି କହିଛନ୍ତି ଶିଳ୍ପା । ଶିଳ୍ପା ଏଭଳି ମନ୍ତବ୍ୟ ଦେଲା ପରେ ବି ହିନାଙ୍କ ଉପରେ କିଛି ଖରାପ ପ୍ରଭାବ ପଡି ନାହିଁ । ତାଙ୍କ ସହିତ କାମ କରିବାକୁ ସୁଯୋଗ ମିଳି ତା’ହେଲେ ବି ମୁଁ କରିବି ବୋଲି କହିଛନ୍ତି ହିନା । କୁହାଯାଉଛି ହିନା ନିଜ ଭୁଲର ପଶ୍ଚ୍ୟାତାପ୍ କରିବାକୁ ଚାହୁଁଛନ୍ତି । ଶିଳ୍ପା ବିଗବଗ୍ ଜିତିବା ପରେ ପୁଣି ଥରେ ଟିଭିରେ ଏଣ୍ଟ୍ରି କରିବା ପାଇଁ ସୁଯୋଗ ପାଇଛନ୍ତି ।