ଗ୍ରାହକଙ୍କୁ ସତର୍କ କରାଇଲା ଏସବିଆଇ ! ବ୍ୟାଙ୍କ ନାଁରେ ହ୍ୱାଟ୍ସଆପରେ ଯାଉଛି ଫ୍ରଡ ମେସେଜ, ବ୍ୟକ୍ତିଗତ ସୂଚନା ଗୋପନୀୟ ରଖିବାକୁ ପରାମର୍ଶ ।
କନକ ବ୍ୟୁରୋ : ଗ୍ରାହକଙ୍କୁ ସଚେତନ ବାର୍ତା ଦେଲା ଭାରତୀୟ ଷ୍ଟେଟ ବ୍ୟାଙ୍କ । ହ୍ୱାଟସଆପକୁ ଆସୁଥିବା ଏକ ମେସେଜକୁ ନେଇ ଗ୍ରାହକଙ୍କୁ ସଚେତନ କରାଇଛି ଏସବିଆଇ । ଭୁଲ ମେସେଜରୁ ଦୁରେଇ ରହିବାକୁ ଗ୍ରାହକଙ୍କୁ ପରାମର୍ଶ ଦିଆଯାଇଛି । ଖବର ମୁତାବକ ଗ୍ରାହକଙ୍କୁ କିଛି ଦିନ ହେବ ଏକ ଭୁଲ ଓଟିପିର ମେସେଜ ଆସୁଥିବା କହିଛି ଏସବିଆଇ । ଯାହା ପରେ ଅନଲାଇନ ମାଧ୍ୟମରେ ଗ୍ରାହକଙ୍କୁ ଠକୁଥିବା ସଂସ୍ଥା ଏସବିଆଇ ଏଂଜେଟ ନାଁରେ ଲୋକଙ୍କ ସହ କଥା ହୋଇ ତାଙ୍କ ବିଶ୍ୱାସ ଜିତି ଅସଲି ଓଟିପି ନମ୍ବର ମାଗୁଥିବା କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କିଛି ଘଟଣାରେ ଏପରି ଦେଖିବାକୁ ମିଳିଛି ଯେ, ହ୍ୱାଟସଆପର ଓଟିପି ମେସେଜ ସହ ଏକ ୱେବ ଲିଙ୍କ ମଧ୍ୟ ସଂସ୍ଥା ଗ୍ରାହକଙ୍କୁ ପଠାଉଛି । ଯେଉଁଥିରେ କ୍ଲିକ୍ କଲେ ଫୋନରୁ ଭାଇରସ ଏବଂ ମେଲବିୟର ଆପ ଡ଼ାଉନଲୋଡ ହେଉଥିବା ମଧ୍ୟ କୁହାଯାଇଛି । କିଛି ମାମଲାରେ ଅନଲାଇନ୍ କ୍ରେଡ଼ିଟ ଏବଂ ଡ଼େବିଟ୍ କାର୍ଡ଼ ବିଷୟରେ ମଧ୍ୟ ପଚରାଥିବା ଦେଖିବାକୁ ମିଳିଛି । ଏହା ପରେ ଗ୍ରାହକଙ୍କ ଆଇଡ଼ି ହ୍ୟାକ ହେଉଥିବା ଏସବିଆଇ ପକ୍ଷରୁ କୁହାଯାଇଛି । ଏଭଳି ମେସେଜ ନିକଟରୁ ଦୂରେଇ ରହିବାକୁ ଏସବିଆଇ ପକ୍ଷରୁ ସୂଚନା ଜାରି କରାଯାଇଛି । ଏହା ସହ ଯଦି କୌଣସି ଗ୍ରାହକ ଏହି ଠକ ସଂସ୍ଥା ମାଧ୍ୟମରେ କିଛି ତଥ୍ୟ ପ୍ରକାଶ କରିଛନ୍ତି ତେବେ ୩ ଦିନ ଭିତରେ ବ୍ୟାଙ୍କରେ ଏନେଇ ସୂଚିତ କରାଇବାକୁ କୁହାଯାଉଛି । ନଚେତ ଏସବିଆଇ ନମ୍ବର ୯୨୧୨୫୦୦୮୮୮ରେ ନିଜ ସମସ୍ୟା ସମ୍ପର୍କରେ ମେସେଜ ମାଧ୍ୟମରେ ଜଣାଇବାକୁ କୁହାଯାଇଛି ।