ଦିନକୁ ଦିନ ଏସବିଆଇ ଗ୍ରାହକଙ୍କ ପାଇଁ ସମସ୍ୟା ବଢିବାରେ ଲାଗିଛି । ଯାହାକୁ ନେଇ ଲୋକମାନେ ଅସନ୍ତୋଷ ପ୍ରକଟ କରିଛନ୍ତି । ଖବର ଅନୁସାରେ, ଏସବିଆଇ ଗ୍ରାହକଙ୍କ ବ୍ୟାଙ୍କ ଆକାଂଉଟରୁ ଅଚାନକ ଟଙ୍କା କଟିିବା ମାମଲା ସାମ୍ନାକୁ ଆସିଛି । ତେବେ ଆପଣ ମଧ୍ୟ ଧ୍ୟାନ ଦିଅନ୍ତୁ, ଟଙ୍କା କଟିବାର ପ୍ରମୁଖ କାରଣ କ’ଣ ରହିଛି?
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କ ଏସବିଆଇ ଆକାଂଉଟରୁ ୧୪୭.୫୦ ଟଙ୍କା କଟିି ଯାଇଛି କି ? ଟଙ୍କା କଟିବା ଏସଏମଏସ ମଧ୍ୟ ଆସିଥିବ । ତେବେ ଆପଣ ଜାଣିପାରୁ ନଥିବେ, ଟଙ୍କା କାହିଁକି କଟିଲା । ଏସଏମଏସରେ ଟଙ୍କା କଟିବା ବାବଦରେ କିଛି ସୂଚନା ଦିଆଯାଇ ନାହିଁ, ସେଥିପାଇଁ ଚିନ୍ତାରେ ରହୁଛନ୍ତି କି ? ତେବେ ଆମେ ଆପଣଙ୍କୁ ଆପଣଙ୍କ ଆକାଂଉଟରୁ କାହିଁକି ଟଙ୍କା କଟିଛି, ସେ ବାବଦରେ ଆସନ୍ତୁ ଆଲୋଚନା କରିବା ।
ଚଣ୍ଡିଗଡ଼ର ଜଣେ ଏସବିଆଇ ଅଧିକାରୀ କହିଛନ୍ତି କି, ଯଦି ଲୋକମାନେ ତାଙ୍କ ଷ୍ଟେଟମେଂଟ ଦେଖିବେ, ତା’ହେଲେ ଜାଣିପାରିବେ କାହିଁକି ଟଙ୍କା କଟିଛି ? ପ୍ରକୃତରେ, ୧୪୭.୫୦ ଟଙ୍କା ଏଟିଏମର ବାର୍ଷିକ ଚାର୍ଚ୍ଚରେ କଟିଛି । ଏହି ଚାର୍ଚ୍ଚରେ ଜିଏସଟି ସାମିଲ ହୋଇଛି, ଯାହା ଫଳରେ ଏହାର ଚାର୍ଚ୍ଚ ୧୪୭.୫୦ ଟଙ୍କା ହୋଇଯାଇଛି । ଏହା ବ୍ୟତୀତ ଅଧିକାରୀ ଜଣ କହିଛନ୍ତି ଯେ ଗତବର୍ଷ ଏପ୍ରିଲ ମାସରେ ହିଁ ଏସବିଆଇ ଶୁଳ୍କରେ ପରିବର୍ତ୍ତନ ଆଣିଥିଲା । ଏହାସହ ଏଟିଏମ ଚାର୍ଚ୍ଚ ମଧ୍ୟ ବୃଦ୍ଧି କରାଯାଇଥିଲା । ତେବେ ବର୍ତ୍ତମାନ ଡେବିଟ କାର୍ଡର ବାର୍ଷିକ ଚାର୍ଚ୍ଚ ୧୨୫ ଟଙ୍କା ଥିଲା ବେଳେ ଜିଏସଟି ଲାଗିବା ପରେ ୧୪୭.୫୦ ଟଙ୍କା ହୋଇଯାଇଛି ।
ଯଦିଓ ଷ୍ଟେଟମେଂଟରେ ଏହି ସୂଚନା ଦିଆଯାଇ ନାହିଁ, ତେବେ ଆପଣମାନେ ଏହି ବାବଦରେ ଅଭିଯୋଗ ମଧ୍ୟ କରିପାରିବେ ବୋଲି ଅଧିକାରୀ ଜଣ କହିଛନ୍ତି । ଏଥିପାଇଁ ସିଧାସଳଖ ବ୍ୟାଙ୍କକୁ ଯାଆନ୍ତୁ ନଚେତ ମେସେଜ ବକ୍ସରେ ଟଘଐଇଚଚଣ ଲେଖିି ୮୦୦୮୨୦୨୦୨୦ରେ ପଠାଇ ପାରିବେ । ଏହା ଛଡା ଅନ୍ୟ ଏକ ବିକଳ୍ପ ମଧ୍ୟ ରହିଛି । ଯଦି ଅଭିଯୋଗର ୧୦ ଦିନ ମଧ୍ୟରେ ମଧ୍ୟ ଆପଣଙ୍କ ସମସ୍ୟାର ସମାଧାନ ହେଉ ନାହିଁ, ତେବେ ନେଟୱାର୍କ ନୋଡାଲ ଅଫିସରଙ୍କୁ ମଧ୍ୟ ଅଭିଯୋଗ କରିପାରିବେ । ଏହାଛଡା ଷ୍ଟେଟ ବ୍ୟାଙ୍କ ଅଫ ଇଂଣ୍ଡିଆ ଚେୟାରମ୍ୟାନଙ୍କୁ ମଧ୍ୟ ଅଭିଯୋଗ କରିପାରିବେ ।