ପାରିବାରିକା ଶତ୍ରୁତାରୁ ସାନ ଭାଇକୁ ହତ୍ୟା କଲା ସଂପର୍କୀୟ ବଡ଼ ଭାଇ। ହାତରେ କଟା ମୁଣ୍ଡ ଧରି ରାଜରାସ୍ତାରେ ବୁଲିଲା ଅଭିଯୁକ୍ତ
ଥାନା ସମ୍ମୁଖରେ ବୁଲିଲା ଅଭିଯୁକ୍ତ; ପୁଲିସ ପଚାରିବାରେ ବାହାରେ ଶୋଇଥିବାବେଳେ ମଶାରୀ ଭିତରୁ ମୁଣ୍ଡକାଟି ନେଇଥିଲା ଦୁର୍ବୃତ୍ତ
କନକ ବ୍ୟୁରୋ: ପାରିବାରିକ ଶତ୍ରୁତାରୁ ସାନ ଭାଇକୁ ହତ୍ୟା କଲା ସଂପର୍କୀୟ ବଡ଼ ଭାଇ । ମଶାରୀ ଭିତରେ ଶୋଇଥିବା ବେଳେ ମୁଣ୍ଡକାଟି ନେଇଥିଲା ହତ୍ୟାକାରୀ । ମୃତକ ହେଉଛି ସତ୍ୟନାରାୟଣ ମୁଣ୍ଡା । ସଂପର୍କୀୟ ଭାଇ ଉଜ୍ୱଳା ମୁଣ୍ଡା ପୂର୍ବ ଶତ୍ରୁତାରୁ ତାଙ୍କୁ ହତ୍ୟା କରିବା ପରେ କଟାମୁଣ୍ଡ ସହ ଥାନାରେ ଆତ୍ମସମର୍ପଣ କରିଛି ।
Kanak News is now on WhatsApp
Join and get latest news updates delivered to you via WhatsApp
ସତ୍ୟନାରାୟଣ ମୁଣ୍ଡା ଗତକାଲି ରାତିରେ ଘର ବାହାରେ ଶୋଇଥିବା ବେଳେ ମଶାରୀ ଭିତରୁ ତାଙ୍କୁ ହତ୍ୟା କରି ତାଙ୍କ ମୁଣ୍ଡ କାଟି ନେଇଯାଇଥିଲା । ସକାଳୁ ପରିବାର ଲୋକ ସତ୍ୟନାରାୟଣଙ୍କ ଏଭଳି ଅବସ୍ଥାରେ ଦେଖି ପୋଲିସକୁ ଖବର ଦେଇଥିଲେ ।
ଏହା ପରେ ପୁଲିସ ଖୋଜୁଥିବା ଜାଣିସାରିବା ପରେ ଅଭିଯୁକ୍ତ ଉଜ୍ୱଳା ମୁଣ୍ଡା କଟାମୁଣ୍ଡ ଧରି ଜାତୀୟ ରାଜପଥରେ ବୁଲିଥିଲା । ପୁଲିସ ପଚାରିବା ପରେ ବ୍ୟାଗରେ କଟାମୁଣ୍ଡ ଥିବା କହିଥିଲା ହତ୍ୟାକାରୀ । ଏହା ପରେ ସେ ଥାନାରେ ଆତ୍ମସମର୍ପଣ କରିଥିଲା , ପୁଲିସ ଅଭିଯୁକ୍ତକୁ ଗିରଫ କରିଛି ।