ରାଜଧାନୀର ଭିଲେନ : ହାତରେ କଟୁରୀ ଧରି ମୁନ୍ନା ଖେଳାଇଲା ଆତଙ୍କ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ରାଜଧାନୀ ରାଜରାସ୍ତାରେ ରିଅଲ୍ ଭିଲେନ୍ । ପୁରା ଫିଲ୍ମ ଷ୍ଟାଇଲରେ ଦାଦାଗିରି । ହାତରେ କଟୁରୀ ଧରି ଯୁବକଙ୍କ ଆତଙ୍କରାଜ୍ । କଟୁରୀ ମୁନରେ ଅଧଘଂଟା ଧରି ହଇଚଇ ମଚାଇଲେ ଭିଲେନ । ଦିନ ଦିପହରେ ପୁଲିସକୁ ଚ୍ୟାଲେଞ୍ଜ ଦେଇ ଶକ୍ତି ପ୍ରଦର୍ଶନ କରିଥିବା ଭିଲେନକୁ ଏବେ ଖୋଜୁଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ ଖୁଲମଖୁଲା ଦିନ ଦ୍ୱିପ୍ରହରରେ ପୁଲିସକୁ ଚ୍ୟାଲେଞ୍ଜ ଦେଇ ହାତରେ କଟୁରୀ ଧରି ବୁଲୁଥିବା ଏହି ଯୁବକର ନାଁ ମୁନ୍ନା ବୋଲି ଜମା ପଡିଛି । ଅଧଘଂଟା ଧରି ଜୟଦେବ ବିହବାର ଅଟୋଷ୍ଟାଣ୍ଡକୁ ନିଜ କବଜାରେ ରଖିଥିଲେ ବି ଏଯାଏ ଥାନାରେ ଏତଲା କରାଯାଇନି । ପୁଲିସ ନିଜ ଆଡୁ ମାମଲା ରୁଜୁ କରି ଘଟଣାର ଅନୁସନ୍ଧାନ କରୁଛି ।
ଏଠାରେ ପ୍ରଶ୍ନ ଉଠୁଛି କିଏ ଏହି ମୁନ୍ନା? ଖୋଦ ରାଜଧାନୀ ଛାତିରେ କଟୁରୀ ଧରି ଆତଙ୍କ ରାଜ ଚଳାଇଥିବା ଏହି ମୁନ୍ନା କାହା ବଳରେ ବଳିଆନ ହେଉଛି । ଟ୍ୱିନସିଟିର ଗ୍ୟାଙ୍ଗଷ୍ଟର ମାନେ ଏବେ ଜେଲ ଭିତରେ ଥିବା ବେଳେ, ମୁନ୍ନା କେଉଁ ଗ୍ୟାଙ୍ଗର ରିଙ୍ଗମାଷ୍ଟର ସେନେଇ ତଦନ୍ତ ଆରମ୍ଭ ହୋଇଛି ।