ଆରବିଆଇର ଦ୍ୱିତୀୟ ଋଣ ଖିଲାପୀ ତାଲିକାରେ ୪୦ଟି କଂପାନି
କନକ ବ୍ୟୁରୋ: ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଋଣ ଖିଲାପୀଙ୍କ ଦ୍ୱିତୀୟ ତାଲିକା ପ୍ରସ୍ତୁତ କରିଛି । ଏହି ସଂସ୍ଥାଗୁଡ଼ିକର ଏନପିଏ ମାମଲାର ଶୀଘ୍ର ସମାଧାନ କରିବା ପାଇଁ ଖୁବ୍ ଶୀଘ୍ର ଆରବିଆଇ ଏହି ତାଲିକାକୁ ଜାତୀୟ କଂପାନି ଲ’ ଟ୍ରିବ୍ୟୁନାଲ୍ (ଏନସିଏଲଟି)କୁ ପଠାଇବ । ଦ୍ୱିତୀୟ ତାଲିକାରେ ଅନେକ ପ୍ରତିଷ୍ଠିତ କଂପାନିଙ୍କ ନାମ ରହିଛି । ଏହି ଖବର ପ୍ରକାଶ ପାଇବା ପରେ ଅନେକ କଂପାନିଙ୍କ ସେୟାର ମୂଲ୍ୟରେ ଗତକାଲି ହ୍ରାସ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ତାଲିକାରେ ଇସ୍ପାତ, ଶକ୍ତି, ଭିତ୍ତିଭୂମି, ପ୍ରଯୁକ୍ତି ଏବଂ କଞ୍ଜ୍ୟୁମର ଇଲେ୍ଟ୍ରୋନିକ୍ସ କ୍ଷେତ୍ରର ପ୍ରତିଷ୍ଠିତ କଂପାନିଙ୍କ ନାମ ରହିଛି । ଆରବିଆଇ ତାଲିକାରେ ନାମ ଥିବା କଂପାନିଗୁଡ଼ିକ ୩୦୦୦ କୋଟି ଟଙ୍କାରୁ ଆରମ୍ଭ କରି ୫୦ ହଜାର କୋଟି ଟଙ୍କା ପର୍ଯ୍ୟନ୍ତର ଋଣ ନେଇ ପରିଶୋଧ କରୁନାହାନ୍ତି । ଇସ୍ପାତ କ୍ଷେତ୍ରର କିଛି ପ୍ରତିଷ୍ଠିତ କଂପାନିର ନାମ ଦ୍ୱିତୀୟ ତାଲିକାରେ ରହିଥିବା ଆଶା କରାଯାଉଛି । ଗୋଟିଏ କଂପାନି ୪୫ ହଜାର କୋଟି ଟଙ୍କାର ଋଣ ବକେୟା ରଖିଥିବା ବେଳେ ଆଉ ଏକ ଇସ୍ପାତ କଂପାନି ୩୦୦୦ କୋଟି ଟଙ୍କା ବାକି ରଖିଛି ।
ପୂର୍ବରୁ ଆରବିଆଇ ପକ୍ଷରୁ ଦେଶର ୧୨ ପ୍ରମୁଖ ଋଣ ଖିଲାପୀଙ୍କ ମାମଲାକୁ ଏନସିଏଲଟି ନିକଟକୁ ପଠାଯାଇଛି । ପ୍ରଥମ ତାଲିକାରେ ମଧ୍ୟ ପ୍ରତିଷ୍ଠିତ କଂପାନିମାନଙ୍କ ନାମ ରହିଥିଲା ।