ଗୁଜୁରାଟ ଜୁନାଗଡରେ ଅଭାବନୀୟ ଘଟଣା : ନୀଳଗାଈକୁ ଗିଳି ନିସ୍ତେଜ ଅଜଗର
କନକ ବ୍ୟୁରୋ : ନୀଳଗାଈକୁ ଗିଳି ନିସ୍ତେଜ ହୋଇପଡିଛି ଅଜଗର । ଗୁଜୁରାଟ ଜୁନାଗଡରେ ଏହି ଅଭାବନୀୟ ଘଟଣା ଦେଖିବାକୁ ମିଳିଛି । ନୀଳଗାଈଟି ଗିଳିଦେବା ପରେ ଅଜଗରଟି ହଲଚଲ ହୋଇନପାରିବାରୁ ନିସ୍ତେଜ ହୋଇପଡିରହିଛି । ବନ ବିଭାଗର ଏକ ଟିମ ଅଜଗରଟିକୁ ଉଦ୍ଧାର କରି ଅବଜରଭେସନରେ ରଖିଛନ୍ତି । ଆଜି ସକାଳୁ ଜଣେ ଚାଷୀ କାମ କରୁଥିବା ସମୟରେ ଏହି ଅଜଗରକୁ ଜମି ମଧ୍ୟରେ ପଡିଥିବାର ଦେଖିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରାୟ ୧୮ରୁ ୨୦ ଫୁଟ ଲମ୍ବର ଏହି ଅଜଗର ଜମିରେ ପଡିରହିଥିଲା । ଏହା ପରେ ଗ୍ରାମବାସୀମାନେ ଅଜଗରଟିକୁ ଉଦ୍ଧାର କରି ବନ ବିଭାଗକୁ ଖବର ଦେଇଥିଲେ । ବନ ବିଭାଗ ଘଟଣା ସ୍ଥଳରେ ପହଚିଂ ଅଜଗରକୁ ୮ ଘଂଟା ଅବଜରଭେସନରେ ରଖିଛନ୍ତି । ଯଦି ଗାଈଟି ଅଜଗରର ପେଟ ଭିତରେ ମରିଯାଏ, ତେବେ ସାପଟିର ଅପରେସନ କରି ଗାଈଟିକୁ ବାହାର କରାଯିବ ଓ ଏହା ପରେ ଜଙ୍ଗଲରେ ଛାଡିଦିଆଯିବ ବୋଲି ସ୍ନେକ ହେଲପ ଲାଇନ ପକ୍ଷରୁ କୁହାଯାଇଛି ।