କନକ ବ୍ୟୁରୋ : ସିବିଆଇ ଅଫିସରେ ପ୍ରଥମ ରାତି । ସି ସୋର ଚିଟଫଣ୍ଡ ମାମଲାରେ ଗିରଫ ହେବା ପରେ ବିଧାୟକ ପ୍ରଭାତକ ବିଶ୍ୱାଙ୍କ ପ୍ରଥମ ରାତି କଟିଛି ସିବିଆଇ ଅଫିସରେ । ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କୁ ରିମାଣ୍ଡରେ ନେଇ ଆଜିଠାରୁ ଜେରା କରିବ କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇ । ବିଶେଷ କରି ପତ୍ନୀଙ୍କ ଆକାଉଂଟକୁ ସିସୋର ଆକାଉଂଟରୁ ଆସିଥିବା ଟଙ୍କା ନେଇ ଖୋଳତାଡ କରିବ ସିବିଆଇ । ସିସୋର ଚିଟଫଣ୍ଡ ଠକେଇ ମାମଲାରେ ବିଜେଡି ବିଧାୟକ ପ୍ରଭାତ ବିଶ୍ୱାଳ ସିବିଆଇ ସ୍କାନରରେ ଥିଲେ । ଗିରଫ ପରେ ମାରାଥାନ ଜେରା କରି କୋର୍ଟ ଚାଲାଣ କରିଥିଲା ସିବିଆଇ । ସୋମବାର ରାତିରେ ପଚରାଉଚରା ପାଇଁ ଡାକି ନେବା ପରେ ପ୍ରଭାତ ବିଶ୍ୱାଳଙ୍କୁ ଗିରଫ କରିଥିଲା ସିବିଆଇ ।
Kanak News is now on WhatsApp
Join and get latest news updates delivered to you via WhatsApp
ସିସୋର ସହ ଲିଙ୍କ ନେଇ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କୁ ଗିରଫ କରିବା ପରେ ପ୍ରେସ ରିଲିଜ୍ ଜାରି କରିଛି ସିବିଆଇ । ଯେଉଁଥିରେ ତଦନ୍ତକାରୀ ସଂସ୍ଥା ଏକ ଚାଂଚଲ୍ୟକର ତଥ୍ୟ ଦେଇଛି । କଟକ ତଥା ଏହାର ଆଖପାଖ ଅଂଚଳରେ ସିସୋର ଗ୍ରୁପ ଅଫ୍ କମ୍ପାନୀଜ କିଭଳି ସୁରୁଖୁରୁରେ ତାର ବ୍ୟବସାୟ କରିପାରିବ ସେଥିରେ ସହାୟତା କରିଥିଲେ ବିଧାୟକ ପ୍ରଭାତ ବିଶ୍ୱାଳ । ଆଉ ଏଥିପାଇଁ ବିଧାୟକଙ୍କ ପତ୍ନୀଙ୍କ ଆକାଉଂଟକୁ ବିପୁଳ ପରିମାଣର ଟଙ୍କା ଆସିଥିଲା । ତେବେ ଏଟଙ୍କା କିଏ ଦେଇଛି , ସିବିଆଇ ତାର ପ୍ରେସ ରିଲିଜରେ ତାର ନାଁ ସ୍ପଷ୍ଟ କରିନି ।
ସେପଟେ ସିବିଆଇର ଅଭିଯୋଗକୁ ଖଣ୍ଡନ କରିଛନ୍ତି ବିଧାୟକଙ୍କ ପତ୍ନୀ ଲଷ୍ମୀବିଳାସିନୀ ବିଶ୍ୱାଳ । କହିଛନ୍ତି, ତାଙ୍କ ଆକାଉଂଟକୁ ସିସୋର ଆକାଉଂଟରୁ ମାତ୍ର ଦୁଇଥର ଟଙ୍କା ଆସିଛି । ଥରେ ୧୫ ଲକ୍ଷ ଏବଂ ଆଉ ଥରେ ୧୦ ଲକ୍ଷ ଟଙ୍କା । ଏହାବାଦ୍ ତାଙ୍କ ଆକାଉଂଟକୁ ଟଙ୍କା ଆସିନି । ସିବିଆଇକୁ ଚ୍ୟାଲେଂଜ କରି ଲଷ୍ମୀବିଳାସୀନି କହିଛନ୍ତି ଯଦି ସନ୍ଦେହ ରହିଛି ତେବେ ତାଙ୍କ ଆକାଉଂଟ ଯାଂଚ କରାଯାଉ ।
ଚିଟଫଣ୍ଡ ମାମଲାରେ ସକ୍ରିୟ ହୋଇଛି ସିବିଆଇା ଆଲୋଚନା ହେଉଛି ପ୍ରଭାତଙ୍କ ପରେ କିଛି ରାଜନେତା ଓ ବଡ ବଡ ଅଫିସରଙ୍କୁ ଧରିପାରେ ସିବିଆଇ । ଏଥି ମଧ୍ୟରେ ଶାସକ ଦଳର କିଛି ନେତା ଥିବା ଚର୍ଚ୍ଚା ହେଉଛି । ତେବେ କିଏ ଗିରଫ ହେବେ ସେ ନେଇ ସିବିଆଇ ମୁହଁଖୋଲୁନାହିଁ । ଦିଲ୍ଲୀରୁ କିଛି ବଡ ସିବିଆଇ ଅଫିସର ଭୁନେଶ୍ୱରରରେ ଆସି ଅଛନ୍ତି । ତେବେ ପୂଜା ପୂର୍ବରୁ ଏହି ଅପରେସନ ଆରମ୍ଭ ହେବ ନା ଏବେ ଆରମ୍ଭ ହେବ ସେ ନେଇ କିଛି ସ୍ପଷ୍ଟ ସୂଚନା ମିଳିନାହିଁ ।