କୃଷି ଋଣ ଛାଡ ପାଇଁ ଚିନ୍ତା କରୁଛନ୍ତି ରାଜ୍ୟ ସରକାର : କୃଷି ମନ୍ତ୍ରୀ ପ୍ରଦୀପ ମହାରଥୀ କହିଲେ, ବିଭନ୍ନ ସ୍ତରରେ ଚାଲିଛି ବିଚାର ବିମର୍ଷ
କନକ ବ୍ୟୁରୋ : ଓଡିଶାରେ କୃଷି ଋଣ ଛାଡ କରିପାରନ୍ତି ରାଜ୍ୟ ସରକାର । କୃଷି ଋଣ ଛାଡ ପ୍ରସଙ୍ଗରେ ଗଣମାଧ୍ୟମ ପ୍ରତିନିଧିଙ୍କ ଏକ ପ୍ରଶ୍ନର ଉତ୍ତରରେ ରାଜ୍ୟ କୃଷି ମନ୍ତ୍ରୀ ପ୍ରଦୀପ ମହାରଥିି କହିଛନ୍ତି, ରାଜ୍ୟ ସରକାର କୃଷି ଋଣ ଛାଡ କରିବାକୁ ବିଚାର ବିମର୍ଷ କରୁଛନ୍ତି । କୃଷକଙ୍କ ଯେତେ ସବୁ ବିକାଶ ହେବ ସବୁ ତାଙ୍କ ସରକାର କରିବେ । କୃଷକଙ୍କ ହିତ ପାଇଁ ମୁଖ୍ୟମନ୍ତ୍ରୀ ନିଷ୍ପତ୍ତି ନେବେ । ଦୀର୍ଘ ଦିନ ହେବ ଓଡିଶାରେ କୃଷି ଋଣ ଛାଡ କରିବାକୁ ବିଭିନ୍ନ କୃଷକ ସଂଗଠନ ପକ୍ଷରୁ ଦାବି ହୋଇ ଆସୁଛି । ଅନ୍ୟପଟେ ଗତକାଲି କର୍ଣ୍ଣାଟକ ସରକାର କୃଷି ଋଣ ଛାଡ କରିଥିଲେ । ୨ଲକ୍ଷରୁ କମ୍ କୃଷି ଋଣ ଥିବା ଚାଷୀଙ୍କର ଋଣ ଛାଡ କରିବାକୁ ବଜେଟରେ ଘୋଷଣା କରିଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ କୁମାରସ୍ୱାମୀ । ସେହିପରି ପୂର୍ବରୁ ମହାରାଷ୍ଟ୍ର, ଉତରପ୍ରଦେଶରେ କୃଷି ଋଣ ଛାଡ କରିଥିଲେ ରାଜ୍ୟ ସରକାର ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ କେନ୍ଦ୍ର ସରକାର ଫସଲର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିବା ପରେ ଗତକାଲି ପ୍ରତିକ୍ରିୟା ପ୍ରକାଶ କରିଥିଲେ କୃଷି ମନ୍ତ୍ରୀ ପ୍ରଦୀପ ମହାରଥୀ । ଓଡ଼ିଶାର ଲକ୍ଷଲକ୍ଷ ଚାଷୀଙ୍କୁ ମୋଦି ପ୍ରତାରିତ କରିଥିବା ସେ କହିଥିଲେ । ବିଧାନସଭାରେ ଦଳମତ ନିର୍ବିଶେଷରେ ଧାନ କୁଇଂଟାଲ୍ ପିଛା ୨୩୪୪ ଟଙ୍କା ଖର୍ଚ୍ଚ ହେଉଥିବା ସମସ୍ତେ ସ୍ୱୀକାର କରିଥିବା ବେଳେ କୁଇଂଟାଲ୍ ପିଛା ୧୧୬୬ ଟଙ୍କା ଖର୍ଚ୍ଚ ହେଉଥିବା କେନ୍ଦ୍ର କେଉଁଠୁ ତଥ୍ୟ ପାଇଲା ବୋଲି ମହାରଥୀ ଗତକାଲି ପ୍ରଶ୍ନ କରିଥିଲେ । କେନ୍ଦ୍ର କୃଷିମନ୍ତ୍ରୀ ଏହି ହିସାବ ବୁଝିନପାରିବା ଦୁର୍ଭାଗ୍ୟଜନକ ବୋଲି ସେ କହିଥିଲେ ।