ପ୍ରଚାର ଶେଷଦିନରେ ଦେଖିବାକୁ ମିଳିଲା ହାଇଭୋଲଟେଜ ଲଢେଇ । ପୁଣି ଥରେ ମୋଦି-ରାହୁଲ ପରସ୍ପରକୁ କଲେ ସମାଲୋଚନା
୨୦୧୯ ଲୋକସଭା ନିର୍ବାଚନ ପାଇଁ ଆଜି ପ୍ରଚାର ଶେଷ ହୋଇଛି
କନକ ବ୍ୟୁରୋ : ୨୦୧୯ ଲୋକସଭା ନିର୍ବାଚନ ପାଇଁ ଆଜି ପ୍ରଚାର ଶେଷ ହୋଇଛି । ନିର୍ବାଚନୀ ପ୍ରଚାର ଶେଷ ହେବା ପରେ ନିର୍ବାଚନ କୋଳାହଳ ମଧ୍ୟ କମିଯାଇଛି । ଆସନ୍ତା ରବିବାର ଦେଶରେ ଅନ୍ତିମ ପର୍ଯ୍ୟାୟ ନିର୍ବାଚନ ହେବ । ଶେଷ ପର୍ଯ୍ୟାୟରେ ୮ ରାଜ୍ୟରେ ୫୯ ସିଟରେ ମୋଟ ନିର୍ବାଚନ ହେବା ପାଇଁ ଯାଉଛି । ଆସନ୍ତା ରବିବାର ଦିନ ବାରାଣାସୀ ଆସନରେ ମଧ୍ୟ ନିର୍ବାଚନ ହେବାପାଇଁ ଯାଉଛି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଶେଷ ପର୍ଯ୍ୟାୟରେ ଉତ୍ତର ପ୍ରଦେଶର ୧୩, ପଶ୍ଚିମବଙ୍ଗର ୯, ମଧ୍ୟ ପ୍ରଦେଶର ୮, ବିହାରର ୮, ଝାରଖଣ୍ଡର ୩, ପଞ୍ଜାବର ୧୩, ହିମାଚଳ ପ୍ରଦେଶର ୪ ଓ ଚଣ୍ଡିଗଡ଼ ସିଟରେ ଭୋଟ୍ ଗ୍ରହଣ ହେବ।
Kanak News is now on WhatsApp
Join and get latest news updates delivered to you via WhatsApp
ତେବେ ଆସନ୍ତା ରବିବାର ହେବାକୁ ଥିବା ନିର୍ବାଚନରେ ଆଜି ଶେଷ ଦିନରେ ପ୍ରଚାର ମୈଦାନରେ ବହୁ ହେଭିୱେଟ୍ ନେତାଙ୍କୁ ଦେଖିବାକୁ ମିଳିଥିଲା । ଶେଷ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ପ୍ରଦେଶର ଖରଗୋନରେ ରାଲି କରି କଂଗ୍ରେସ ଓ ରାହୁଲ ଗାନ୍ଧୀଙ୍କ ଉପରେ ଜୋରଦାର ହମଲା କରିଥିଲେ। ଅନ୍ୟ ପଟେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ହିମାଚଳ ପ୍ରଦେଶର ସୋଲନରେ ରାଲି କରିବା ସହ ବିଜେପି ଉପରେ ସମାନ ଢଙ୍ଗରୈେ ବର୍ଷିଥିଲେ । କହିବାକୁ ଗଲେ ଶେଷଦିନ ନିର୍ବାଚନରେ ନେତାଙ୍କ ମଧ୍ୟରେ ଜୋରଦାର ଆରୋପ ଓ ପ୍ରତ୍ୟାରୋପ ଦେଖିବାକୁ ମିଳିଥିଲା । ତେବେ ଆଗାମୀ ଦିନରେ କାହା ଉପରେ ଜନତା ବିଶ୍ୱାସ କରିବେ ତାହା ଉପରେ ରହିଛି ନଜର ।