ପୂରା ହେଲା ଅଧୁରା ସ୍ୱପ୍ନ ! ୧୯ ତାରିଖରୁ ନୟାଗଡରୁ ଖୋର୍ଦ୍ଧା ଗଡିବ ପାସେଞ୍ଜର୍ ଟ୍ରେନ୍
କନକ ବ୍ୟୁରୋ : ପୂରା ହେଲା ଅଧୁରା ସ୍ୱପ୍ନ । ନୟାଗଡରୁ ଖୋର୍ଦ୍ଧା ଚାଲିବ ପାସେଞ୍ଜର୍ ଟ୍ରେନ୍ । ସୂଚନା ଅନୁସାରେ, ଟ୍ରେନଟି ନୟାଗଡରୁ ବାହାରି ବୋଲଗଡ଼ ଷ୍ଟେସନ୍ ହୋଇ ଖୋର୍ଦ୍ଧା ଆସିବ । ଆସନ୍ତା ୧୯ ତାରିଖ ଅପରାହ୍ନ ୩ ଟାରେ ଏହି ପାସେଞ୍ଜର୍ ଟ୍ରେନଟି ଏହାର ପ୍ରଥମ ଯାତ୍ରା ଆରମ୍ଭ କରିବ । ଆଉ ଭିଡିଓ କନଫରେନ୍ସି ଜରିଆରେ ଏହାର ଶୁଭାରମ୍ଭ କରିବେ ରେଳମନ୍ତ୍ରୀ ସୁରେଶ ପ୍ରଭୁ । ତେବେ ଏହି ସମୟରେ ସାଂସଦ ପ୍ରଶନ୍ନ ପାଟ୍ଟଶାଣୀ, ପିନାକୀ ମିଶ୍ର, ନୟାଗଡ ବିଧାୟକ ଅରୁଣ ସାହୁ ଏବଂ ବୋଲଗଡ଼ ବିଧାୟକ ପ୍ରଶାନ୍ତ ଜଗଦେବ ପ୍ରମୁଖ ଉପସ୍ଥିତ ରହିବେ ।
Kanak News is now on WhatsApp
Join and get latest news updates delivered to you via WhatsApp
ଗତ ମେ’ ମାସ ୧୧ ତାରିଖରେ ଏହି ରୁଟରେ ପରୀକ୍ଷାମୂଳକ ଭାବେ ୧୨ କିଲୋମିଟର ଇଞ୍ଜିନ୍ ଗଡି ଥିଲା । ଏହାପରେ ଚଳିତ ମାସ ୬ ତାରିଖରେ ପରୀକ୍ଷାମୂଳକ ଭାବରେ ଏକ ଟ୍ରେନ୍ ଗଡିଥିଲା ।