ପଦାକୁ ଆସିଲେ ପପୁ : ପୀଡିତା ଓ ପରିବାରକୁ ଧମକ୍ ନଦେବାକୁ ହାଇକୋର୍ଟଙ୍କ ନିର୍ଦେଶ
କଟକ ବ୍ୟୁରୋ, କନକ ନ୍ୟୁଜ୍ : ୪୧ଦିନର ସଜା କାଟିବା ପରେ ପଦାକୁ ଆସିଛନ୍ତି କମେଡି କିଙ୍ଗ ପପୁ ପମ୍ ପମ । ଉଭୟ ପକ୍ଷର ଯୁକ୍ତି ଶୁଣିବା ପରେ ଜାମିନ ଦେଇଛନ୍ତି ହାଇକୋର୍ଟ । କିନ୍ତୁ ଏଥିପାଇଁ ତିନିଟି ସର୍ତ୍ତ ରଖିଛନ୍ତି କୋର୍ଟ । ଗୋଟିଏ ହେଉଛି ପୀଡିତା କିମ୍ବା ତାଙ୍କ ପରିବାର ସଦସ୍ୟଙ୍କୁ କୌଣସି ଆକାରରେ ଧମକ ଦେବେନାହିଁ ପପୁ । ଦ୍ୱିତୀୟ ସର୍ତ୍ତ ରହିଛି, ସରକାରୀ ସାକ୍ଷୀ ପ୍ରମାଣକୁ ପ୍ରଭାବିତ କରିବାକୁ ଉଦ୍ୟମ କରିବେ ନାହିଁ। ଏବଂ ତୃତୀୟ ସର୍ତ୍ତ ହେଉଛି, ଏଭଳି କୌଣସି ଅପରାଧୀକ କାର୍ଯ୍ୟ କରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସରକାରୀ ଓକିଲ ପପୁଙ୍କ ବିରୋଧରେ ଯୁକ୍ତି ବାଢିଥିଲେ, ପପୁଙ୍କ ବିରୋଧରେ ଆସିଥିବା ଅଭିଯୋଗ ସାଂଘାତିକ, ତେଣୁ ତାଙ୍କୁ ଜାମିନ ଦିଆଯାଇପାରିବ ନାହିଁ । ସେପଟେ ପପୁଙ୍କ ଓକିଲ କହିଥିଲେ, ଥାନାରେ ପୀଡିତା ଏତଲା ଦେଇନାହାଁନ୍ତି ଏକ ଏନଜିଓ ପକ୍ଷରୁ ଏତଲା ଦିଆଯାଇଛି । ଶେଷରେ କୋର୍ଟ ନିଷ୍ପତି ନେଇଥିଲେ, ପପୁଙ୍କୁ ବେଲ୍ ଦେବାପାଇଁ।