ପାକିସ୍ଥାନର ସିନ୍ଧ ପ୍ରାନ୍ତଠାରେ ହେବାକୁ ଯାଉଥିବା ନିର୍ବାଚନରେ ପ୍ରଥମ ଥର ହିନ୍ଦୁ ଧର୍ମର ଜଣେ ମହିଳା ଭାଗ ନେବାକୁ ଯାଉଛନ୍ତି । ୨୫ ଜୁଲାଇକୁ ହେବାକୁ ଥିବା ଏହି ନିର୍ବାଚନରେ ମେଘବାର ସମ୍ପ୍ରଦାୟର ମହିଳା ସୁନୀତା ପରମାର(୩୧)ବିଧାନସଭା ସିଟରୁ ର୍ନିଦଳୀୟ ଭାବେ ଭାଗ୍ୟ ପରୀକ୍ଷା କରିବାକୁ ଯାଉଛନ୍ତି । ସୁଚନା ଅନୁସାରେ, ୨୦୧୭ ମସିହା ଜନଗଣନା ରିପୋର୍ଟ ଅନୁସାରେ ଥାରପରକରର ମୋଟ ଜନସଂଖ୍ୟା ୧୬ ଲକ୍ଷ ଅଛନ୍ତି । ଏମାନଙ୍କ ମଧ୍ୟରୁ ଅଧିକାଂଶ ହିନ୍ଦୁ ସଂପ୍ରଦାୟର ଲୋକ ଅଟନ୍ତି । ଏହା ଏକମାତ୍ର ସିଟ୍ ଯେଉଁଥିରେ ପାକିସ୍ଥାନ ମୁକାବିଲାରେ ଏଠାରେ ଅଧିକ ହିନ୍ଦୁ ମତଦାତା ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଡିଆ ରିପୋର୍ଟ ଅନୁସାରେ ସୁନୀତାଙ୍କ କହିବାନୁସାରେ ପୂର୍ବ ସରକାର ଲୋକଙ୍କୁ ଦେଇଥିବା କଥା ଅନୁସାରେ ସେଭଳି କୌଣସି କାମ ବାସ୍ତବରେ କାର୍ଯ୍ୟକାରୀ କରିପାରିଲେ ନାହିଁ । ଯାହା ଫଳରେ ସେ ନିର୍ବାଚନରେ ପ୍ରବେଶ କରିବାକୁ ମନସ୍ଥ କଲେ । ବର୍ତ୍ତମାନ ମଧ୍ୟ ସେଠାରେ ମହିଳାଙ୍କ ସ୍ୱାସ୍ଥ୍ୟ ସୁବିଧା ଏବଂ ଶିକ୍ଷା ସଂସ୍ଥା ଉପରେ ସେତେଟା ଗୁରୁତ୍ୱ ଦିଆଯାଉନାହିଁ । ସୁନୀତା କହିଛନ୍ତି ଯେ ଯଦି ସେ ଏହି ନିର୍ବାଚନରେ ଜିତିବାରେ ସଫଳ ରୁହନ୍ତି ତେବେ ପ୍ରଥମେ ଗାଁର ଝିଅମାନଙ୍କ ପାଇଁ ଶିକ୍ଷାକ୍ଷେତ୍ରରେ ସୁବିଧା ଏବଂ ମହିଳାଙ୍କ ସ୍ୱାସ୍ଥ୍ୟରେ ସୁବିଧା ଆଣିବେ ।