ଛତିଶଗଡ ସରକାରଙ୍କ ନିଆରା ଉଦ୍ୟମ : ମେଧାବୀ ଛାତ୍ରଛାତ୍ରୀଙ୍କୁ ପ୍ରଶାସନିକ କ୍ଷେତ୍ରରେ ଉତ୍ସାହିତ ପାଇଁ ଦିନିକିଆ ଜିଲ୍ଲାପାଳ ଭାବେ ଦେଲେ ନିଯୁକ୍ତି
କନକ ବ୍ୟୁରୋ : ବଲିଉଡ ଫିଲ୍ମ ‘ନାୟକ’ ଚଳଚିତ୍ରରେ ଦିନିକିଆ ମୁଖମନ୍ତ୍ରୀ ଭାବେ ବଲିଉଡ ଅଭିନେତା ଅନିଲ କାପୁରଙ୍କ ଅଭିନୟ ତ ଦେଖିଥିଲେ । ଏବେ ଆସନ୍ତୁ ନଜର ପକାଇବା ଦିନିକିଆ ଜିଲ୍ଲାପାଳର ରିୟଲ ଫିଲ୍ମ ଉପରେ । ଏହା କୌଣସି ସିନେମାର କାହାଣୀ ନୁହଁ, ହେଲେ ସିନେମା କାହାଣୀ ଠୁ ବି କିଛି କମ୍ ନୁହେଁ । ଛତିଶଗଡର ସମସ୍ତ ୨୭ଟି ଜିଲ୍ଲାରେ ୨୭ ଜଣ ଛାତ୍ରଛାତ୍ରୀ ଦିନକ ପାଇଁ ଜିଲ୍ଲାପାଳ ଭାବେ ଦାୟୀତ୍ୱ ଗ୍ରହଣ କରିଛନ୍ତି । ଧମତରି ଜିଲ୍ଲାର ସତ୍ୟମ ସିହ୍ନା । ସୁକୁମା ଜିଲ୍ଲାପାଳ ଭାବେ ଦାୟୀତ୍ୱ ନେଇ ଜିଲ୍ଲାପାଳଙ୍କ ସହ ସମସ୍ତ ସରାକାରୀ କାର୍ଯ୍ୟର ତଦାରଖ କରିଥିଲେ ସତ୍ୟମ । ତାଙ୍କ ମା’ ଙ୍କ ସହ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଂଚିବା ପରେ ଜିଲ୍ଲାପାଳଙ୍କ ସହକ୍ଷେତ୍ର ପରିଦର୍ଶନରେ ବାହାରିଥିଲେ ସତ୍ୟମ୍ । ମାଓ ଅଧ୍ୟୁଷିତ ଅଂଚଳରେ ସ୍ଥିତି ପରଖିବା ପରେ ଶିକ୍ଷା ଦ୍ୱାରା ହିଁ ସୁକୁମା ପରି ମାଓ ଅଧ୍ୟୁଷିତ ଅଂଚଳରୁ ମାଓ ସମସ୍ୟାର ମୁଳପୋଛ ହୋଇ ପାରିବ ବୋଲି ମତ ରଖିଛନ୍ତି ସତ୍ୟମ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବସ୍ତର ଜିଲ୍ଲାରେ ଦିପ୍ତି ପାଇକରା ଏବଂ ରାୟପୁରରେ ଶ୍ରୀକ୍ରିତି ଦିୱାନ ଜିଲ୍ଲାପାଳଙ୍କ କାର୍ଯ୍ୟାଳୟ ପହଂଚି ଜିଲ୍ଲାର ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଥିଲେ । ଜିଲ୍ଲାପାଳଙ୍କ ଦିନଚର୍ଯ୍ୟା କେମିତି ରହେ ? କେମିତି ପ୍ରଶାସନିକ ଅଧିକାରୀ କ୍ଷେତ୍ର ପରିଦର୍ଶନ କରନ୍ତି ? ଲୋକଙ୍କ ଅଭିଯୋଗ ଶୁଣି କିଭଳି ନ୍ୟାୟ ନିଶାପ କରନ୍ତି? ତାହା ଜାଣିବାକୁ ଚାହିଁଥିଲେ ଯୁବ ଜିଲ୍ଲାପାଳ । ଯୁବ ପିଢିଙ୍କୁ ପ୍ରଶାସନିକ ସେବା କ୍ଷେତ୍ରରେ ପ୍ରୋତ୍ସାହନ ଯୋଗାଇବା ଲାଗି ଏଭଳି ପଦକ୍ଷେପ ନେଇଛନ୍ତି ଛତିଶଗଡ ସରକାର । ୟୁଥ ସ୍ପାର୍କ ନାମକ ଏକ ପ୍ରତିଯୋଗିତ ଜରିଆରେ କଲେଜ ପଢୁଥିବା ପ୍ରାୟ ୫ ଲକ୍ଷ ଛାତ୍ରଛାତ୍ରୀଙ୍କ ମଧ୍ୟରୁ ୨୭ଜଣଙ୍କୁ ଚୟନ କରି ଦିନିକିଆ ଜିଲ୍ଲାପାଳ ଭାବେ ନିଯୁକ୍ତି ଦେଇଥିଲେ । ୟୁ.ପି.ଏସ.ସି ଆଶାୟୀ ପ୍ରାର୍ଥୀଙ୍କୁ ଉତ୍ସାହିତ କରିବା ସହ ପ୍ରୋତ୍ସାହନ ଯୋଗାଇବା ଲାଗି ଏପରି ପଦକ୍ଷେପ ନିଆ ଯାଇଥିବା ଜଣାପଡିଛି ।