ଜାପାନରେ ମୋଦି ଯାଦୁ : ଦୁଇ ରାଷ୍ଟ୍ର ମଧ୍ୟରେ ଐତିହାସିକ ପରମାଣୁ ଚୁକ୍ତି ସ୍ୱାକ୍ଷରିତ
କନକ ବ୍ୟୁରୋ : ଖୋଲିଲା ଆଣବିକ ଶକ୍ତି ଉତ୍ପାଦନର ଆଉ ଏକ ଦ୍ୱାର । ଦୀର୍ଘ ୬ ବର୍ଷର ଉଦ୍ୟମ ପରେ ଭାରତ ଓ ଜାପାନ ମଧ୍ୟରେ ସ୍ୱାକ୍ଷରିତ ହୋଇଛି ବେସାମରିକ ଆଣବିକ ଚୁକ୍ତି । ଆଣବିକ ଶକ୍ତି ଉତ୍ପାଦନ ପାଇଁ ଏବେ ଟୋକିଓର ଦ୍ୱାର ନୂଆଦିଲ୍ଲୀ ପାଇଁ ଖୋଲିଯାଇଛି । ଫଳରେ ଇନ୍ଧନ, ସରଞ୍ଜାମ ଏବଂ ବୈଷୟିକ କୌଶଳ ନେଇ ସହଯୋଗ କରିବ ଜାପାନ । ଆଣବିକ ଶକ୍ତି ବଜାରରେ ଜାପାନ ଏକ ପ୍ରମୁଖ ରାଷ୍ଟ୍ର । ତେଣୁ ଏହି ଯୁକ୍ତି ସ୍ୱାକ୍ଷରିତ ହେବା ଫଳରେ ୱେଷ୍ଟଟିଂ ହାଉସ ଏବଂ ଜିଇ ଭଳି ଆମେରିକୀୟ କଂପାନୀ ଭାରତରେ ଆଣବିକ ପ୍ଲାଣ୍ଟþ ପ୍ରତିଷ୍ଠା କରିବାରେ ସହାୟକ ହେବ ।
Kanak News is now on WhatsApp
Join and get latest news updates delivered to you via WhatsApp
ଏହି କଂପାନୀ ଗୁଡ଼ିକରେ ଜାପାନୀ ପୁଞ୍ଜି ଲାଗି ଥିବାରୁ ଆଣବିକ ପ୍ଲାଣ୍ଟþ ପ୍ରତିଷ୍ଠା କରିବା ଦିଗରେ ସହାୟକ ହେବ । ତିନି ଦିନିଆ ଜାପାନ ଗସ୍ତରେ ଯାଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଜାପାନ ପ୍ରଧାନମନ୍ତ୍ରୀ ସିଂଜୋ ଆବେଙ୍କ ସହ ଏହି ଆଣବିକ ଚୁକ୍ତି ସ୍ୱାକ୍ଷର କରିଛନ୍ତି ।