ମରିଯାଇଛି ମାନବିକତା ! ପୁଣି ଶବକୁ ମିଳିଲାନି ଗ୍ରାମବାସୀଙ୍କ କାନ୍ଧ, କ୍ୟାନସରରେ ପୀଡିତ ଦୁଃଶାସନଙ୍କ ମୃତଦେହକୁ ଭାରରେ ବୋହି ମଶାଣି ନେଲେ ପୁଅ ଓ ପୁତୁରା
କନକ ବ୍ୟୁରୋ: ହଜି ଯାଉଛି ମାନବିକତା । ଅନ୍ଧବିଶ୍ୱାସର ବଶବର୍ତୀ ହୋଇ ଗାଁ ଗହଳିର ମଣିଷ ହଜେଇ ବସୁଛନ୍ତି ମାନବିକତା । ଯାହାର ଫଳ ସୂରୁପ କେତେବେଳେ ସାଇକେଲରେ ଶବୁ ବୁହା ହେଉଛି ତ ଆଉ କେତେବେଳେ ଭାରରେ । କେନ୍ଦୁଝର ସଦର ବ୍ଲକ ବରଦପାଳ ଆଦିବାସୀ ବହୁଳ ଗାଁରେ ଶବକୁ ମିଳିଲାନାହିଁ କାନ୍ଧ । ପୁଅ ଓ ସଂପର୍କୀୟ ପୁତୁରା ଭାର ବୋହି ମଶାଣି ନେଲେ ମୃତଦେହ ।
Kanak News is now on WhatsApp
Join and get latest news updates delivered to you via WhatsApp
କ୍ୟାନସର ରୋଗରେ ପୀଡିତ ଦୁଃଶାସନ ବେହରାଙ୍କ ମୃତ୍ୟୁ ପରେ ତାଙ୍କ ଶବକୁ ମଶାଣିକୁ ନେବା ପାଇଁ ଜ୍ଞାତି କୁଟୁମ୍ବ କାନ୍ଧ ଦେଲେ ନାହିଁ । କାରଣ ମୃତ୍ୟୁ ପୂର୍ବରୁ ବାନ୍ତିରେ ତାଙ୍କ ପେଟରୁ ପୋକ ବାହାରିଥିଲା । ତେବେ ଦୁଃଶାସନଙ୍କ ମୃତଦେହକୁ ଗ୍ରାମବାସୀ ନଛୁଇଁବାରୁ ଗୋଟିଏ ରାତି ଘରେ ପଡିରହିଥିଲା ।
ପରେ ମୃତକଙ୍କ ପୁଅ ନିଜେ କୋକେଇ ତିଆରି କରି ତାଙ୍କର ସଂପର୍କୀୟ ନାବାଳକ ଭାଇଙ୍କ ସହଯୋଗରେ ବାଉଙ୍ଗିରେ ଭାର କରି ଦୁଃଶାସନଙ୍କ ଶବକୁ ମଶାଣିକୁ ନେଇଥିଲେ । ପରେ ଗ୍ରାମବାସୀ କାଠ ସଂଗ୍ରହ କରି ମଶାଣିରେ ପହଂଚିଥିଲେ ।