ନୀରବ ମୋଦି ନାଁରେ ରେଡ୍ କର୍ଣ୍ଣର ନୋଟିସ୍ ଜାରି କଲା ଇଂଟରପୋଲ : ଗୋଟିଏ ଦେଶରୁ ଅନ୍ୟ ଦେଶକୁ ଯିବା ଉପରେ କଟକଣା
କନକ ବ୍ୟୁରୋ : ଦେଶର ସବୁଠାରୁ ବଡ଼ ବ୍ୟାଙ୍କ ଘୋଟାଲା ମଧ୍ୟରେ ଗୋଟିଏ ପିଏନବି ଘୋଟାଲାର ମୁଖ୍ୟ ନୀରବ ମୋଦିଙ୍କ ପାଇଁ ମୁସ୍କିଲ ବଢ଼ିପାରେ । ନୀରବ ମୋଦି ନାଁରେ ରେଡ୍ କର୍ଣ୍ଣର ନୋଟିସ୍ ଜାରି କଲା ଇଂଟରପୋଲ । ରେଡ୍ କର୍ଣ୍ଣର ନୋଟିସ୍ ଜାରି କରିବାକୁ ପୂର୍ବରୁ ସିବଆଇ ଇଂଟରପୋଲକୁ ଅନୁରୋଧ କରିଥିଲା । ଏହାର ଅର୍ଥ ଏବେ ନୀରବ ମୋଦି ଯେକୌଣସି ଏୟାରପୋର୍ଟରେ ଦେଖାଗଲେ ତାଙ୍କୁ ତୁରନ୍ତ ଗିରଫ କରାଯିବ । ଇଂଟରପୋଲରେଅନ୍ତର୍ଗତ ପ୍ରାୟ ୧୯୨ ଦେଶ ଆସନ୍ତି । ଯଦି ଏଥର ନୀରବଙ୍କୁ ଗିରଫ କରାଗଲା, ତେବେ ତାଙ୍କୁ ଭାରତ ଆଣିବା ପାଇଁ ସୁବିଧା ହେବ । ଏହି ନୋଟିସ୍ ଜାରି ପରେ ନୀରବଙ୍କ ଗୋଟିଏ ଦେଶରୁ ଅନ୍ୟ ଗୋଟିଏ ଦେଶକୁ ପଳାଇ ଯିବାରେ କଟକଣା ଲାଗିପାରେ । କାରଣ ଇଂଟରପୋଲର ସଦସ୍ୟ ରାଷ୍ଟ୍ରମାନେ ନୀରବକୁ ଠାବ କରି ଗିରଫ କରିବାକୁ ଚେଷ୍ଟା କରିବେ । ପିଏନବି ଦୁର୍ନୀତି ମାମଲାରେ ଭାରତରୁ ପଳାଇଯାଇଥିବା ନୀରବ ଏବେ ଲଣ୍ଡନରେ ରହୁଥିବାର ଖବର ମିଳିିଛି ।
Kanak News is now on WhatsApp
Join and get latest news updates delivered to you via WhatsApp
ପଞ୍ଜାବ ନ୍ୟାସନାଲ ବ୍ୟାଙ୍କ ଅର୍ଥ ଜାଲିଆତିରେ ଅଭିଯୁକ୍ତ ଅରବପତି ହୀରା ସୌଦାଗର ନିରବ ମୋଦିଙ୍କ ବିରୋଧରେ ଜାରି କରାଯାଇଛି ରେଡ୍ କର୍ଣ୍ଣର୍ ନୋଟିସ୍ । ରେଡ୍ କର୍ଣ୍ଣର୍ ନୋଟିସ୍ ବଳରେ ଇଣ୍ଟର୍ପୋଲର ସଦସ୍ୟ ରାଷ୍ଟ୍ରଗୁଡ଼ିକର ପ୍ରବର୍ତ୍ତନ ଏଜେନ୍ସିମାନେ ନିଜ ନିଜ ଦେଶରେ ନିରବ ମୋଦିଙ୍କୁ ଖୋଜି ବାହାର କରିବାକୁ ଉଦ୍ୟମ କରିବା ସହ ତାଙ୍କୁ ଗିରଫ କରି ପାରିବେ । ରେଡ୍ କର୍ଣ୍ଣର୍ ନୋଟିସ୍ ଜାରି ହେବା ଯୋଗୁଁ ନିରବ ମୋଦିଙ୍କ ଚଳପ୍ରଚଳ ସୀମିତ ହୋଇଯିବ । ବିଶ୍ୱବ୍ୟାପୀ ଖୋଜା ପଡ଼ିଥିବା ବେଳେ ଏବେ ୪୭ ବର୍ଷିୟ ନିରବ ଲଣ୍ଡନର ମେ’ଫେୟାରରେ ଅବସ୍ଥାନ କରୁଛନ୍ତି ବୋଲି ଖବର ମିଳୁଛି ।