ଥମୁନି ନିଆଳୀ ମେଣ୍ଢା ମୃତ୍ୟୁର କୋକୁଆ ଭୟ ! ପ୍ରତିଦିନ ମରୁଛନ୍ତି ତିନି ଚାରି ମେଣ୍ଢା, ରାତି ଉକ୍ସାଗର ହୋଇ ଜଗୁଛି ଚାଷୀ, କୁମ୍ଭକର୍ଣ୍ଣ ନିଦରେ ସରକାର ।
କନକ ବ୍ୟୁରୋ : ଖବରକୁ ପୁଣି ଫେରିଛି ନିଆଳୀରେ ମେଣ୍ଢା ମଡକ ଘଟଣା । ମୃତ୍ୟୁ ଘଟଣାକୁ ନେଇ କୋକୁଆ ଭୟ ସୃଷ୍ଟି ହୋଇଛି । ପ୍ରତ୍ୟକ ଦିନ ୪ରୁ ୫ଟି ମେଣ୍ଢାର ମୃତ୍ୟୁ ହେଉଛି । ଯାହାକୁ ନେଇ ଚିନ୍ତାରେ ପଡିଛନ୍ତି ଚାଷୀ । କିଏ ସେ ଅଜଣା ଜନ୍ତୁ ମାତ୍ର କିଛି ସମୟ ଭିତରେ ମେଣ୍ଢାଙ୍କୁ ମାରି ଦେଉଛି । ସେ କାହାଣୀର ରହସ୍ୟ ଖୋଜିବାକୁ ନିଆଳୀର ବିଳାଶୁଣି ପଂଚାୟତରେ ସ୍ଥିତି ପରଖିବାକୁ ପହଁଚିଥିଲା କନକ ନ୍ୟୁଜ୍ ଟିମ୍ । ବିଳମ୍ବିତ ରାତିରେ ବିଳାଶୁଣି ପଂଚାୟତ ଅଫିସ ପାଖରେ ପହଁଚିଥିଲେ ଆମ ପ୍ରତିନିଧି । କେହି କୁଆଡେ ନଥିବା ବେଳେ କିଛି ଦୂରରେ ନିଆଁ ଜଳୁଥିବାର ଦେଖିବାକୁ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ଦେଖି ପ୍ରଥମେ ଚମକି ପଡିଥିଲେ ଏବଂ କେହି ନିଆଁ ଲଗାଇଦେଇଛି ବୋଲି ଅନୁମାନ କରି ସେହି ଆଡକୁ ଧାଇଁ ଯାଇଥିଲେ । ହେଲେ ନିଆଁ ନିକଟରେ ପହଁଚି ଯାହା ଦେଖିଲେ ଏ ହେଉଛି ସେହି ଚିତ୍ର । ଏହି ଚିତ୍ର ହିଁ ବୟାନ କରୁଛି ଗାଁର କିଛି ଯୁବକ ମେଣ୍ଢା ମାରୁଥିବା ଜନ୍ତୁକୁ ଧରିବା ପାଇଁ କିଭଳି ନିଆଁ ଜାଳି ରାତି ଉଜାଗର ରହି ଜଗି ବସୁଛନ୍ତି । ସେହିଭଳି ଗାଁ ଭିତରେ କିଏ ଗୁହାଳ ଭିତରେ ମେଣ୍ଢାକୁ ଜଗି ବସିଛି ତ ଆଉ କିଏ ଭୟରେ ମେଣ୍ଢାରୁ ନିଜ ଶୋଇବା ଘରେ ବାନ୍ଧି ରଖିଥିଲେ । ଅନ୍ୟପଟେ ଏହି ମେଣ୍ଢାର କାରଣ ଜାଣିବା ପାଇଁ ସରକାର ଠୋସ ପଦକ୍ଷେପ ନେଇ ନାହାଁନ୍ତି । ଯାହାକୁ ନେଇ ମେଣ୍ଢା ଚାଷୀଙ୍କ ଭିତରେ ଘୋର ଅସନ୍ତୋଷ ଦେଖାଯାଇଛି ।