ଆଉ ଦିନ କେଇଟା ପରେ ନୂଆବର୍ଷ ! ନୂଆ ସକାଳରେ କ’ଣ ସଙ୍କଳ୍ପ ନେବେ, ଏବେ ଠାରୁ ସ୍ଥିର କରିନିଅନ୍ତୁ . . . .
ଆଉ ଦିନ କେଇଟାରେ ସରିଯିବ ବର୍ଷ ୨୦୧୮ । ନୂଆ ଉନ୍ମାଦନା ଓ ନୂଆ ଆଶା ନେଇ ପୁଣି ଆସିବ ଆଉ ଏକ ବର୍ଷ, ନୂଆ ବର୍ଷ । ସବୁକିଛି ଲାଗିବ ନୂଆ ନୂଆ । ପୁରୁଣାକୁ ବିଦାୟକାଳୀନ ଦୁଃଖ ଓ ନୂଆକୁ ସ୍ୱାଗତ କରିବାର ଆନନ୍ଦରେ ମନ ଓ ହୃଦୟ ଖୋଜିବ କିଛି ନୂଆ ସମ୍ଭାଷଣ । ଆଉ ଏହାରି ଭିତରେ ପୁରୁଣାକୁ ଭୁଲି କିଛି ନୂଆ କରିବାର ଅଭିପ୍ରାୟ ବସାବାନ୍ଧିବ ମନରେ । ନୂଆବର୍ଷ ଅନେକ ନୂଆ ଉତ୍ସାହ ଓ ନୂଆ ଆନନ୍ଦ ନେଇ ଆସେ । ଲୋକେ ଅତୀତରେ ଘଟିଯାଇଥିବା ଖରାପ ଘଟଣାକୁ ଭୁଲି କିଛି ଭଲ କରିବାକୁ ସ୍ଥିର କରନ୍ତି । ନୂଆବର୍ଷରେ ଜୀବନକୁ ଆଉଥରେ ନୂଆକରି ଗଢିବାର ଯୋଜନା ତିଆରି ହୁଏ । ଏକ ସର୍ବେକ୍ଷଣରୁ ଜଣପଡିଛି ଯେ, ଯୁବଗୋଷ୍ଠୀ ଅଧିକ ନୂଆବର୍ଷ ସଂକଳ୍ପ କରିଥାନ୍ତି । ମାତ୍ର ଖୁବ୍ ଲୋକ କିଛି ମାସ ପର୍ଯ୍ୟନ୍ତ ଏହାକୁ ମାନିଥାନ୍ତି । ଏହି ସଂକଳ୍ପ ସାଧାରଣତଃ ବ୍ୟବହାର ପରିବର୍ତ୍ତନ ଉପରେ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp